យុទ្ធនាកាផ្សព្វផ្សាយនៅតាមសាលារៀនដើម្បីអបអរទិវាអន្តរជាតិ ៨ មីនា ខួបលេីកទី១០៦

សារលិខិតជូនពរ៖ សូមគោរពជូន សម្តេចអគ្គមហាពញាចក្រីកិត្តិព្រឹទ្ធបណ្ឌិត ហេង សំរិន ប្រធានរដ្ឋសភា និងសម្តេចធម្មវិសុទ្ធវង្សា សៅ ទី ហេង សំរិន ជាទីគោរពដ៏ខ្ពង់ខ្ពស់។

នៅថ្ងៃពុធ ទី៣១ ខែមីនា ឆ្នាំ២០២១ លោកជំទាវកិត្តិបណ្ឌិត អ៊ឹង កន្ថាផាវី រដ្ឋមន្ត្រីក្រសួងកិច្ចការនារី បានអញ្ជើញចូលរួមជាអធិបតីក្នុងការបើកកម្មវិធីមហាសន្និបាត ប្រចាំឆ្នាំ២០២១ និង និងការបោះឆ្នោតជ្រើសតាំងសមាជិកក្រុមប្រឹក្សាភិបាលអណត្តិទី៤ ឆ្នាំ២០២១-២០២៤ របស់សមាគមសហគ្រិនស្រ្តីកម្ពុជា (CWEA) តាមរយៈប្រព័ន្ធវីដេអូ។ គួរបញ្ជាក់ផងដែរថា សមាគមសហគ្រិនស្ត្រីកម្ពុជា (CWEA) ជាសមាគមដែលមានកិច្ចសហការជិតស្និទជាមួយក្រសួងកិច្ចការនារី លើការលើកកម្ពស់សហគ្រិនភាពរបស់ស្រ្តីនៅកម្ពុជា ។ នៅក្នុងមហាសន្និបាតនេះ លោកជំទាវកិត្តិបណ្ឌិតបានបង្ហាញថា CWEA ជាសសរស្តម្ភ និងភ្នាក់ងារដ៏សំខាន់ ក្នុងការចូលរួមជំរុញនូវកំណើនសេដ្ឋកិច្ចនៅកម្ពុជា។ ក្នុងឱកាសនេះ លោកជំទាវកិត្តិបណ្ឌិត បានកោតសរសើរនូវកិច្ចខិតខំប្រឹងប្រែងរបស់លោកជំទាវទន្តបណ្ឌិត អេង លីគង់ ប្រធានសមាគម លោកជំទាវ ឯកឧត្តម អ្នកឧកញ្ញា អនុប្រធាន និងសមាជិកសមាគមទាំងអស់ចំពោះកិច្ចខិតខំប្រឹងប្រែងបំពេញបេសកកម្មរបស់ខ្លួន ទាំងបច្ចេកទេស ការណែនាំ និងការបណ្តុះបណ្តាលវិស័យសហគ្រិនភាពនៅកម្ពុជាឱ្យកាន់តែមានភាពប្រសើរឡើង ។ លោកជំទាវកិត្តិបណ្ឌិត បានលើកទឹកចិត្ត និងកោតសរសើរចំពោះបេក្ខភាពចំនួន១៥រូប ដែលបានឈរឈ្មោះជាបេក្ខជន ក្នុងការបោះឆ្នោតជ្រើសតាំងជាប្រធាន និងអនុប្រធានសមាគមក្នុងអណត្តិថ្មីនេះ ជាពិសេសលោកជំទាវបានលើកទឹកចិត្ត លោកជំទាវប្រធានសមាគម ឱ្យនៅបន្តមានវត្តមានក្នុងការបំពេញបេសកកម្មនៅក្នុងវិស័យនេះ ។ លោកជំទាវកិត្តិបណ្ឌិត ក៏បានបញ្ជាក់អំពីការស្វាគមន៍…

វេទិវាកម្រិតខ្ពស់សហគ្រិនភាពស្ត្រី ក្រោមប្រធានបទ «ឱកាស និងដំណោះស្រាយសម្រាប់សហគ្រិនស្ត្រីនៅអាស៊ី និងប៉ាស៊ីហ្វិក» ……………………………. នៅព្រឹកថ្ងៃព្រហស្បតិ៍ ១៤កើត ខែកត្តិក ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី១៨ ខែវិច្ឆិកា ឆ្នាំ២០២១ លោកជំទាវកិត្តិបណ្ឌិត អ៊ឹង កន្ថាផាវី រដ្ឋមន្រ្តីក្រសួងកិច្ចការនារី បានអញ្ជើញចូលរួម វេទិកាកម្រិតខ្ពស់សហគ្រិនភាពស្ត្រីលើប្រធានបទ «ឱកាស និងដំណោះស្រាយសម្រាប់សហគ្រិនស្ត្រីនៅអាស៊ី និងប៉ាស៊ីហ្វិក» ដែលរៀបចំឡើងដោយ គណៈកម្មាធិការទទួលបន្ទុកសេដ្ឋកិច្ចនិង សង្គម សម្រាប់ អាស៊ី និងប៉ាស៊ីហ្វិក របស់អង្គការសហប្រជាជាតិ (UNESCAP) និង អង្គការពលកម្មអន្តរជាតិ (ILO)។ វេទិកាកម្រិតខ្ពស់នេះ ជាកិច្ចសន្ទនារវាងថ្នាក់ដឹកនាំ អ្នកបង្កើតគោលនយោបាយ អ្នកជំនាញ អ្នកតំណាងពីវិស័កឯកជន សហគ្រិនភាពជាស្រ្តីនៅក្នុងតំបន់អាស៊ី-ប៉ាស៊ីហ្វិក ក្នុងគោលបំណងចែករំលែកនូវដំណោះស្រាយប្រកបដោយនវានុវត្តន៍ដើម្បីឆ្លើយតបទៅនឹងឧបសគ្គដែលសហគ្រិនស្ត្រីប្រឈមមុខអំឡុង និងក្រោយពេលបរិបទនៃការរាតត្បាតនៃជំងឺកូវីដ-១៩ ។

រដ្ឋមន្ត្រីក្រសួងកិច្ចការនារី លើកទឹកចិត្តឲ្យបង្កើនសហគ្រិនជាស្ត្រីបន្ថែមទៀត ជាពិសេសនៅកម្រិតនាយិកាប្រតិបត្តិ និងនាយិកាក្រុមហ៊ុន ភ្នំពេញ ៖ លោកជំទាវកិត្តិបណ្ឌិត អុឹង កន្ថាផាវី រដ្ឋមន្ត្រីក្រសួងកិច្ចការនារី នារសៀលថ្ងៃទី១២ ខែវិច្ឆិកា ឆ្នាំ២០២១នេះ បានជំរុញ និងលើកទឹកចិត្ត ឲ្យមានការបង្កើនសហគ្រិនជាស្ត្រីគំរូបន្ថែមទៀត ជាពិសេសកម្រិតនាយិកាប្រតបត្តិ និងនាយិកាក្រុមហ៊ុនជាដើម ដែលជាគំរូមួយ បង្ហាញដល់ស្ត្រីផ្សេងទៀតថា ស្ត្រីអាចធ្វើកិច្ចការធំៗបានជាច្រើន ជាពិសេសគឺការអាចបង្កើតបាន នូវអាជីវកម្មផ្ទាល់ខ្លួន។ នេះបើតាមប្រសាសន៍លោកជំទាវ គង់ សូរីតា អនុរដ្ឋលេខាធិការក្រសួងកិច្ចការនារី បានប្រាប់ CNC បន្ទាប់ពីលោកជំទាវរដ្ឋមន្ត្រី បានអនុញ្ញាតឲ្យ លោកស្រី ចាន់ ភារី នាយិកាក្រុមហ៊ុន គីណូ ឃ៊ែរ ខនស៊ូមមឺ (ខេមបូឌៀ) ចូលជួបសម្តែងការគួរសម និងប្រគល់ជូននូវផលិតផលថែរក្សាសុខភាព ជូនដល់ក្រសួងកិច្ចការនារី ដើម្បីចូលរួមចំណែកក្នុងការថែទាំសុខភាព និងអនាម័យ ដើម្បីប្រយុទ្ធប្រឆាំងនឹងជំងឺកូវីដ១៩ នៅទីស្តីការក្រសួង។ ក្នុងជំនួបនេះ លោកស្រី ចាន់ ភារី បានជម្រាបជូនលោកជំទាវរដ្ឋមន្ត្រី ពីសកម្មភាពនានារបស់ក្រុមហ៊ុន ដែលមិនត្រឹមតែធ្វើអាជីវកម្មប៉ុណ្ណោះទេ ថែមទាំងការចូលរួម ជួយក្នុងសកម្មភាពសង្គមផងដែរ…

ស្រ្តី និងក្មេងស្រី ត្រូវខិតខំពង្រឹងសមត្ថភាព និងទំនុកចិត្តខ្លួនឯង ដើម្បីចូលរួមកិច្ចអភិវឌ្ឍសង្គមក្នុងភាពជាដៃគូជាមួយបុរស។ នេះក៏ជាកត្តារួមចំណែកមួយ ក្នុងការជំរុញការផ្លាស់ប្តូរឥរិយាបថ និងផ្នត់គំនិតមិនជឿនលឿនមួយចំនួនដែលរើសអើងស្រ្តីក្នុងតួនាទីជាអ្នកធ្វើសេចក្តីសម្រេច។

នៅទីស្តីការក្រសួងកិច្ចការនារីរសៀលថ្ងៃ ចន្ទ ១១កើត ខែអស្សុជ ឆ្នាំជូត ទោស័ក ព.ស២៥៦៤ ត្រូវនឹងថ្ងៃទី ២៨ ខែកញ្ញា ឆ្នាំ២០២០ លោកជំទាវវេជ្ជ. អុឹង កន្ថាផាវី រដ្ឋមន្ត្រីក្រសួងកិច្ចការនារី អមដំណើរដោយថ្នាក់ដឹកនាំក្រសួងកិច្ចការនារីទទួលអំណោយជាលើកទីបីពីសហព័ន្ធស្រ្តីទូទាំងប្រទេសចិន តាមរយៈលោកស្រី Zuo Wenxing ទីប្រឹក្សានយោបាយនៃស្ថានទូតចិនប្រចាំប្រទេសកម្ពុជា ព្រមទាំងមានការអញ្ជើញចូលរួមពីគណៈប្រតិភូរបស់ស្ថានទូតនៃសារធារណៈរដ្ឋប្រជាមានិតចិនប្រចាំប្រទេសកម្ពុជា ។ ឆ្លៀតក្នុងឱកាសនោះដែលលោកជំទាវវេជ្ជ. រដ្ឋមន្ត្រីក្រសួងកិច្ចការនារី ថ្លែងអំណរគុណយ៉ាងជ្រាលជ្រៅ ជូនចំពោះសហព័ន្ធនារីទូទាំងប្រទេសចិន ដ៏ដូចរដ្ឋាភិបាលរបស់សាធារណរដ្ឋប្រជាមានិតចិន ដែលតែងតែគិតគូរ និងគាំទ្រជាបន្តបន្ទាប់ដល់ក្រសួងកិច្ចការនារី។ កាយវិការដ៏ប្រពៃនេះ បង្ហាញយ៉ាងមុតមាំអំពីមិត្តភាព និងសាមគ្គីភាព តាមរយៈកិច្ចសហប្រតិបតិ្តការដ៏ល្អជិតស្និទ្ធ រវាងរដ្ឋាភិបាលប្រទេសទំាងពីរ ក៏ដូចជារវាងស្ថាប័នទទួលបន្ទុកកិច្ចការនារីនៃប្រទេសទាំងពីរ ក្នុងបេសកម្មលើកកម្ពស់សិទ្ធិស្ត្រី និងភាពអង់អាចដល់ស្ត្រី និងក្មេងស្រ្តី ។ គួរបញ្ជាក់ផងដែរថា៖ អំណោយជាសម្ភារៈបរិក្ខា ដែលក្រសួងកិច្ចការនារីទទួលបាននៅពេលនេះរួមមាន៖ ១.រថយន្តសង្រ្គោះបន្ទាន់ ចំនួន០១គ្រឿង ២.កុំព្យូទ័រលើតុម៉ាក Lenovo ចំនួន០២ឈុត ៣.កុំព្យូទ័រយួរដៃម៉ាក Lenovo ចំនួន០៣ឈុត និងម៉ាស៊ីនព្រីនម៉ាក HP ចំនួន០៤ឈុត ។