សូមក្រាបថ្វាយព្រះពរ បវរមហាប្រសើរ ជូនចំពោះ ព្រះ​ករុណា ព្រះបាទ​សម្ដេច ​ព្រះបរមនាថ នរោត្ដម សីហមុនី ព្រះមហាក្សត្រ នៃ ព្រះរាជាណាចក្រកម្ពុជា ជាទីគោរពសក្ការៈដ៏ខ្ពង់ខ្ពស់បំផុត នៅក្នុងឱកាសព្រះរាជពិធីបុណ្យខួបលើកទី ១២ នៃ ការយាងគ្រងព្រះបរមសិរីរាជសម្បត្តិ

សារលិខិតជូនពរ និងអបអរសាទរ សូមគោរពជូន សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃ ព្រះរាជាណាចក្រកម្ពុជា ក្នុងឱកាស “តំបន់ប្រាសាទសំបូរព្រៃគុក” ត្រូវបានគណៈកម្មការបេតិកភណ្ឌពិភពលោករបស់អង្គការយូណេស្កូ បានសម្រេចដាក់បញ្ចូលទៅក្នុងបញ្ជីបេតិកភណ្ឌពិភពលោក នៅថ្ងៃទី០៨ ខែកក្កដា ឆ្នាំ២០១៧ ក្នុងកិច្ចប្រជុំលើកទី៤១ នៅទីក្រុង Krakow ប្រទេសប៉ូឡូញ។

ទិវាសហគ្រិនស្ត្រី បានប្រារព្ធឡើងជាលើកទី៣ក្រោមប្រធានបទ “ស្វែងយល់ពីភាពអស្ចារ្យរបស់ខ្លួន” ។ ទិវានេះគឺជាការប្រមូលផ្តុំ សហគ្រិនស្រ្តីដែលមានបទពិសោធន៏មកជជែកនឹងផ្លាស់ប្តូរគំនិត យោបលគ្នាជុំវិញការធ្វើពាណិជ្ជកម្ម។ ក្នុងទិវាសហគ្រិនស្ត្រីនេះផងដែរ លោកជំទាវវេជ្ជ.អឹុង កន្ថាផាវី រដ្ឋមន្រ្តីក្រសួងកិច្ចការនារី ទទួលបានពានរង្វាន់កិត្តិយស ក្នុងការគាំទ្រ និងផ្តល់បរិយាកាសងាយស្រួលដល់សមាគមន៍សហគ្រិនស្រ្តី។ ទន្ទឹមនឹងនោះផងដែរ លោកជំទាវរដ្ឋមន្រ្តីបានផ្តល់ពានរង្វាន់ជូនដល់ សហគ្រិនដែលមានស្នាដៃក្នុងវិស័យពាណិជ្ជកម្មចំនួន7នាក់។ សូមស្វែងយល់បន្ថែមពីទិវាសហគ្រិនស្ត្រីក្រោមប្រធានបទ “ស្វែងយល់ ពីភាពអស្ចារ្យរបស់ខ្លួន” តាមរយៈសុន្ទកថារបស់លោកជំទាវរដ្ឋមន្រ្តី ដែលបានដាក់ភ្ជាប់ជូនខាងក្រោយជាមួយរូបភាព។  

លោកជំទាវ ខេង សំវ៉ាដា រដ្ឋលេខាធិការ ប្រចាំការ ក្រសួងកិច្ចការនារី បានបន្តជួបសំណេះសំណាល និងពិភាក្សាការងារជាមួយ កងកម្លាំងនារីកម្ពុជា ទាំងនារីដែលបានបញ្ចប់បេសកកម្មដោយជោគជ័យ និងនារីដែលកំពុងបំពេញបេសកកម្មថែរក្សាសន្តិភាពពិភពលោកនៅប្រទេសលីបង់ ក្រោមឆ័ត្រអង្គការសហប្រជាជាតិ។ កិច្ចពិភាក្សានេះធ្វើឡើងក្នុងគោលបំណងតម្រង់ទិសកងកម្លាំងនារីក្លាហានកម្ពុជា ក្នុងការត្រៀមខ្លួនចូលរួមក្នុងវេទិកាអាស៊ី-អឺរ៉ុប ស្តីពី ស្រ្តី សន្តិភាព និងសន្តិសុខ (ដែលកម្ពុជានឹងធ្វើជាម្ចាស់ផ្ទះ នៅថ្ងៃទី១៣-១៤ ខែតុលា ឆ្នាំ២០២១) ដើម្បីចែករំលែកពីបទពិសោធន៍ល្អ បញ្ហាប្រឈមក្នុងអំឡុងពេលបេសកកម្ម ជាពិសេសចែករំលែកនូវវីរភាពរបស់ខ្លួន ដែលបានឃ្លាតចាកឆ្ងាយពីក្រុមគ្រួសារ និងប្រទេសកំណើត ដើម្បីបុព្វហេតុសន្តិភាពទូទាំងពិភពលោក ហើយវីរៈភាពនេះគឺជាកម្លាំងចិត្តដ៏សំខាន់ ដើម្បីរួមចំណែកជំរុញឱ្យស្រ្តីនិងក្មេងស្រីកម្ពុជាផ្សេងទៀត មានភាពក្លាហានដើម្បីស្ម័គ្រចិត្តចូលរួមជាស្រ្តីមួកខៀវ សំដៅលើកកម្ពស់កិត្យានុភាពនិ ងមោទនភាពជាតិ ។ គួរបញ្ជាក់ផងដែរថា គិតចាប់តាំងពីឆ្នាំ២០០៦ មកត្រឹមឆ្នាំ២០២០ កម្ពុជាបានបញ្ជូនកងកម្លាំងរក្សាសន្តិភាព ចំនួន៧១២៣នាក់ ក្នុងនោះមានកម្លាំងនារីចំនួន៤១៩នាក់ ទៅចូលរួមបំពេញ បេសកកម្មអង្គការសហប្រជាជាតិ ក្នុងប្រទេសចំនួន៩ រួមមាន៖ ស៊ូដង់ ស៊ូដង់ខាងត្បូង, ឆាដ, លីបង់, ស៊ីរី, ម៉ាលី, អាហ្វ្រិកកណ្តាល សាយប្រឺស និងយ៉េមែន លើជំនាញបោសសម្អាតមីន កម្ទេចគ្រឿងផ្ទុះ…

ថ្ងៃអង្គារ ៨កើត ខែស្រាពណ៍ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃ២៨ ខែកក្កដា ឆ្នាំ២០២០ នៅសណ្ឋាគារកាំបូឌីយ៉ាណា ក្រសួងកិច្ចការនារី ក្រោមជំនួយពីរដ្ឋាភិបាលអូស្តា្រលី តាមរយៈកម្មវិធី ACCESS បានរៀបចំកិច្ចប្រជុំប្រចាំត្រីមាសលើកទី៣ ជាមួយអង្គការដៃអនុវត្តផ្នែកអំពើហិង្សាទាក់ទងនឹងយេនឌ័រ  ដឹកនាំនិងសម្របសម្រួលដោយលោកជំទាវ ញាណ សុចិត្រា អគ្គនាយក  នៃអគ្គនាយកដ្ឋានអភិវឌ្ឍន៍សង្គម ក្រសួងកិច្ចការនារី។  សមាសភាពចូលរួមក្រៅអំពីស្ថាប័នដៃគូអនុវត្ត ក៏មានតំណាងក្រសួងមហាផ្ទៃ ក្រសួងសេដ្ឋកិច្ច និងហិរញ្ញវត្ថុ  ក្រសួងសង្គមកិច្ច អតីតយុទ្ធជន និងយុវនីតិសម្បទា ក្រុមប្រឹក្សាសកម្មភាពជនពិការ  ព្រមទាំងតំណាងមកមន្ទីរកិច្ចការនារីដែលជាខេត្តគោលដៅ  ទាំង៣ខេត្ត សរុប ៣៨ នាក់ ស្រ្តីមាន២៤នាក់ ។ អង្គប្រជុំទាំងមូលបានបង្ហាញដំណើរការរីកចម្រើននៃការអនុវត្តការងារក្នុងការឆ្លើយតបទៅនឹងអំពើហិង្សាទាក់ទងនឹងយេនឌ័រតាមខេត្ត និងស្រុកគោលដៅរបស់ខ្លួន ព្រមទាំងបានលើកឡើងម្តងទៀតពីការប្រឈមដែលបណ្តាលមកពីការរីករាលដាលនៃជំងឺកូវីត ១៩ ធ្វើឱ្យសកម្មភាពមួយចំនួនត្រូវបានពន្យារពេលអនុវត្ត។ ទោះយ៉ាណាងក៏ដោយ លោកជំទាវប្រធានអង្គប្រជុំបានសាទរចំពោះកិច្ចខិតខំប្រឹងប្រែងរបស់ដៃគូរទាំងអស់ ដែលបានសហការគ្នាក្នុងការផលិតសម្ភារៈអប់រំ ទប់ស្កាត់កូវីត១៩  ព្រមទាំងបានផ្សព្វផ្សាយពីសេវាឆ្លើយតបអំពើហិង្សានៅតាមបណ្តាខេត្តគោលដៅរបស់ខ្លួន ។

លោកជំទាវ ខេង សំវ៉ាដា រដ្ឋលេខាធិការប្រចាំការនៃក្រសួងកិច្ចការនារី និងជាប្រធានគណៈកម្មាធិការអាស៊ានដើម្បីស្រ្តី និងលោកជំទាវ ហ៊ូ និរមិត្តា អនុរដ្ឋលេខាធិការនៃក្រសួងកិច្ចការនារី និងជាអនុប្រធានគណៈកម្មាការអាស៊ាន ស្ដីពីការលើកកម្ពស់និងការពារសិទ្ធិស្រ្តីនិងកុមារ បានចូលរួមសិក្ខាសាលា ស្ដីពី Workshop on ASCC Priorities and Visions During Cambodia’s Chairmanship and Beyond តាមប្រព័ន្ធវីដេអូ។ សិក្ខាសាលានេះដឹកនាំដោយក្រសួងអប់រំ យុវជន និងកីឡា ដែលជាប្រធាននៃសសរស្ដម្ភសង្គម-វប្បធម៌អាស៊ាន ក្នុងបំណងបង្កើតជាវេទិការួមសម្រាប់គ្រប់វិស័យទាំងអស់ដែលនៅក្រោមសសរស្ដម្ភសង្គម-វប្បធម៌អាស៊ាន ចែករំលែកនូវសម្មិទ្ធផលដែលសម្រេចបានកន្លងមក ព្រមទាំងទិសដៅបន្តដើម្បីត្រៀមលក្ខណៈឱ្យបានរួចជាស្រេច ខណៈដែលប្រទេសកម្ពុជានឹងក្លាយជាប្រធាននៃកិច្ចប្រជុំកំពូលអាស៊ាននៅឆ្នាំ២០២២។ នៅថ្ងៃទី០៨ ខែតុលា ឆ្នាំ២០២១។