ព័ត៌មាន

សារលិខិតជូនពរ សម្តេចកិត្តិព្រឹទ្ធបណ្ឌិត ប៊ុន រ៉ានីហ៊ុនសែន ប្រធានកាកបាទក្រហមកម្ពុជា និងជាប្រធានកិត្តិយសគណៈកម្មាធិការជាតិលើកកម្ពស់សីលធម៌សង្គម តម្លៃស្រ្តី និងគ្រួសារខ្មែរ

ខេត្ត កំពង់ស្ពឺ៖ នាថ្ងៃទី ៧ ខែ ធ្នូ ឆ្នាំ២០១៦ លោកជំទាវវេជ្ជ. អឹុងកន្ថាផាវី រដ្ឋមន្ត្រីក្រសួងកិច្ចការនារី និង ឯកឧត្តម Naveen Srivastava ឯកអគ្គរដ្ឋទូតនៃសាធារណៈឥណ្ឌា បានអញ្ជើញជាគណៈអធិបតី ក្នុងពិធីបើកសិក្ខាសាលាពិគ្រោះយោបល់ស្តីពី សេវាកម្ម បច្ចេកវិទ្យាព័ត៌មានដើម្បីបង្កើនភាពអង់អាចដល់ស្ត្រី ដោយមានការចូលរួមពី ថ្នាក់ដឹកនាំ និងមន្ត្រីក្រសួងកិច្ចការនារី តំណាងស្ថានទូត តំណាងអភិបាលខេត្ត និងអ្នកពាក់ព័ន្ធក្នុង ដៃគូអភិវឌ្ឍន៍ មន្ត្រីមជ្ឈមណ្ឌលអភិវឌ្ឍន៍ស្ត្រីទាំង១៤ អង្គការសង្គមស៊ីវិល ផ្នែកឯកជន ក្រុមផលិតក្នុងខេត្តកំពង់ស្ពឺ សរុបប្រមាណ ៨០រូប។ សិក្ខាសាលានេះត្រូវបានរៀបចំឡើងក្នុងគោលបំណង ទទួលបានការគាំទ្រនិងអនុសាសន៍ សំខាន់ៗសម្រាប់តំរង់ទិសសម្រាប់មជ្ឈមណ្ឌលព័ត៌មានឱ្យមានដំណើរការប្រកបដោយវឌ្ឍនភាពពីអ្នកពាក់ព័ន្ធនានា។ ក្នុងឱកាសនេះ លោកជំទាវរដ្ឋមន្ត្រី និងឯកឧត្តម ឯកអគ្គរដ្ឋទូត ក៏បានចូលរួមទស្សនាការតាំងបង្ហាញផលិតផលរបស់ក្រុមផលិតជាស្ត្រីរបស់មជ្ឈមណ្ឌលអភិវឌ្ឍន៍ស្ត្រីផងដែរ។ គួរបញ្ជាក់ផងដែរថា ក្រសួងកិច្ចការនារី តាមរយៈ គម្រោង ការពង្រឹងភាពអង់អាចផ្នែក សេដ្ឋកិច្ចដល់ស្ត្រីតាមរយៈបច្ចេកវិទ្យាព័ត៌មាននិងការទំនាក់ទំនង ក្រោមជំនួយ របស់ រដ្ឋាភិបាលនៃសាធារណៈរដ្ឋឥណ្ឌា បានបង្កើតជាមជ្ឈមណ្ឌលផ្តល់ព័ត៌មាន និងសេវា ប្រើប្រាស់កុំព្យូទ៍រ នៅ មជ្ឈមណ្ឌលអភិវឌ្ឍន៍ស្ត្រី សម្តេចម៉ែ…

លោកជំទាវវេជ្ជ. អុឹង កន្ថាផាវី រដ្ឋមន្រ្តីនៃក្រសួងកិច្ចនារី និង​ឯកអគ្គរដ្ឋទូតសហរដ្ឋអាមេរិក William A. Heidt បានអញ្ជើញចូលរួម​ក្នុងពិធីចុះហត្ថលេខាលើអនុស្សារណៈយោគយល់គ្នាជាផ្លូវការរវាង​ក្រសួងកិច្ចការនារីនៃព្រះរាជាណាចក្រកម្ពុជា និងក្រសួងការបរទេស​នៃសហរដ្ឋអាមេរិកលើគម្រោងមជ្ឈមណ្ឌលសហគ្រិនស្ត្រីសំរាប់បណ្តុះ​បណ្តាល ធនធាន ការអប់រំ ការទទួលបាន និងពង្រឹងភាពអង់អាច​ផែ្នកសេដ្ឋកិច្ចដល់សហគ្រិនស្រ្តី “WECREATE” កាលពីព្រឹកថ្ងៃទី៣០ ខែវិច្ឆិកា ឆ្នាំ២០១៦ នៅទីស្តីការក្រសួងកិច្ចការនារី ។ ពិធីចុះហត្ថលេខាលើអនុស្សារណៈយោគយល់គ្នាជាផ្លូវការគឺជាការពង្រឹងកិច្ចសហការរវាងក្រសួងកិច្ចការនារី និងក្រសួងការបរទេស​នៃសហរដ្ឋអាមេរិកក្នុងការលើកកម្ពស់ និងជម្រុញឲ្យមានសមភាព​យេនឌ័រ​​នៅក្នុងសហគ្រិនភាព តាមរយៈ ការបង្កើតមជ្ឈមណ្ឌល​សហគមន៍សហគ្រិនស្រ្តីដោយផ្តោតទៅលើការឆ្លើយតបនឹងបញ្ហាដែលស្រ្តីកំពុងជួបប្រទះក្នុងការចាប់ផ្តើមការបង្កើតមុខជំនួញថ្មី ឬធ្វើឲ្យ​អាជីវកម្មរបស់ពួកគេមានភាពរីកចំរើនឡើង។

កិច្ចប្រជុំប្រចាំឆ្នាំក្រុមការងារបញ្រ្ជាបយេនឌ័រ ក្រសួង ស្ថាប័ន ក្រោម អធិបតីភាពលោកជំទាវ ឃឹម ចំរើន រដ្ឋលេខាធិការ ក្រសួងកិច្ចការនារី និងមានការចូលរួមពីសំណាក់លោកជំទាវ ឯកឧត្តម លោកស្រី លោក ជាថ្នាក់ដឹកនាំ និងតំណាងក្រុមការងារបញ្រ្ជាបយេនឌ័រ នៃក្រសួង ស្ថាប័នទាំង២៨។ កិច្ចប្រជុំនេះ នឹងប្រព្រឹត្តទៅរយៈពេល២ថ្ងៃ ចាប់ពីថ្ងៃទី២៩-៣០ ខែវិចិ្ឆកា ឆ្នាំ២០១៦ នៅសណ្ឋាគារសុខា (ភ្នំពេញ) ។ កិច្ចប្រជុំនេះរៀបចំឡើងក្នុងគោលបំណងពិនិត្យជារួមអំពីវឌ្ឍនភាព កត្តាប្រឈមមេរៀនជាបទពិសោធន៏ និងដើម្បីស្វែងរកមធ្យោបាយថ្មីៗ ក្នុងការពង្រឹងប្រសិទ្ធភាព ក្នុងការអនុវត្ត ការងារបញ្ជ្រាបយេនឌ័រតាមវិស័យ ។ កម្មវិធីនេះរៀបចំដោយក្រសួង​កិច្ចការនារី និងឧបត្ថម្ភដោយ UN WOMEN ប្រចាំកម្ពុជា។

…រាជរដ្ឋាភិបាល នឹងផ្តោតអាទិភាពលើ ការបន្តជំរុញអនុវត្ត “ ផែនការសកម្មភាពជាតិ ស្តីពី ការទប់ស្កាត់អំពើហិង្សាលើស្ត្រី ” សំដៅលុបបំបាត់ឥរិយាបទប្រើអំពើហិង្សាលើស្ត្រី និងពង្រីកវប្បធម៌អហិង្សា ដើម្បីរួមចំណែកលើកកម្ពស់សីលធម៌សង្គម តម្លៃស្ត្រី និងគ្រួសារខ្មែរ ក៏ដូចជា កសាងគ្រួសារមានសុភមង្គល សហគមន៍ និងសង្គមជាតិសុខដុមរមនា។… ដកស្រង់ចេញពី យុទ្ធសាស្រ្តចតុកោណ ដើម្បីកំណើន ការងារ សមធម៌ និងប្រសិទ្ធិភាព នៅកម្ពុជា ដំណាក់កាលទី៣ របស់ រាជរដ្ឋាភិបាល នីតិកាលទី៥ នៃ រដ្ឋសភា។ ទាញយកឯកសារ៖ https://drive.google.com/file/d/0B4YeQLTuwDsoZFNzVkh0U0pLQ2c/view

ក្រសួងកិច្ចការនារីគាំទ្រយ៉ាងពេញ​ទំហឹង​ក្នុងការបញ្ឈប់អំពើហិង្សាលើស្រ្តីនិងកុមារ។​ យើងចូលរួមទាំងអស់គ្នា​ “Orange the World” ដែលជាថ្ងៃអន្តរជាតិលុបបំបាត់អំពើហិង្សាលើស្រ្តី​ ទិវានេះមានរយៈពេល១៦ថ្ងៃគិតចាប់ពីថ្ងៃទី២៥​ ខែវិច្ឆិកានេះ។​ ពណ៌ទឹកក្រូច គឺបង្ហាញនូវការគាំទ្រ​ ការពារ​ និងបញ្ឈប់អំពើហិង្សាលើស្រ្តីនិងកុមារ។

ក្រសួងកិច្ចការនារី រៀបចំពិធីប្រគល់បណ្ណសរសើរ និងឧបត្ថម្ភថវិកាធ្វើដំណើរចូលរួមដល់សិស្សស្រីនិទ្ទេស A ចំនួន ៩៥នាក់ ដែលមកពីវិទ្យាល័យនៅរាជធានីភ្នំពេញ។