លោកជំទាវវេជ្ជ.អុឹង កន្ថាផាវី រដ្ឋមន្រ្តីក្រសួងកិច្ចការនារី និងឯកឧត្តម ត្រាក់ ថៃសៀង អភិបាលរងរាជធានីភ្នំពេញ បានអញ្ជើញចុះសួរសុខទុក្ខ និងចែកអំណោយជូនដល់ប្រជាជន ២៨គ្រួសារ

នាថ្ងៃទី១២ ខែតុលា ឆ្នាំ២០២២ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា បានអញ្ជើញដឹកនាំកិច្ចប្រជុំកំពូលស្រ្តីអាស៊ាន លើកទី២ ក្រោមប្រធានបទ «ការកសាងអនាគតប្រកបដោយចីរភាព បរិយាបន្ន និងកាន់តែរឹងមាំ៖ បំផុសសហគ្រិនស្រ្តីក្នុងអាស៊ាន» នៅវិមានសន្តិភាព និងតាមប្រព័ន្ធវីដេអូអនឡាញ ។ កិច្ចប្រជុំនេះ ចូលរួមដោយថ្នាក់ដឹកនាំបណ្តាប្រទេសអាស៊ាន និងថ្នាក់ស្រ្តីនៅតាមបណ្តាប្រទេសអាស៊ាន ព្រមទាំងថ្នាក់ដឹកនាំដៃគូសន្ទនាអាស៊ាន ដើម្បីចែករំលែកមេរៀនពិសោធន៍ ពិនិត្យឡើងវិញនូវបញ្ហាប្រឈម និងលើកទិសដៅរួម ក្នុងការលើកកម្ពស់សហគ្រិនភាពរបស់ស្រ្តី ក្នុងតំបន់ ។ សម្តេចតេជោ នាយករដ្ឋមន្រ្តី បានថ្លែងក្នុងសុន្ទរកថាបើកកិច្ចប្រជុំថា ក្នុងនាមជាប្រធានអាស៊ាន ឆ្នាំ២០២២ កម្ពុជាបានធ្វើជាម្ចាស់ផ្ទះរៀបចំ កិច្ចប្រជុំកំពូលស្រ្តីអាស៊ាន លើកទី២ កម្ពុជាបានកំណត់ប្រធានបទ « ការកសាងអនាគត ប្រកបដោយចីរភាព បរិយាបន្ន និងកាន់តែរឹងមាំ៖ បំផុសសហគ្រិនភាពរបស់ស្រ្តីនៅក្នុងអាស៊ាន» ដើម្បីជំរុញកិច្ចសហការ និងការប្តេជ្ញាចិត្តរួមគ្នាក្នុងការលើកកម្ពស់សហគ្រិនភាពរបស់ស្រ្តីឲ្យក្លាយជាកម្លាំងចលករគន្លឹះប្រកបដោយចីរភាព និងកាន់តែរឹងមាំ ក្នុងការស្តារ និងអភិវឌ្ឍសង្គម-សេដ្ឋកិច្ចឡើងវិញ ឆ្ពោះទៅរកការកសាងអនាគត និងវិបុលភាពរួមមួយ។ កិច្ចប្រជុំកំពូលស្រ្តីអាស៊ាននេះ ក៏បានពិភាក្សា និងឯកភាពលើសេចក្តីថ្លែងការណ៍អាស៊ាន (ASEAN Declaration)…

លោកបណ្ឌិត ដាញែល អាល់ឡឺម៉ុយ តំណាងស្តីទីអង្គការ UNFPA ប្រចាំនៅកម្ពុជា នារសៀលថ្ងៃទី៨ ខែកុម្ភៈ ឆ្នាំ២០២១នេះ បាននាំយកអំណោយជាសម្ភារៈប្រើប្រាស់ចាំបាច់ សម្រាប់ស្ត្រីនិងកុមារ ក្នុងស្ថានភាពប្រឈមនឹងជំងឺកូវីដ១៩ ជូនដល់ក្រសួងកិច្ចការនារី ដើម្បីឲ្យក្រសួងបន្តចែកជូនដល់ស្ត្រី និងក្មេងស្រីក្រីក្រ និងងាយរងគ្រោះ ដោយសារជំងឺកូវីដ១៩។ ក្រោយពីបញ្ចប់ជំនួប រវាងលោកជំទាវកិត្តិបណ្ឌិត អុឹង កន្ថាផាវី រដ្ឋមន្ត្រីក្រសួងកិច្ចការនារី និងលោកបណ្ឌិត ដាញែល និងពិធីប្រគល់-ទទួលអំណោយ នាទីស្តីការក្រសួង, លោកជំទាវ ញាណ សុចិត្រា អគ្គនាយកនៃអគ្គនាយកដ្ឋានអភិវឌ្ឍន៍សង្គម នៃក្រសួងកិច្ចការនារី បានមានប្រសាសន៍ថា អំណោយដែលទទួលបាននារសៀលនេះ មានចំនួន៧០០កញ្ចប់ ដែលក្រសួងនឹងបន្តចែកទៅកាន់ មន្ទីរកិច្ចការនារី នៅខេត្តចំនួន៨ ដើម្បីប្រគល់ជូនដល់ដៃស្ត្រី និងក្មេងស្រីក្រីក្រ មិនមានលទ្ធភាពក្នុងការទិញសម្ភារៈប្រើប្រាស់ ដើម្បីទប់ស្កាត់ការឆ្លងជំងឺកូវីដ១៩នេះ។ គួរជម្រាបថា នេះគឺជាលើកទី២ហើយ ដែលក្រសួងកិច្ចការនារី បានទទួលអំណោយ ជាសម្ភារៈប្រើប្រាស់ចាំបាច់ សម្រាប់ស្ត្រីនិងកុមារ ក្នុងស្ថានភាពប្រឈមនឹងជំងឺកូវីដ១៩ ពីអង្គការ UNFPA ខណៈលើកទី១ បានទទួលនៅក្នុងឆ្នាំ២០២០ ចំនួន៤០០កញ្ចប់ ដែលបានចែកជូនដល់ខេត្តគោលដៅចំនួន៨៕

ក្រសួងកិច្ចការនារី នារសៀលថ្ងៃទី៨ ខែមេសា ឆ្នាំ២០២២នេះ បានរៀបចំពិធីសូត្រមន្ត ក្នុងន័យចូលរួមអបអរសាទរ ទេវតាឆ្នាំថ្មី ព្រះនាមកិរិណីទេវី ជាបុត្រីទី៥ របស់កបិលមហាព្រហ្ម ដែលនឹងចុះមកគ្រប់គ្រងភពផែនដី ជំនួសទេវតាឆ្នាំចាស់ ក្រោមអធិបតីភាព លោកជំទាវកិត្តិបណ្ឌិត អុឹង កន្ថាផាវី រដ្ឋមន្ត្រីក្រសួងកិច្ចការនារី។ ពិធីនេះក៏បានបង្ហាញឲ្យឃើញពីការគោរពប្រតិបត្តិប្រពៃណីទំនៀមទំលាប់ជាតិ ពិសេសក្នុងឱកាសទទួលទេវតាឆ្នាំថ្មី ដើម្បីបណ្តេញគ្រោះអ៊ុបទ្រុបចង្រៃផងទាំងពួងដែលកើតមានពីឆ្នាំចាស់ និងសុំពរជ័យ ពីទេវតាឆ្នាំថ្មី ក៏ដូចរួមចំណែក ថែរក្សាប្រពៃណីទំនៀមទំលាប់ និងវប្បធម៌ជាតិដ៏ល្អផូរផង់។ លោកជំទាវកិត្តិបណ្ឌិតរដ្ឋមន្ត្រី ក្នុងពិធីនេះ បានថ្លែងអំណរគុណ ដល់ប្រមុខរាជរដ្ឋាភិបាលកម្ពុជា សម្តេចតេជោ ហ៊ុន សែន ដែលបានដឹកនាំ និងគ្រប់គ្រងប្រទេសបានល្អ ដោយទទួលជោគជ័យ ក្នុងយុទ្ធនាការចាក់វ៉ាក់សាំងបង្ការជំងឺកូវីដ-១៩ ធ្វើឲ្យស្ថានភាពការរាតត្បាតជំងឺកូវីដ-១៩ ស្ថិតនៅក្រោមការគ្រប់គ្រងបាន ទើបអនុញ្ញាតឲ្យប្រទេសកម្ពុជា អាចរៀបចំពិធីបុណ្យចូលឆ្នាំនាឆ្នាំនេះ ក្រោយផ្អាករយៈពេល២ឆ្នាំ។ លោកជំទាវ ក៏បានជូនពរដល់ប្រជាពលរដ្ឋ នៅទូទាំងប្រទេស ជាពិសេសស្ត្រី សូមឲ្យទេវតាឆ្នាំថ្មីប្រោសព្រំ ឲ្យស្រ្តីកម្ពុជា ព្រមទាំងក្រុមគ្រួសារ ជួបប្រទះតែសេចក្តីសុខ សេចក្តីចម្រើន ព្រមទាំងទទួលបានជ័យជំនះ ក្នុងភារកិច្ចដែលពួកគាត់កំពុងតែបំពេញ ជូនដល់ក្រុមគ្រួសារ ក៏ដូចជាប្រទេសជាតិ៕

        យុទ្ធនាកាផ្សព្វផ្សាយនៅតាមសាលារៀនដើម្បីអបអរទិវាអន្តរជាតិ ៨ មីនា ខួបលេីកទី១០៦ ក្រោមប្រធានបទ “ស្ត្រីដេីម្បីសុខសន្តិភាព និងវឌ្ឍនភាព”។​ ប្រជាពលរដ្ឋគ្រប់រូប ត្រូវរួមគ្នាកាត់បន្ថយ អំពើហិង្សាក្នុងសង្គម និងដោះស្រាយ ជម្លោះដោយសន្តិវិធី ដើម្បីលើកកម្ពស់សន្តិភាពជាវិជ្ជមាន។

គោលនយោបាយអប់រំសម្រាប់ទាំងអស់គ្នា បានបង្កើនចំនួននៃការចូលរៀនរបស់សិស្ស ដល់កម្រិតអតិប្បរមា និងសម្រេចបាន សមភាពរវាងសិស្សស្រី និងសិស្សប្រុសក្នុងកម្រិតបឋមសិក្សា និងមធ្យមសិក្សាបឋមភូមិ។នៅឆ្នាំសិក្សា ២០១៥-២០១៦ ក្នុង បេក្ខជន ដែលបានប្រលងជាប់ សញ្ញាបត្រមធ្យមសិក្សាទុតិយភូមិស្រ្តីមានចំនួន៦៥,៤៦% ។ ក្នុងចំណោមសិស្ស៤០៥នាក់ដែល ទទួលបាននិទ្ទេស Aមានសិស្សស្រីច្រើនជាង ៥០%។ ជាមួយគ្នានេះ ក្នុងរយៈពេលប៉ុន្មាន ឆ្នាំចុងក្រោយ ចំនួនសិស្សស្រីនៅឧត្តមសិក្សាមានការកើនឡើង។ បច្ចុប្បន្នចំនួនសិស្សស្រីនៅ ថ្នាក់បរិញ្ញាប័ត្ររងមាន៤៩% បរិញ្ញប័ត្រ ៤៥,៩% បរិញ្ញាប័ត្រជាន់ខ្ពស់២១,៦%បណ្ឌិត៥,១%។ យុទ្ធនាកាផ្សព្វផ្សាយនៅតាមសាលារៀនដើម្បីអបអរទិវាអន្តរជាតិ ៨ មីនា ខួបលេីកទី១០៦ ក្រោមប្រធានបទ “ស្ត្រីដេីម្បី សុខសន្តិភាព និងវឌ្ឍនភាព”នៅវិទ្យាល័យ ជា ស៊ីម ជ្រោយចង្វារ ដែលមានសិស្សានុសិស្សចូលរួមចំនួន២៥០នាក់។

លោកជំទាវកិត្តិបណ្ឌិត អុឹង កន្ថាផាវី រដ្ឋមន្រ្តីក្រសួងកិច្ចការនារី បានអនុញ្ញាត្តជូន Dr. Daniel Alemu អ្នកតំណាងរបស់អង្គការ UNFPA ប្រចាំប្រទេសកម្ពុជា ចូលជួបសម្តែងការគួរសម និងជម្រាបលា ដែលលោកនឹងបញ្ចប់បេសកកម្មនៅប្រទេសកម្ពុជានាពេលខាងមុខ។ លោកជំទាវរដ្ឋមន្រ្តីមានប្រសាសន៍ថា ភាពជាដៃគូររបស់អង្គការ UNFPA និងក្រសួងកិច្ចការនារីមានលក្ខណៈល្អប្រសើរ តាំងពីឆ្នាំ១៩៩៤មក។ UNFPA មានសកម្មភាពជាច្រើនដើម្បីចូលរួមកិច្ចអភិវឌ្ឍន៍ក្នុងប្រទេសកម្ពុជា ក្នុងនោះ UNFPA ក៏បានចូលរួមជាមួយក្រសួងកិច្ចការនារី ដូចជាទប់ស្កាត់អំពើហិង្សាទាក់ទងនឹងយេនឌ័រ ការរៀបចំគោលនយោបាយជាតិស្តីពីសមភាពយេនឌ័រ ការអភិវឌ្ឍសមត្ថភាពរបស់យុវជន និងការផ្សព្វផ្សាយលើប្រព័ន្ធសង្គម។ លោកជំទាវរដ្ឋមន្រ្តីក៏បានថ្លែងអំណរគុណចំពោះអង្គការ UNFPA ដែលបានគាំទ្រដល់ក្រសួងកិច្ចការនារី និងនាពេលថ្មីៗ UNFPA ក៏បានធ្វើការប៉ាន់ប្រមាណមួយស្តីពី ផលប៉ះពាល់នៃវីរ៉ីសកូវីដ-19 លើអំពើហិង្សាទាក់ទងនឹងយេនឌ័រនៅប្រទេសកម្ពុជា ។ ជាមួយគ្នានេះដែរ UNFPA បានគោរពភាពជាម្ចាស់របស់រាជរដ្ឋាភិបាល ព្រមទាំងមានភាពជឿជាក់មកលើការដឹកនាំរបស់ក្រសួងកិច្ចការនារី។ Dr. Daniel មានប្រសាសន៍ថា UNFPA មានតួនាទីជាអ្នកជួយជំរុញ និងផ្តល់ការគាំទ្រដល់រាជរដ្ឋាភិបាលក្នុងការអនុវត្តច្បាប់ និងគោលនយោបាយដើម្បីឆ្លើយតបនឹងតម្រូវការរបស់ប្រជាជន។ Dr.Daniel យល់ស្របជាមួយប្រសាសន៍លោកជំទាវរដ្ឋមន្រ្តីដែលមានលើកឡើងពីភាពជាដៃគូររបស់ក្រសួងកិច្ចការនារី និង UNFPA។ លោកបានបន្ថែមថា ក្រសួងកិច្ចការនារីមាន ផែនការនារីរតនៈទី៥…