ព័ត៌មាន

        យុទ្ធនាកាផ្សព្វផ្សាយនៅតាមសាលារៀនដើម្បីអបអរទិវាអន្តរជាតិ ៨ មីនា ខួបលេីកទី១០៦ ក្រោមប្រធានបទ “ស្ត្រីដេីម្បីសុខសន្តិភាព និងវឌ្ឍនភាព”។​ ប្រជាពលរដ្ឋគ្រប់រូប ត្រូវរួមគ្នាកាត់បន្ថយ អំពើហិង្សាក្នុងសង្គម និងដោះស្រាយ ជម្លោះដោយសន្តិវិធី ដើម្បីលើកកម្ពស់សន្តិភាពជាវិជ្ជមាន។

គោលនយោបាយអប់រំសម្រាប់ទាំងអស់គ្នា បានបង្កើនចំនួននៃការចូលរៀនរបស់សិស្ស ដល់កម្រិតអតិប្បរមា និងសម្រេចបាន សមភាពរវាងសិស្សស្រី និងសិស្សប្រុសក្នុងកម្រិតបឋមសិក្សា និងមធ្យមសិក្សាបឋមភូមិ។នៅឆ្នាំសិក្សា ២០១៥-២០១៦ ក្នុង បេក្ខជន ដែលបានប្រលងជាប់ សញ្ញាបត្រមធ្យមសិក្សាទុតិយភូមិស្រ្តីមានចំនួន៦៥,៤៦% ។ ក្នុងចំណោមសិស្ស៤០៥នាក់ដែល ទទួលបាននិទ្ទេស Aមានសិស្សស្រីច្រើនជាង ៥០%។ ជាមួយគ្នានេះ ក្នុងរយៈពេលប៉ុន្មាន ឆ្នាំចុងក្រោយ ចំនួនសិស្សស្រីនៅឧត្តមសិក្សាមានការកើនឡើង។ បច្ចុប្បន្នចំនួនសិស្សស្រីនៅ ថ្នាក់បរិញ្ញាប័ត្ររងមាន៤៩% បរិញ្ញប័ត្រ ៤៥,៩% បរិញ្ញាប័ត្រជាន់ខ្ពស់២១,៦%បណ្ឌិត៥,១%។ យុទ្ធនាកាផ្សព្វផ្សាយនៅតាមសាលារៀនដើម្បីអបអរទិវាអន្តរជាតិ ៨ មីនា ខួបលេីកទី១០៦ ក្រោមប្រធានបទ “ស្ត្រីដេីម្បី សុខសន្តិភាព និងវឌ្ឍនភាព”នៅវិទ្យាល័យ ជា ស៊ីម ជ្រោយចង្វារ ដែលមានសិស្សានុសិស្សចូលរួមចំនួន២៥០នាក់។

“ការបន្តគាំទ្ររបស់រដ្ឋសភាចំពោះការអនុវត្តគោលនយោបាយលើកកម្ពស់សមភាពយេនឌ័រ នៅតែមានសារៈសំខាន់ ដើម្បីពន្លឿនការធ្វើឱ្យសម្រេចបានសង្គមមួយប្រកបដោយ សមធម៌និងបរិយាបន្ន”។ លោកជំទាវវេជ្ជ. អ៊ឺង កន្ថាផាវី រដ្ឋមន្រ្តីក្រសួងកិច្ចការនារី ថ្លែងក្នុងឱកាសដែលលោកជំទាវដឹកនាំគណៈប្រតិភូចូលជួបសម្តែងការគួរសមជាមួយសម្តេចអគ្គមហាពញាចក្រី ហេង សំរិនប្រធានរដ្ឋសភានៃព្រះរាជាណាចក្រកម្ពុជា ក្នុងពិធីអបអរសាទរ ខួបទី១០៦ ទិវាអន្តរជាតិនារី ៨មីនា ឆ្នាំ២០១៧ នៅវិមានរដ្ឋសភា។  

         កាលពីថ្ងៃទី 0២ ខែ មីនា ឆ្នាំ២០១៧ ក្រសួងកិច្ចការនារី បានផ្សព្វផ្សាយសកម្មភាព ទិវាអន្តរជាតិនារី ០៨ មីនា ខួបលើកទី១០៦ ក្រោមប្រធានបទ ស្រ្តី ដើម្បីសុខសន្តិភាពនិងវឌ្ឍនភាព នៅអនុវិឡាល័យទៀន សង្កាត់ទៀន ខណ្ឌដង្កោ រាជធានីភ្នំពេញ ក្រោមអធិបតីភាព លោកជំទាវ ឃឹម ចំរើន រដ្ឋលេខាធិកាក្រសួង កិច្ចការនារីតំណាងដ៏ខ្ពង់ខ្ពស់ លោកជំទាវវេជ្ជ. អ៊ឹងកន្ថាផាវី រដ្ឋមន្រ្តីក្រសួងកិច្ចការនារី ព្រមទាំងថ្នាក់ដឹកនាំក្រសួង និងមានការចូលរួមពី តំណាងការិយាល័យអប់រំរាជធានី លោកនាយក លោកគ្រូអ្នកគ្រូ និងសិស្សានុសិស្ស នៃអនុវិឡាល័យ ទៀន សរុបចំនួន ២២០ នាក់ (ស្រ្តី ១១៦ នាក់)។  

កម្មវិធីនឹងប្រកាសបើកឱ្យបេក្ខជនបំពេញពាក្យចាប់ពីថ្ងៃទី០១ ខែកុម្ភះ ២០១៧ សំរាប់អាហារូបករណ៍អូស្ត្រាលីពានរង្វាន់សំរាប់ឆ្នាំ ២០១៨។ អាហារូបករណ៍អូស្ត្រាលីពានរង្វាន់មានគោលបំណងក្នុងការលើកកម្ពស់ចំណេះដឹងតំណភ្ជាប់ការអប់រំនិងទំនាក់ទំនងដែលស្ថិតស្ថេរយូរអង្វែងរវាងមិត្តភាព អូស្ត្រាលី កម្ពុជា និងទំនាក់ទំនងទៅសហគមន៍ពិភពលោក។ ទាំងនេះគឺជាពានរង្វាន់ អន្តរជាតិបានផ្តល់ដោយរដ្ឋាភិបាលអូស្ត្រាលីសម្រាប់ការស្រាវជ្រាវការអភិវឌ្ឍជំនាញ និងចំណេះដឹង ដើម្បីជំរុញការផ្លាស់ប្តូរ និងកសាងសមត្ថភាពធនធានមនុស្សប្រកបដោយចិរភាព តាមរយៈជំនួយរដ្ឋាភិបាលអូស្រ្តាលី ។ សម្រាប់ព័ត៌មានលម្អិតទាក់ទង នឹងអាហារូបករណ៍ខាងលើ និងលក្ខខណ្ឌតិក្ខៈ សម្រាប់ការជ្រើសរើស ការដាក់ពាក្យ នីតិវិធីផ្សេងៗ អាចស្វែងរកបាន តាមរយៈគេហទំព័រ www.australiaawards.gov.au រឺ www.australiaawardscambodia.org

លោកជំទាវរដ្ឋមន្រ្តី ជួបពិភាក្សាជាមួយលោកស្រី Barbara Bylenga ប្រធានអង្គការ SHE-CAN ដើម្បីពិភាក្សារកវិធីសាស្រ្តដើម្បីបង្កើនចំនួនក្មេងស្រីប្រលងយកអាហារូបករណ៍ថ្នាក់បរិញ្ញាបត្រទៅសិក្សានៅសហរដ្ឋអាមេរិក។ សូមចុចតំណភ្ជាប់ www.shecan.global ដើម្បីទទួលបានព័ត៌មានពីនីតិវិធី និងដំណើរការនៃការជ្រើសរើសបេក្ខជនសម្រាប់ការប្រលង។