ព័ត៌មាន

ទិវាសហគ្រិនស្ត្រី បានប្រារព្ធឡើងជាលើកទី៣ក្រោមប្រធានបទ “ស្វែងយល់ពីភាពអស្ចារ្យរបស់ខ្លួន” ។ ទិវានេះគឺជាការប្រមូលផ្តុំ សហគ្រិនស្រ្តីដែលមានបទពិសោធន៏មកជជែកនឹងផ្លាស់ប្តូរគំនិត យោបលគ្នាជុំវិញការធ្វើពាណិជ្ជកម្ម។ ក្នុងទិវាសហគ្រិនស្ត្រីនេះផងដែរ លោកជំទាវវេជ្ជ.អឹុង កន្ថាផាវី រដ្ឋមន្រ្តីក្រសួងកិច្ចការនារី ទទួលបានពានរង្វាន់កិត្តិយស ក្នុងការគាំទ្រ និងផ្តល់បរិយាកាសងាយស្រួលដល់សមាគមន៍សហគ្រិនស្រ្តី។ ទន្ទឹមនឹងនោះផងដែរ លោកជំទាវរដ្ឋមន្រ្តីបានផ្តល់ពានរង្វាន់ជូនដល់ សហគ្រិនដែលមានស្នាដៃក្នុងវិស័យពាណិជ្ជកម្មចំនួន7នាក់។ សូមស្វែងយល់បន្ថែមពីទិវាសហគ្រិនស្ត្រីក្រោមប្រធានបទ “ស្វែងយល់ ពីភាពអស្ចារ្យរបស់ខ្លួន” តាមរយៈសុន្ទកថារបស់លោកជំទាវរដ្ឋមន្រ្តី ដែលបានដាក់ភ្ជាប់ជូនខាងក្រោយជាមួយរូបភាព។  

លោកជំទាវវេជ្ជ. អុឹង កន្ថាផាវី រដ្ឋមន្រ្តីក្រសួងកិច្ចការនារី បានអញ្ជើញ បើកវេទិកាភាពជាអ្នកដឹកនាំ ស្តីពីស្រ្តី បុរស អំណាច និងសក្តានុពល នៅល្ងាចថ្ងៃទី២១ ខែវិច្ឆិកា នៅសណ្ឋាគាហ៊ីម៉ាវ៉ារី។ កម្មវិធីនេះជាការជួបជុំគ្នារវាងអ្នកដែលមានបទពិសោធន៍ក្នុងការដឹកនាំក្នុងវិស័យផ្សេងៗ រួមទាំងវិស័យសាធារណៈ និងវិស័យឯកជន មកពីបណ្តាប្រទេសជាង២០ ដែលបានជ្រើសរើស ដើម្បីចែករំលែក និងស្វែងរកដំណោះស្រាយរួមគ្នាពីបញ្ហាភាពជាអ្នកដឹកនាំ និងការធ្វើឲ្យប្រសើរឡើងនូវជំនាញជាអ្នកដឹកនាំ។ ក្នុងកម្មវិធីបើកវេទិកាភាពជាអ្នកដឹកនាំ លោកជំទាវរដ្ឋមន្រ្តី បានមានប្រសាសន៏ថា ភាពជាអ្នកដឹកនាំមិនគ្រាន់តែជាសមិទ្ធផលជាលក្ខណៈបុគ្គលប៉ុណ្ណោះទេ តែថែមទាំងជាការប្រមូលផ្តុំផ្សាភ្ជាប់ និងចូលរួមពីគ្រប់អ្នកពាក់ព័ន្ធ រួមទាំងការកសាងក្រុម និងការបង្កើតនូវគំនិតច្នៃប្រឌិត ប្រកបដោយ ទស្សនវិស័យ។ គួរបញ្ជាក់ផងដែរថា វេទិកាភាពជាអ្នកដឹកនាំ ស្តីពីស្រ្តី បុរស អំណាច និងសក្តានុពល ដែលរៀបចំឡើងដោយ ADB, Global Leadership Academy, Federal Ministry for Economic Cooperation and Development of Germany, GIZ និងDeep Democracy Institute…

អបអរសាទរព្រះរាជពិធីបុណ្យ អុំទូក បណ្តែតប្រទីប និង សំពះព្រះខែ អកអំបុក ថ្ងៃទី ១៣-១៥ ខែ វិច្ឆិកា ឆ្នាំ ២០១៦

សូមចូលរួមបរិច្ចាគឈាមជាមួយយើងខ្ញុំ នៅថ្ងៃអង្គារ ទី៨ ខែវិច្ឆិកា ចាប់ពីម៉ោង៩ព្រឹក នៅទីស្តីការក្រសួងកិច្ចការនារី។

សូមក្រាបថ្វាយព្រះពរ បវរមហាប្រសើរ ជូនចំពោះ ព្រះ​ករុណា ព្រះបាទ​សម្ដេច ​ព្រះបរមនាថ នរោត្ដម សីហមុនី ព្រះមហាក្សត្រ នៃ ព្រះរាជាណាចក្រកម្ពុជា ជាទីគោរពសក្ការៈដ៏ខ្ពង់ខ្ពស់បំផុត នៅក្នុងឱកាសព្រះរាជពិធីបុណ្យខួបលើកទី ១២ នៃ ការយាងគ្រងព្រះបរមសិរីរាជសម្បត្តិ

លោកជំទាវវេជ្ជ.អុឹង កន្ថាផាវី រដ្ឋមន្រ្តីក្រសួងកិច្ចការនារី និងឯកឧត្តម ត្រាក់ ថៃសៀង អភិបាលរងរាជធានីភ្នំពេញ បានអញ្ជើញចុះសួរសុខទុក្ខ និងចែកអំណោយជូនដល់ប្រជាជន ២៨គ្រួសារដែលរងគ្រោះ​ដោយសារ​ទឹកជំនន់ ក្នុងភូមិកន្ទុយទឹក សង្កាត់ទៀន ខណ្ឌដង្កោ រាជធានីភ្នំពេញ កាលពីព្រឹកថ្ងៃទី ២៧ ខែ តុលា ឆ្នាំ២០១៦។ គ្រួសារនិមួយៗទទួលបាន អង្ករ២០គីឡូក្រាម ទឺកស៊ីអ៊ីវ២ដប ទឹកត្រី២ដប ស្កសរ១គីឡូក្រាម ថវិកាចំនួន៥០០០០រៀល និងថ្នាំពេទ្យមួយចំនួន។