សូមចូលរួមបរិច្ចាគឈាមជាមួយយើងខ្ញុំ នៅថ្ងៃអង្គារ ទី៨ ខែវិច្ឆិកា ចាប់ពីម៉ោង៩ព្រឹក នៅទីស្តីការក្រសួងកិច្ចការនារី។

កាលពីថ្ងៃអង្គារ ២រោច ខែមិគសិរ ឆ្នាំឆ្លូវ ត្រីស័ក ព.ស២៥៦៥ ត្រូវនឹងថ្ងៃទី២០ ខែធ្នូ ឆ្នាំ២០២១ លោកជំទាវកិត្តិសង្គហបណ្ឌិត ម៉ែន សំអន ឧបនាយករដ្ឋមន្ត្រី រដ្ឋមន្ត្រី ក្រសួងទំទាក់ទំនងជាមួយ រដ្ឋសភា ព្រឹទ្ធសភានិងអធិការកិច្ច បានអញ្ជើញជាអធិបតី ដ៏ខ្ពង់ខ្ពស់ក្នុងឱកាសបិទសន្និបាតបូកសរុបលទ្ធផលការងារ ឆ្នាំ២០២១ និងលើកទិសដៅឆ្នាំ២០២២ របស់ក្រសួងកិច្ចការនារី ។ នៅក្នុងពិធីបិទ, លោកជំទាវ កិត្តិបណ្ឌិត អុឹង កន្ថាផាវី រដ្ឋមន្រ្តីក្រសួងកិច្ចការនារី បានរាយការណ៍ដោយសង្ខេបជូនលោកជំទាវកិត្តិសង្គហបណ្ឌិត ឧបនាយករដ្ឋមន្ត្រី និងអង្គពិធី អំពីលទ្ធផលនៃសន្និបាតដែលបានប្រព្រឹត្តទៅរយៈពេល២ថ្ងៃ។ នៅក្នុងប្រសាសន៍សំណេះសំណាលនិងសុន្ទរកថាបិទ, លោកជំទាវកិត្តិសង្គហបណ្ឌិត ម៉ែន សំអន បានលើកឡើងថា លោកជំទាវពិតជាមានសេចក្តីសោមនស្សរីករាយ ដោយឃើញលទ្ធផលការងារដែលអនុវត្តដោយក្រសួងកិច្ចការនារី ជាផ្លែផ្កានៅតែបន្ត និងដោយមានកិច្ចសហការជាមួយក្រសួង-ស្ថាប័ន និងដៃគូពាក់ព័ន្ធនានា បើទោះបីជានៅឆ្នាំ២០២០-២០២១កន្លងមក ជំងឺកូវីដ-១៩ នៅបន្តរីករាលដាលនៅកម្ពុជា ក៏ដូចជាជាសកល ប៉ុន្តែយើងនៅតែរក្សាបាននូវនិរន្តភាពនៃការអនុវត្តការងាររបស់យើង ជាពិសេសការផ្តល់សេវាឆ្លើយតបពហុវិស័យចំពោះអំពើហិង្សាទាក់ទងនឹងយេនឌ័រ តាមអនឡាញ និង ការផ្លាស់ប្តូររបៀបធ្វើការងារតាមបែបគន្លងថ្មី។ លោកជំទាវក៏បានស្នើឱ្យក្រសួងកិច្ចការនារីបន្តការពង្រឹង និងពង្រីកកិច្ចសហការដ៏ល្អប្រពៃជាបន្តទៀតជាមួយដៃគូអភិវឌ្ឍន៍នានា ក្នុងការអនុវត្តសកម្មភាពរបស់ក្រសួង…

ភ្នំពេញ ថ្ងៃទី១៣ ខែតុលា ឆ្នាំ២០២២ ក្រសួង កិច្ចការនារី នៃព្រះរាជាណាចក្រកម្ពុជា បានរៀបចំពិធីពានរង្វាន់ សហគ្រិនស្រ្តីអាស៊ាន ដែលជាព្រឹត្តិការណ៍សំខាន់មួយអម នៃកិច្ចប្រជុំកំពូលស្ត្រីអាស៊ាន លើកទី២ ក្រោមប្រធានបទ «ការកសាងអនាគតប្រកបដោយចីរភាព បរិយាបន្ន និងកាន់តែរឹងមាំ៖ បំផុសសហគ្រិនភាពរបស់ស្ត្រី ក្នុងអាស៊ាន» ។ នៅក្នុងពិធីបើកកម្មវិធី លោកជំទាវកិត្តិបណ្ឌិត អុឹង កន្ថាផាវី រដ្ឋមន្រ្តី ក្រសួងកិច្ចការនារី បានលើកឡើង ថាពានរង្វាន់ពិសេសអាស៊ាន នៃសហគ្រិនស្រ្តី នេះរៀបចំឡើងជាមួយផ្នែកនៃកិច្ចប្រជុំកំពូលស្រ្តីអាស៊ាន ដែល មានគោលបំណងដើម្បីគូសបញ្ជាក់អំពីសារសំខាន់នៃសហគ្រិនស្រ្តី ក្នុងការអភិវឌ្ឍ និងស្តារសេដ្ឋកិច្ចអាស៊ាន នៅគ្រប់កម្រិត។ កម្មវិធីនេះ ធ្វើឡើងដើម្បីបង្កើនការយល់ដឹងលើសមិទ្ធិផលនៃសហគ្រិនស្រ្តី ដែលមកពីគ្រប់ ប្រភេទនៃធុរកិច្ច និងពីគ្រប់មជ្ឈដ្ឋាននៅក្នុងបណ្តាប្រទេសអាស៊ាន ។ ដោយឆ្នាំ២០២២នេះ ក្នុងនាមកម្ពុជាជាម្ចាស់ផ្ទះ ក្រសួងកិច្ចការនារី បានរៀបចំកិច្ចប្រជុំកំពូលស្រ្តីអាស៊ាន លើកទី២ ដោយផ្តោតលើប្រធានបទសហគ្រិនស្រ្តីអាស៊ាន ដូចនេះពានរង្វាន់ពិសេសនេះ គឺជាការធ្វើ ឱ្យមានកំណត់ត្រាប្រវត្តិសាស្រ្តរបស់អាស៊ាន។ សូមបញ្ជាក់ផងដែរ, តាមរយៈកិច្ចសហការនិងគាំទ្រពីបណ្តាញសហគ្រិនស្ត្រីកម្ពុជា, បណ្តាញសហគ្រិនស្រ្តីអាស៊ាន និងក្រុមប្រឹក្សាសហគ្រិនវ័យក្មេងអាស៊ាន នៅតាមបណ្តាប្រទេសនីមួយៗក្នុងអាស៊ាន បានរៀបចំនិងជ្រើសរើសស្រ្តីឆ្នើមដើម្បីចូលរួមក្នុងកម្មវិធីពានរង្វាន់នេះ…

កាលពីថ្ងៃទី១៤ ខែកក្កដា ឆ្នាំ២០២២ លោកជំទាវ ឃឹម ចំរើន រដ្ឋមន្ត្រីស្តីទី ក្រសួងកិច្ចការនារី បានដឹកនាំគណប្រតិភូក្រសួងកិច្ចការនារី គោរពវិញ្ញាណក្ខន្ធ ឯកឧត្តម អុឹង គៀត ឧត្តមប្រឹក្សាផ្ទាល់ព្រះមហាក្សត្រ ត្រូវជាឪពុកបង្កើតរបស់លោកជំទាវកិត្តិបណ្ឌិត អុឹង កន្ថាផាវី រដ្ឋមន្ត្រីក្រសួងកិច្ចការនារី ក្នុងជន្មាយុ ៩៨ឆ្នាំ ដោយជរាពាធ។

លោកជំទាវរដ្ឋមន្រ្តីក្រសួងកិច្ចការនារី បានដឹកនាំគណៈប្រតិភូចូលរួមគោរពវិញ្ញាណក្ខន្ធ​ និងរំលែកទុក្ខដ៏ក្រៀមក្រំ ចំពោះមរណៈភាព​ឯកឧត្តមទេពបញ្ញាកោសល្យវិជ្ជា​ ឆេង​ ផុន​ អតីតរដ្ឋមន្ត្រីក្រសួងវប្បធម៌និងវិចិត្រសិល្បះ និងអតីតប្រធានគណៈកម្មាធិការជាតិរៀបចំការបោះឆ្នោត

អបអរសាទរព្រះរាជពិធីបុណ្យ អុំទូក បណ្តែតប្រទីប និង សំពះព្រះខែ អកអំបុក ថ្ងៃទី ១៣-១៥ ខែ វិច្ឆិកា ឆ្នាំ ២០១៦