ព័ត៌មាន

លោកជំទាវកិត្តិបណ្ឌិត អុឹង កន្ថាផាវី ប្រធានក្រុមប្រឹក្សាជាតិកម្ពុជាដើម្បីស្រ្តី និងជារដ្ឋមន្រ្តីក្រសួងកិច្ចការនារី បានអញ្ជើញជាអធិបតីភាពដ៏ខ្ពង់ខ្ពស់ ដឹកនាំកិច្ចប្រជុំពិភាក្សាស្តីពីការផ្តល់សេវាការពារក្តីជូនស្រ្តី និងក្មេងស្រីក្រីក្ររងគ្រោះដោយអំពើហិង្សា និងមានការចូលរួមពី ឯកឧត្តម លី ច័ន្ទតុលា ប្រធានគណៈមេធាវី ដែលជាដៃគូសហប្រតិបត្តិការរបស់ក្រុមប្រឹក្សាជាតិកម្ពុជាដើម្បីស្រ្តី ។ កិច្ចប្រជុំពិភាក្សានេះ សហការរៀបចំ និងសម្របសម្រួលដោយអគ្គលេខាធិការដ្ឋានអចិន្រៃ្តយ៍ ក.ជ.ក.ស និង អគ្គនាយកដ្ឋានអភិវឌ្ឍន៍សង្គម នៃក្រសួងកិច្ចការនារី និងគាំទ្រហិរញ្ញវត្ថុពីកម្មវិធី ACCESS ក្នុងគោលបំណង៖ (១)បង្កើនកិច្ចសហប្រតិបត្តិការ កែសម្រួលនីតិវិធី និងដោះស្រាយបញ្ហាមួយចំនួន ដើម្បីពន្លឿនសំណុំរឿងជនរងគ្រោះតាមផ្លូវច្បាប់ និងជៀសវាងការយឺតយ៉ាវដល់ដំណើរការការពារក្តី ។ (២) បង្កើនការគ្រប់គ្រងព័ត៌មាន ទិន្នន័យទាក់ទងអំពើហិង្សាយេនឌ័រដែលទទួលបានសេវាការពារក្តីតាមផ្លូវច្បាប់ គុណភាពនៃការផ្តល់សេវា និងប្រសិទ្ធភាព។ សមាសសភាពចូលរួម សរុប ៧៨នាក់ (ស្ត្រី ៦១) ជាថ្នាក់ដឹកនាំក្រសួងកិច្ចការនារី អគ្គលេខាធិការ នៃអគ្គលេខាធិការដ្ឋានអចិន្ត្រៃយ៍ ក.ជ.ក.ស. អគ្គនាយកនាយកដ្ឋានអភិវឌ្ឍន៍សង្គម មន្រ្តីត្រួតពិនិត្យហិរញ្ញវត្ថុប្រចាំក្រសួងកិច្ចការនារី ប្រធានមន្ទីរ និងមន្រ្តីនគរបាលយុត្តិធម៌នៃមន្ទីរកិច្ចការនារីរាជធានី ខេត្ត ទាំង២៥ តំណាងគណៈមេធាវីកម្ពុជា ៥នាក់ និងតំណាងកម្មវិធីសហប្រតិបត្តិការ អូស្ត្រាលី-កម្ពុជាដើម្បីផ្តល់សេវាប្រកបដោយនិរន្តរភាពនិងសមធម៌(ហៅកាត់ថាកម្មវិធី…

នារសៀលថ្ងៃអង្គារ ១២រោច ខែមាឃ ឆ្នាំជូត​ ទោស័ក ព.ស២៥៦៤ ត្រូវនឹងថ្ងៃទី៩ ខែកុម្ភៈ ឆ្នាំ២០២១ លោកជំទាវកិត្តិបណ្ឌិត អុឹង កន្ថាផាវី រដ្ឋមន្ត្រីក្រសួងកិច្ចការនារី បានអនុញ្ញាណឱ្យលោកស្រី កាមេយ ហារូកុ (KAMEI Haruko) ប្រធាន JICA ថ្មីនៅកម្ពុជា ចូលជួបសម្តែងការគួរសម និងពិភាក្សារការងារ។ ក្នុងជំនួបនោះដែរ បានពិភាក្សាលើប្រធានបទ ការបញ្ជ្រាបយេនឌ័រ និងការផ្តល់ភាពអង់អាចផ្នែកសេដ្ឋកិច្ចដល់ស្ត្រី ដោយផ្អែកលើការបណ្តុះបណ្តាល និងអភិវឌ្ឍន៍សមត្ថភាពដល់មន្ត្រីកិច្ចការនារី ឱ្យចេះធ្វើការជាមួយក្រសួងពាក់ព័ន្ធ៨ផ្សេងទៀត។ ក្រៅពីកិច្ចពិភាក្សារលើប្រធានបទនេះ JICA និងក្រសួងកិច្ចការនារីក៏ចូលរួមកិច្ចសហការប្រយុទ្ធប្រឆាំងនៃការរីករាលដាលកូវីដ១៩ និងផលប៉ះពាល់ដល់សេដ្ឋកិច្ចស្រ្តី ឱ្យចេះអនាម័យ ចេះទប់ស្កាត់នឹងជំងឺនេះ ដោយសហការជាមួយនឹងក្រសួងសុខាភិបាល ក្រសួងទេសចរណ៍។ គម្រោងថ្មីមួយទៀតដែល JICA និងក្រសួងកិច្ចការនារី ក៏មានគោលបំណងធំៗ ៣ដែរគឺ ជួយស្ត្រីជាសហគ្រិន (ចាប់ពីអាយុ១៧ឆ្នាំ រហូតដល់៣០ឆ្នាំ) ជាស្ត្រីម្ចាស់សហគ្រិន និងសហគ្រិនតូច-មធ្យម។

លោកបណ្ឌិត ដាញែល អាល់ឡឺម៉ុយ តំណាងស្តីទីអង្គការ UNFPA ប្រចាំនៅកម្ពុជា នារសៀលថ្ងៃទី៨ ខែកុម្ភៈ ឆ្នាំ២០២១នេះ បាននាំយកអំណោយជាសម្ភារៈប្រើប្រាស់ចាំបាច់ សម្រាប់ស្ត្រីនិងកុមារ ក្នុងស្ថានភាពប្រឈមនឹងជំងឺកូវីដ១៩ ជូនដល់ក្រសួងកិច្ចការនារី ដើម្បីឲ្យក្រសួងបន្តចែកជូនដល់ស្ត្រី និងក្មេងស្រីក្រីក្រ និងងាយរងគ្រោះ ដោយសារជំងឺកូវីដ១៩។ ក្រោយពីបញ្ចប់ជំនួប រវាងលោកជំទាវកិត្តិបណ្ឌិត អុឹង កន្ថាផាវី រដ្ឋមន្ត្រីក្រសួងកិច្ចការនារី និងលោកបណ្ឌិត ដាញែល និងពិធីប្រគល់-ទទួលអំណោយ នាទីស្តីការក្រសួង, លោកជំទាវ ញាណ សុចិត្រា អគ្គនាយកនៃអគ្គនាយកដ្ឋានអភិវឌ្ឍន៍សង្គម នៃក្រសួងកិច្ចការនារី បានមានប្រសាសន៍ថា អំណោយដែលទទួលបាននារសៀលនេះ មានចំនួន៧០០កញ្ចប់ ដែលក្រសួងនឹងបន្តចែកទៅកាន់ មន្ទីរកិច្ចការនារី នៅខេត្តចំនួន៨ ដើម្បីប្រគល់ជូនដល់ដៃស្ត្រី និងក្មេងស្រីក្រីក្រ មិនមានលទ្ធភាពក្នុងការទិញសម្ភារៈប្រើប្រាស់ ដើម្បីទប់ស្កាត់ការឆ្លងជំងឺកូវីដ១៩នេះ។ គួរជម្រាបថា នេះគឺជាលើកទី២ហើយ ដែលក្រសួងកិច្ចការនារី បានទទួលអំណោយ ជាសម្ភារៈប្រើប្រាស់ចាំបាច់ សម្រាប់ស្ត្រីនិងកុមារ ក្នុងស្ថានភាពប្រឈមនឹងជំងឺកូវីដ១៩ ពីអង្គការ UNFPA ខណៈលើកទី១ បានទទួលនៅក្នុងឆ្នាំ២០២០ ចំនួន៤០០កញ្ចប់ ដែលបានចែកជូនដល់ខេត្តគោលដៅចំនួន៨៕

នៅក្នុងដំណើរការឣភិវឌ្ឍសង្គម តួនាទីស្រ្តីក្នុងភាពជាឣ្នកដឹកនាំ និងនៅក្នុងថ្នាក់ធ្វើសេចក្តីសម្រេច បានដើរតួនាទីយ៉ាងសំខាន់ នៅក្នុងការធានាឱ្យការរីកចម្រើន ប្រកបដោយបរិយាបន្ន ជាពិសេសដោយមិនទុកនរណាម្នាក់ឱ្យនៅឯកោ។ ក្នុងន័យនេះ កម្មវិធីឣភិវឌ្ឍភាពជាឣ្នកដឹកនាំរបស់យុវជនដើម្បីសមភាពយេនឌ័រ (Youth lab) បានរៀបចំវេទិកាពិភាក្សាស្តីពីភាពជាឣ្នកដឹកនាំរបស់ស្រ្តី ក្នុងដំណើរឆ្ពោះទៅកាន់ការឣភិវឌ្ឍប្រកបដោយបរិយាបន្ន នៅសាលាខេត្តសៀមរាប នាថ្ងៃសុក្រ ទី៥ ខែកុម្ភៈ ឆ្នាំ២០២១។ វាគ្មិនដែលចូលរួមចែករំលែកបទពិសោធន៍ រួមមាន៖ ថ្នាក់ដឹកនាំជាស្រ្តី និងបុរស មកពីក្រសួងកិច្ចការនារី, អភិបាលរងខេត្តសៀមរាប និងប្រធានមន្ទីរកិច្ចការនារីខេត្តសៀមរាប និងដោយមានការចូលរួមពីសមាជិកកម្មវិធី ដែលជាមន្រ្តីវ័យក្មេងក្រសួងកិច្ចការនារី និងនិស្សិតដែលជាសមាជិកកម្មវិធី (Youth Lab) ចំនួន ៤០ នាក់។

នាព្រឹកថ្ងៃទី០៤ ខែកុម្ភៈ ឆ្នាំ២០២១ លោកជំទាវកិត្តិបណ្ឌិត អុឹង កន្ថាផាវី រដ្ឋមន្ត្រីក្រសួងកិច្ចការនារី អមដោយលោកជំទាវ ឯកឧត្តម និងសហការី បានអញ្ជើញចូលរួមក្នុងកិច្ចប្រជុំរវាងគណៈកម្មការទី៨នៃរដ្ឋសភា ដែលដឹកនាំដោយ លោកជំទាវ ឡោក ខេង ប្រធានគណៈកម្មការទី៨នៃរដ្ឋសភា រួមទាំងលោកជំទាវ និងឯកឧត្តមដែលជាសហការី ដើម្បីបង្ហាញជូននូវវឌ្ឍនភាពនិងលទ្ធផលការងាររបស់ក្រសួងកិច្ចការនារី ក្នុងការអនុវត្តផែនការយុទ្ធសាស្រ្តនារីរតនៈទី៥ ឆ្នាំ២០១៩-២០២៣ និងចូលរួមអនុវត្តយុទ្ធសាស្រ្តចតុកោណរបស់រាជរដ្ឋាភិបាល ។

នាព្រឹក ថ្ងៃ ទី ២ ខែ កុម្ភៈ ឆ្នាំ២០២១ លោកជំទាវ ខេង សំវ៉ាដា រដ្ឋលេខាធិការប្រចាំការ នៃ ក្រសួងកិច្ចការនារី បានចូលរួមកិច្ចប្រជុំ តាមយៈប្រព័ន្ធអនឡាញ ដើម្បីផ្តល់ ធាតុចូល ក្នុងការរៀបចំផែនការសកម្មភាព ឆ្នាំ ២០២១ – ២០២៥ របស់ គណៈកម្មធិការ អាស៊ានស្តីពីស្រ្តី។ អង្គប្រជុំ បានពិភាក្សា លើ បួនចំណុច ដែលរួម មាន៖ -ការលើកកម្ពស់សុវត្ថិភាព និងការការពារស្រ្តី និងក្មេងស្រី -ស្រ្តីនៅក្នុងសេដ្ឋកិច្ច និងការងារ -ស្រ្តី សន្តិភាព និងសន្តិសុខ -ស្រ្តីនឹងបម្រែបម្រួលអាកាសធាតុ

រាជធានីភ្នំពេញ៖ នាព្រឹកថ្ងៃទី០១ ខែកុម្ភៈ ឆ្នាំ២០២១ លោកជំទាវ ដេវយ៉ានី ខុប្រ៊ា ហ្គាដេ (Devyani. U. Khobragade) ឯកអគ្គរដ្ឋទូតថ្មីនៃសាធារណរដ្ឋឥណ្ឌា ប្រចាំព្រះរាជាណាចក្រកម្ពុជា បានចូលជួបសម្តែងការគួរសម និងពិភាក្សាការងារទៅលើកិច្ចសហប្រតិបត្តិការនានា ជាមួយ លោកជំទាវកិត្តិបណ្ឌិត អុឹង កន្ថាផាវី រដ្ឋមន្ត្រីក្រសួងកិច្ចការនារី ។ ក្នុងជំនួបពិភាក្សានេះ លោកជំទាវកិត្តិបណ្ឌិត រដ្ឋមន្ត្រីក្រសួងកិច្ចការនារី និងលោកជំទាវឯកអគ្គរដ្ឋទូតឥណ្ឌា បានធ្វើការវាយតម្លៃខ្ពស់ទៅលើកិច្ចសហការយ៉ាងជិតស្និទ្ធរវាង ក្រសួងកិច្ចការនារី និងស្ថានទូតឥណ្ឌាប្រចាំកម្ពុជាកន្លងមកទៅលើគម្រោងមួយចំនួនក្នុងការលើកកម្ពស់ភាពអង់អាច និងសុខុមាលភាពដល់ស្ត្រីនិងក្មេងស្រីតាមរយៈការផ្តល់ជំនួយគាំទ្រដល់វគ្គបណ្តុះបណ្តាលដល់មន្ត្រីក្រសួងកិច្ចការនារី និងការគាំទ្រទៅលើគម្រោងសាងសង់បន្ទប់ទឹក និងសាលារៀនតាមរយៈគម្រោងឆាប់ទទួលបានផល (Quick Impact Project) នៅក្នុងគម្រោងកិច្ចសហប្រតិបត្តិការមេគង្គហ្គាហ្គាន (Mekong Gangka Cooperation) ។ លោកជំទាវឯកអគ្គរដ្ឋទូត ក៏មានចំណាប់អារម្មណ៍ទៅលើគម្រោងមួយចំនួនដែលជាការលើកឡើងរបស់លោកជំទាវកិត្តិបណ្ឌិតរដ្ឋមន្រ្តីក្រសួងកិច្ចការនារី ដូចជាគម្រោងអាហារូបត្ថម្ភល្អ និងចំណេះដឹងបច្ចេកវិទ្យាក្នុងវិស័យអប់រំ ការពង្រឹងភាពអង់អាចផ្នែកសេដ្ឋកិច្ចដល់ស្ត្រីតាមរយៈការដាក់ចេញនូវគម្រោងបង្កើតមជ្ឈមណ្ឌលបណ្តុះបណ្តាលជំនាញវិជ្ជាជីវៈ និងសហគ្រិនភាពដល់ស្ត្រី ជាពិសេសពង្រឹងផ្នែកចំណេះដឹងឌីជីថលដល់ពួកគាត់ដើម្បីពង្រឹងភាពអង់អាចផ្នែកសេដ្ឋកិច្ចដល់ស្ត្រី និងសម្រេចបាននូវការអភិវឌ្ឍប្រកបដោយចីរភាព។ នាក្នុងឱកាសនោះផងដែរ លោកជំទាវកិត្តិបណ្ឌិត រដ្ឋមន្ត្រីក្រសួងកិច្ចការនារី និងលោកជំទាវឯកអគ្គរដ្ឋទូតឥណ្ឌា ចុះអនុស្សរណៈនៃការយោគយល់គ្នា ជាមួយ សាធារណរដ្ឋឥណ្ឌា លើគម្រោង…

លិខិតអបអរសាទរ៖ សូមគោរពជូន សម្តេចអគ្គមហាសេនាបតីតេជោ ហ៊ុន សែ​ន នាយករដ្ឋមន្ត្រី នៃព្រះរាជាណាចក្រកម្ពុជា ក្នុងឱកាសដ៏មហានក្ខត្តឫកឧត្តុងឧត្តម ខួបលើកទី៣៦ នៃការឡើងកាន់តំណែងជានាយករដ្ឋមន្ត្រីនៃព្រះរាជាណាចក្រកម្ពុជា។

លិខិតអបអរសាទរ៖ សូមគោរពជូន សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ជាទីគោរពដ៏ខ្ពង់ខ្ពស់បំផុត!

នៅថ្ងៃទី១៥-១៦​ ខែធ្នូ ឆ្នាំ២០២០ ក្រសួងកិច្ចការនារីបានរៀបចំ កិច្ចប្រជុំប្រចាំឆ្នាំ និងកិច្ចប្រជុំពាក់ព័ន្ធនានារបស់គណៈកម្មាការអាស៊ានដើម្បីស្រ្តី តាមរយៈប្រព័ន្ធវីដេអូ ខណៈពេលដែលប្រទេសកម្ពុជាទទួលតំណែងជាប្រធានគណៈកម្មាការអាស៊ានស្ដីពីស្រ្តីចាប់ពីចុងខែធ្នូឆ្នាំ២០២០ ដល់ខែតុលា ឆ្នាំ២០២១ បន្ទាប់ពីប្រទេសប្រ៊ុយណេដារ៉ូសាឡឹម បានផុតអាណិត្តនៅក្នុងឆ្នាំ២០២០។ កិច្ចប្រជុំប្រចាំឆ្នាំ និងកិច្ចប្រជុំពាក់ព័ន្ធនានា ក្រោមប្រធានបទ “ការជម្រុញឱ្យមានស្រ្តីជាថ្នាក់ដឹកនាំ និងការចូលរួមកររបស់ស្រ្តីលើឆាកនយោបាយ” នេះបានប្រព្រឹត្តទៅក្រោមអធិបតីភាពដ៏ខ្ពង់ខ្ពស់របស់ លោកជំទាវ ខេង សំវ៉ាដា រដ្ឋលេខាធិការប្រចាំការនៃក្រសួងកិច្ចការនារី និងជាប្រធានរបស់គណៈកម្មាការអាស៊ានដើម្បីស្រ្តី។ កិច្ចប្រជុំប្រចាំឆ្នាំ បានពិភាក្សាយ៉ាងស៊ីជម្រៅទៅលើសេចក្ដីព្រាងផែនការសកម្មភាពថ្មីរបស់គណៈកម្មាការអាស៊ានស្ដីពីស្រ្តី ឆ្នាំ ២០២១-២០២៥ ដើម្បីដាក់ជូន រដ្ឋមន្រ្តីស្រ្តីអាស៊ាន ដើម្បីពិនិត្យនិងសម្រេចនៅត្រីមាសទី១ ឆ្នាំ២០២១។ កិច្ចប្រជុំបានឯកភាពលើការដាក់ចេញនូវឯកសារសំខាន់ៗមួយចំនួនក្នុងការអនុវត្តនិងធានាថាយេនឌ័រត្រូវបានគិតគូរគ្រប់ជ្រុងជ្រោយក្នុងសកម្មភាពរបស់គណៈកម្មាការអាស៊ានដើម្បីស្រ្តី គណៈកម្មាធិការអាស៊ានក្នុងការលើកកម្ពស់និងការការពារសិទ្ធដល់ស្រ្តី និងកុមារ ស្ថាប័នអន្តរវិស័យអាស៊ាន ក៏ដូចជាការចូលរួមពីសង្គមស៊ីវិលមួយចំនួនដែលធ្វើការពាក់ព័ន្ធស្រ្តី និងក្មេងស្រី។ ស្របពេលក្នុងកិច្ចប្រជុំគណៈកម្មាការអាស៊ានដើម្បីស្រ្តីនេះផងដែរ ​វត្តមានរបស់អាស៊ានបូកបី ប្រទេសចិន ជប៉ុន និងកូរ៉េ ក៏បានចូលរួមក្នុងកិច្ចប្រជុំលើកទី១២របស់គណៈកម្មាការអាស៊ានដើម្បីស្រ្តីបូកបី តាមរយៈប្រព័ន្ធវីដេអូ  ។​ សិក្ខាសាលាចំនួនពីរបានរៀបចំឡើង ១) សិក្ខាសាលា ស្ដីពី ការជម្រុញឱ្យមានស្រ្តីជាថ្នាក់ដឹកនាំ និងការចូលរួមលើឆាកនយោបាយនៅក្នុងតំបន់អាស៊ាន ក្នុងគោលបំណងទទួលបានធាតុចូលលើ ភាពជោគជ័យ និងបញ្ហាប្រឈមរបស់ស្រ្តីក្នុងភាពជាអ្នកដឹកនាំ និងការចូលរួមក្នុងនយោបាយក្នុងបណ្តាប្រទេសជាសមាជិកអាស៊ាន…