ថ្ងៃច័ន្ទ ៩រោច ដល់ថ្ងៃព្រហស្បតិ៍ ១២រោច ខែចេត្រ ឆ្នាំរកា នព្វស័ក ព.ស ២៥៦១ ត្រូវនឹងថ្ងៃទី០៩ ដល់ថ្ងៃទី១២រោច ខែមេសា ឆ្នាំ២០១៨ ការិ. ទប់ស្កាត់អំពើហិង្សាក្នុងគ្រួសារ នាយកដ្ឋានការពារផ្លូវច្បាប់ នៃក្រសួងកិច្ចការនារី បានសហការជាមួយមន្ទីកិច្ចការនារីខេត្តកំពត រៀបចំវគ្គបណ្តុះបណ្តាលគ្រូបង្គោល ស្តីពីការទប់ស្កាត់អំពើហិង្សាក្នុងគ្រួសារ

ព្រឹកថ្ងៃទី០៤ ខែធ្នូ ឆ្នាំ២០១៩ លោកជំទាវវេជ្ជ. អុឹង កន្ថាផាវី រដ្ឋមន្រ្តីក្រសួងកិច្ចការនារី អញ្ជើញចូលរួម អធិបតីក្នុងពិធីយុទ្ធនាការ១៦ថ្ងៃ បំពាក់បូពណ៍ស បញ្ឈប់អំពើហិង្សាលើស្ត្រី ក្រោមប្រធានបទ “រួមគិត រួមធ្វើ រួមដោះស្រាយ ដើម្បីបញ្ឈប់អំពើហិង្សាលើស្ត្រី និងក្មេងស្រី “ រៀបចំដោយក្រសួងកិច្ចការនារី ដោយមានការសហការជាមួយអង្គការ UN Women កម្មវិធីACCESS  អង្គការ UNFPA ។ យុទ្ធនាការ១៦ថ្ងៃ បញ្ឈប់អំពើហិង្សាលើស្ត្រី គឺជាយុទ្ធនាការមួយដែលត្រូវបានប្រារព្ធឡើងចាប់ពីថ្ងៃទី២៥ ខែវិច្ឆិកា ដល់ថ្ងៃទី១០ ខែធ្នូ ជារៀងរាល់ឆ្នាំ និងជាលក្ខណៈសកល ។ កម្មវិធីនេះប្រារព្ធឡើងនៅទីស្តីការក្រសួងកិច្ចការនារីដែលមានអ្នកចូលរួមទាំងអស់ប្រមាណ ៣៥០នាក់ ក្នុងនោះមាន ថ្នាក់ដឹកនាំ មន្ត្រីរាជការ និងបុគ្គលិកក្រសួងកិច្ចការនារី   ក្រុមការងារបច្ចេកទេសឆ្លើយតបអំពើហិង្សាទាក់ទងនឹងយេនឌ័រមកពីក្រសួងពាក់ព័ន្ធ អង្គការដៃគូ បងប្អូនកម្មករ កម្មការិនីមកពីរោងចក្រ ចំនួន៩នៅរាជធានីភ្នំពេញ និងចំនួន១មកពីខេត្តតាកែវ ប្អូនៗសិស្សានុសិស្ស មកពីវិទ្យាល័យ ហ៊ុន សែន បូរី មួយរយខ្នង ។ យុទ្ធនាការនេះមានគោលបំណង…

រាជរដ្ឋាភិបាល នឹងផ្តោតអាទិភាពលើ ការបន្តជំរុញអនុវត្ត “ ផែនការសកម្មភាពជាតិ ស្តីពី ការទប់ស្កាត់អំពើហិង្សាលើស្ត្រី ” សំដៅលុបបំបាត់ឥរិយាបទប្រើអំពើហិង្សាលើស្ត្រី និងពង្រីកវប្បធម៌អហិង្សា ដើម្បីរួមចំណែកលើកកម្ពស់សីលធម៌សង្គម តម្លៃស្ត្រី និងគ្រួសារខ្មែរ ក៏ដូចជា កសាងគ្រួសារមានសុភមង្គល សហគមន៍ និងសង្គមជាតិសុខដុមរមនា។… ដកស្រង់ចេញពី យុទ្ធសាស្រ្តចតុកោណ ដើម្បីកំណើន ការងារ សមធម៌ និងប្រសិទ្ធិភាព នៅកម្ពុជា ដំណាក់កាលទី៣ របស់ រាជរដ្ឋាភិបាល នីតិកាលទី៥ នៃ រដ្ឋសភា។

នាព្រឹកថ្ងៃអង្គារ ៨រោច ខែស្រាពណ៍ ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី៣១ ខែសីហា ឆ្នាំ២០២១ ក្រសួងកិច្ចការនារី បានរៀបចំដាក់សម្ភោធជាផ្លូវការនូវ«កម្មវិធីអភិវឌ្ឍន៍ភាពជាអ្នកដឹកនាំរបស់យុវជនដើម្បីសមភាពយេនឌ័រ រដូវកាលទី២» តាមរយៈ Zoom Meeting ក្រោមអធិបតីភាពដ៏ខ្ពង់ខ្ពស់ លោកជំទាវកិត្តិបណ្ឌិត អុឹង កន្ថាផាវី រដ្ឋមន្ត្រីក្រសួងកិច្ចការនារី និងមានការចូលរួមពីតំណាងអង្គការដៃគូអភិវឌ្ឍន៍ដែលរួមមាន៖ លោក ដានីញែល អាលេមូ (Daniel Alemu) តំណាងស្តីទីប្រចាំប្រទេសកម្ពុជា, មូលនិធិសហប្រជាជាតិសម្រាប់ប្រជាជន (UNFPA), លោកស្រី ហ៊ូ កល្យាណ នាយកប្រចាំប្រទេស នៃអង្គការ Recoftc Cambodia, តំណាង UNDP រួមទាំងការចូលរួមពីសំណាក់ថ្នាក់ដឹកនាំ និងមន្រ្តីរាជការ ក្រសួងកិច្ចការនារី មន្ទីរកិច្ចការនារីទាំង២៥ ខេត្ត/រាជធានី តំណាងដៃគូអភិវឌ្ឍន៍ អង្គការសង្គមស៊ីវិល វិស័យឯកជន ព្រមទាំងសាស្ត្រាចារ្យ និងនិស្សិតមកពីសកលវិទ្យាល័យនានានៅរាជធានីភ្នំពេញ សរុបប្រមាណជិត ៣០០នាក់។ កម្មវិធីអភិវឌ្ឍន៍ភាពជាអ្នកដឹកនាំរបស់យុវជនដើម្បីសមភាពយេនឌ័រ រដូវកាលទី២នេះមានគោលបំណង៖ – បង្កើនចំណេះដឹង…

នៅថ្ងៃចន្ទ១រោច ខែមិគសិរ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី២០ ខែធ្នូ ឆ្នាំ២០២១ ក្រោមអធិបតីភាពដ៏ខ្ពង់ខ្ពស់របស់លោកជំទាវកិត្តិបណ្ឌិត អុឹង កន្ថាផាវី រដ្ឋមន្រ្តីក្រសួងកិច្ចការនារី បានអញ្ជើញថ្លែងសុន្ទរកថាបើកក្នុងអង្គសន្និបាត បូកសរុបលទ្ធផលការងារកិច្ចការនារីឆ្នាំ២០២១ និងលើកទិសដៅការងារសម្រាប់ឆ្នាំ២០២២ របស់ក្រសួងកិច្ចការនារី នៅសណ្ឋាគារភ្នំពេញ។ ជារៀងរាល់ឆ្នាំ ក្រសួងកិច្ចការនារីតែងតែរៀបចំសន្និបាតបូកសរុបការងារ និងលើកទិសដៅបន្តដោយបានប្រើប្រាស់ព្រឹត្តិការណ៍នេះ ក្នុងការឆ្លុះបញ្ជាំងនិងពិនិត្យមើលលើសមិទ្ធផលការងារសំខាន់ៗ រួមទាំងចំណុចខ្លាំង កាលានុវត្តភាពនានា បញ្ហាប្រឈម មេរៀនបទពិសោធន៍ ដើម្បីលើកទិសដៅបន្ត។ នៅក្នុងវិបត្តិនៃការរីករាលដាលជំងឺកូវីដ-១៩ ក្នុងទិដ្ឋភាពជាសកល មានការសិក្សាស្រាវជ្រាវនានាបានបង្ហាញថា កូវីដ-១៩មានផលប៉ះពាល់ជាអវិជ្ជមានមកលើស្រ្តីច្រើនជាងបុរសទាំងក្នុងផ្នែកសេដ្ឋកិច្ច និងផ្នែកសង្គម។ . ស្រ្តីជាមុខសញ្ញាចម្បងដែលអាចទទួលរងប៉ះពាល់មុខគេ ជាពិសេសសុខាភិបាលជួរមុខជាស្រ្តី។ . ស្រ្តីធ្វើការនៅក្នុងទីផ្សារពលកម្មដែលមិនសូវមានសុវត្ថិភាព ត្រូវរងផលប៉ះពាល់ផ្នែកសេដ្ខកិច្ចធ្ងន់ធ្ងរ។ . ស្រ្តីជិត៦០%នៅទូទាំងពិភពលោក កំពុងធ្វើការនៅក្នុងសេដ្ឋកិច្ចក្រៅប្រពន្ធ័ ដែលងាយនឹងរងហានិភ័យខ្ពស់ក្នុងការធ្លាក់ចូលក្នុងភាពក្រីក្រ។ . ការងារថែទាំដែលមិនមានប្រាក់កម្រៃរបស់ស្រ្តីមានការកើនឡើង ដោយសារការបិទសាលារៀន និងការកើនឡើងនៃតម្រូវការរបស់មនុស្សវ័យចាស់។ ផ្អែកលើហេតុផលដែលបានលើកឡើងខាងលើ ក្រសួងកិច្ចការនារី ផ្តោតយកចិត្តទុកដាក់និងពិភាក្សាឧ៌្យបានស៉ីជម្រៅ និងដាក់ចេញនៅទិសដៅប្រកបដោយប្រាកដប្រជា ក្នុងការពន្លឿននិងពង្រីកវិសាលភាពការអនុវត្តផែនការយុទ្ធសាស្រ្តនារីរតនៈទី៥ឆ្នាំ២០២១-២០២៣ និងការចូលរួមយ៉ាងសកម្មនៅក្នុងក្របខណ្ឌនៃផែនការស្តារសេដ្ឋកិច្ចកម្ពុជាក្រោយវិបត្តិជំងឺកូវីដ-១៩ឆ្នាំ២០២១-២០២៣ និងយុទ្ធសាស្រ្តចតុកោណរបស់រាជរដ្ឋាភិបាលដើម្បី «កំណើន ការងារ សមធម៌…

រាជធានីភ្នំពេញ៖ អបអរសាទរ ខួបលើកទី១០៩ ទិវាអន្តរជាតិនារី ៨មីនា ឆ្នាំ២០២០ ក្រោមប្រធានបទ ” មានសន្តិភាព មានការលើកកម្ពស់សមភាពយេនឌ័រ ” ។ ……………….. លោកជំទាវ អុឹម សុីថែ រដ្ឋលេខាធិការ ក្រសួងកិច្ចការនារី អញ្ជើញជាអធិបតី វេទិកាអបអរសាទរ ខួបលើកទី១០៩ ទិវាអន្តរជាតិនារី ៨មីនា ឆ្នាំ២០២០ ដែលប្រព្រឹត្តទៅនៅថ្ងៃព្រហស្បតិ៍ ១២កើត ខែផល្គុន ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី០៥ ខែមីនា ឆ្នាំ២០២០ នៅវិទ្យាល័យទួលអំពិល និងវិទ្យាល័យប្ញស្សីកែវ ។ គោលបំណងវេទិកានេះ៖ រំលឹកពីការតស៊ូរបស់ស្ត្រីទូទាំងសកលលោកក្នុងការទាមទារសិទ្ធិ សេរីភាពប្រជាធិបតេយ្យ ការអនុវត្តសិទ្ធិស្មើភាពរវាងបុរស និងស្រី្ត និងពិនិត្យលើការចូលរួមរបស់ស្ត្រីក្នុងការអភិវឌ្ឍសង្គមលើគ្រប់វិស័យ។ សមាសភាពចូលរួមប្រមាណ ៤៥០នាក់មកពី៖ ថ្នាក់ដឹកនាំក្រសួងកិច្ចការនារី លោកអនុប្រធានមន្ទីរអប់រំ យុវជន និងកីឡា លោកនាយកវិទ្យាល័យ អ្នកគ្រូ លោកគ្រូ និងសិស្សានុសិស្ស។ ឧបត្ថម្ភដោយ៖ រាជរដ្ឋាភិបាល…

នារសៀលថ្ងៃច័ន្ទ ទី២៣ ខែសីហា ឆ្នាំ២០២១នេះ តាមប្រព័ន្ធអនឡាញ លោកជំទាវកិត្តិបណ្ឌិត អុឹង កន្ថាផាវី រដ្ឋមន្រ្តីក្រសួងកិច្ចការនារី បានអនុញ្ញាតឱ្យបេក្ខជនជ័យលាភីអាហារូបករណ៍អភិវឌ្ឍន៍ធនធានមនុស្សប្រទេសជប៉ុន(JDS)ចំនួន២៦រូប(បុរស១៦រូប) ជួបសំដែងការគួរសម និងទទួលអនុសាសន៍ណែនាំមុននឹងចេញទៅបន្តការសិក្សាលើជំនាញផ្សេងៗ នៅតាមបណ្តាសកលវិទ្យាល័យក្នុងប្រទេសជប៉ុន។ លោកជំទាវកិត្តិបណ្ឌិតរដ្ឋមន្រ្តី បានកោតសរសើរនិងវាយតម្លៃខ្ពស់ចំពោះជោគជ័យរបស់បេក្ខជនទាំងអស់ ដែលទទួលបានឱកាសក្នុងការបន្តការសិក្សានៅក្រៅប្រទេស ដើម្បីអភិវឌ្ឍន៍សមត្ថភាព ចំណេះដឹង និងជំនាញថ្មីៗ ក្នុងបរិការណ៍ដែលប្រទេសជាតិមានសុខសន្តិភាពពេញលេញ ក្រោមការដឹកនាំប្រកបដោយកិត្តិបណ្ឌិតរបស់សម្តេចតេជោ នាយករដ្ឋមន្រ្តី។ ជាងនេះទៅទៀត លោកជំទាវក៏បានផ្តាំផ្ញើដល់បេក្ខជនទាំង២៦រូប ឱ្យខិតខំសិក្សារៀនសូត្រ ទាំងជំនាញរឹង និងជំនាញទន់ និងស្វែងយល់អំពីបទពិសោធន៍ល្អៗ ដើម្បីរួមចំណែកជាមួយរាជរដ្ឋាភិបាល ក្នុងការអភិវឌ្ឍន៍ប្រទេសជាតិនាពេលអនាគត។