ព័ត៌មាន

លោកជំទាវ ខេង សំវ៉ាដា រដ្ឋលេខាធិការក្រសួងកិច្ចការនារី ដឹកនាំសិក្ខាសាលាផ្សព្វផ្សាយស្តីពី ការបញ្រ្ជាបការយល់ដឹងពី ប្រព័ន្ធព័ត៌មានវិទ្យាគ្រប់គ្រងហិរញ្ញវត្ថុសាធារណៈ (FMIS) ដល់មន្រ្តីក្រសួងកិច្ចការនារី និងធ្វើបទបង្ហាញដោយមន្រ្តី ជំនាញក្រសួងសេដ្ឋកិច្ច និងហិរញ្ញវត្ថុ។ ប្រព័ន្ធ FMIS គឺជាមូលដ្ឋានដ៏រឹងមាំក្នុងការធ្វើវិមជ្ឈការនៃការគ្រប់គ្រង និងអនុវត្តថវិកាតាមក្រសួង-ស្ថាប័ន និងតាមដាន វាយតម្លៃលទ្ធផល និងសមិទ្ធិកម្មប្រកបដោយភាពជឿទុកចិត្ត។

កាលពីថ្ងៃទី0៩ ខែមីនា ឆ្នាំ២០១៧ ក្រសួងកិច្ចការនារី សហការជាមួយស្ថានទូតអូស្រ្តាលី រៀបចំសិក្ខាសាលាក្រោមអធិបតីភាព លោកជំទាវរដ្ឋមន្រ្តីក្រសួងកិច្ចការនារី និងលោកជំទាវឯកអគ្គរាជទូត ដើម្បីចែករំលែកព័ត៌មាន បទពិសោធន៍ និតិវិធី និងគន្លឹះក្នុងការប្រលងយកអាហារូបករណ៍ ក្នុងគោលបំណងជំរុញ និងបង្កើនចំនួនមន្រ្តីរាជការជាស្រ្តីក្នុងការដាក់ពាក្យ និងទទួលបានអាហារូបករណ៍ពេញថ្លៃ ដើម្បីបន្តការសិក្សាថ្នាក់បរិញ្ញាបត្រជាន់ខ្ពស់ និងបណ្ឌិតនៅប្រទេសអូស្រ្តាលី។  

សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន អញ្ជើញចូលរួមអបអរសាទរទិវា អន្តរជាតិនារី ៨ មីនា ២០១៧ នៅព្រឹកថ្ងៃទី០៨ ខែមីនា ឆ្នាំ២០១៧នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន បានអញ្ជើញជាអធិបតីភាពដ៏ខ្ពង់ខ្ពស់នៅក្នុងពិធីអបអរសាទរទិវាអន្តរជាតិនារី ៨ មីនា លើកទី១០៦ នៅសាលមហោស្រពកោះពេជ្រ រាជធានីភ្នំពេញ ក្រោមប្រធានបទ “ស្ត្រី ដើម្បីសុខសន្តិភាព និង វឌ្ឍនភាព” ។ នៅក្នុងពិធីនេះ សម្តេចតេជោនាយករដ្ឋមន្រ្តីបានអំពាវនាវដល់ស្ត្រីកម្ពុជា ត្រូវខិតខំពង្រឹង និងពង្រីកសកម្មភាពបន្ថែមទៀតលើចំណេះដឹង ជំនាញ រក្សាភាពម៉ឺងម៉ាត់ ឧស្សាព្យាយាម អំណត់អត់ធនចូលរួមក្នុងគ្រប់កិច្ចការ និងក្នុងតួនាទីធ្វើសេចក្តីសម្រេចនានា ដោយសារស្ត្រីជាភ្នាក់ងារនាំមកនូវការផ្លាស់ប្តូរឥរិយាបទ ឆ្ពោះទៅបង្កើនសេចក្តីសុខសុវត្ថិភាព និងភាពចម្រើនរុងរឿងក្នុងគ្រួសារ សង្គម និងប្រទេសជាតិ ដូចមានចែកក្នុងយុទ្ធសាស្ត្រចតុកោណរបស់រាជរដ្ឋាភិបាលកម្ពុជា ដែលថា”ស្ត្រី ជាឆ្អឹងខ្នង នៃសេដ្ឋកិច្ច…

        យុទ្ធនាកាផ្សព្វផ្សាយនៅតាមសាលារៀនដើម្បីអបអរទិវាអន្តរជាតិ ៨ មីនា ខួបលេីកទី១០៦ ក្រោមប្រធានបទ “ស្ត្រីដេីម្បីសុខសន្តិភាព និងវឌ្ឍនភាព”។​ ប្រជាពលរដ្ឋគ្រប់រូប ត្រូវរួមគ្នាកាត់បន្ថយ អំពើហិង្សាក្នុងសង្គម និងដោះស្រាយ ជម្លោះដោយសន្តិវិធី ដើម្បីលើកកម្ពស់សន្តិភាពជាវិជ្ជមាន។

គោលនយោបាយអប់រំសម្រាប់ទាំងអស់គ្នា បានបង្កើនចំនួននៃការចូលរៀនរបស់សិស្ស ដល់កម្រិតអតិប្បរមា និងសម្រេចបាន សមភាពរវាងសិស្សស្រី និងសិស្សប្រុសក្នុងកម្រិតបឋមសិក្សា និងមធ្យមសិក្សាបឋមភូមិ។នៅឆ្នាំសិក្សា ២០១៥-២០១៦ ក្នុង បេក្ខជន ដែលបានប្រលងជាប់ សញ្ញាបត្រមធ្យមសិក្សាទុតិយភូមិស្រ្តីមានចំនួន៦៥,៤៦% ។ ក្នុងចំណោមសិស្ស៤០៥នាក់ដែល ទទួលបាននិទ្ទេស Aមានសិស្សស្រីច្រើនជាង ៥០%។ ជាមួយគ្នានេះ ក្នុងរយៈពេលប៉ុន្មាន ឆ្នាំចុងក្រោយ ចំនួនសិស្សស្រីនៅឧត្តមសិក្សាមានការកើនឡើង។ បច្ចុប្បន្នចំនួនសិស្សស្រីនៅ ថ្នាក់បរិញ្ញាប័ត្ររងមាន៤៩% បរិញ្ញប័ត្រ ៤៥,៩% បរិញ្ញាប័ត្រជាន់ខ្ពស់២១,៦%បណ្ឌិត៥,១%។ យុទ្ធនាកាផ្សព្វផ្សាយនៅតាមសាលារៀនដើម្បីអបអរទិវាអន្តរជាតិ ៨ មីនា ខួបលេីកទី១០៦ ក្រោមប្រធានបទ “ស្ត្រីដេីម្បី សុខសន្តិភាព និងវឌ្ឍនភាព”នៅវិទ្យាល័យ ជា ស៊ីម ជ្រោយចង្វារ ដែលមានសិស្សានុសិស្សចូលរួមចំនួន២៥០នាក់។

“ការបន្តគាំទ្ររបស់រដ្ឋសភាចំពោះការអនុវត្តគោលនយោបាយលើកកម្ពស់សមភាពយេនឌ័រ នៅតែមានសារៈសំខាន់ ដើម្បីពន្លឿនការធ្វើឱ្យសម្រេចបានសង្គមមួយប្រកបដោយ សមធម៌និងបរិយាបន្ន”។ លោកជំទាវវេជ្ជ. អ៊ឺង កន្ថាផាវី រដ្ឋមន្រ្តីក្រសួងកិច្ចការនារី ថ្លែងក្នុងឱកាសដែលលោកជំទាវដឹកនាំគណៈប្រតិភូចូលជួបសម្តែងការគួរសមជាមួយសម្តេចអគ្គមហាពញាចក្រី ហេង សំរិនប្រធានរដ្ឋសភានៃព្រះរាជាណាចក្រកម្ពុជា ក្នុងពិធីអបអរសាទរ ខួបទី១០៦ ទិវាអន្តរជាតិនារី ៨មីនា ឆ្នាំ២០១៧ នៅវិមានរដ្ឋសភា។  

         កាលពីថ្ងៃទី 0២ ខែ មីនា ឆ្នាំ២០១៧ ក្រសួងកិច្ចការនារី បានផ្សព្វផ្សាយសកម្មភាព ទិវាអន្តរជាតិនារី ០៨ មីនា ខួបលើកទី១០៦ ក្រោមប្រធានបទ ស្រ្តី ដើម្បីសុខសន្តិភាពនិងវឌ្ឍនភាព នៅអនុវិឡាល័យទៀន សង្កាត់ទៀន ខណ្ឌដង្កោ រាជធានីភ្នំពេញ ក្រោមអធិបតីភាព លោកជំទាវ ឃឹម ចំរើន រដ្ឋលេខាធិកាក្រសួង កិច្ចការនារីតំណាងដ៏ខ្ពង់ខ្ពស់ លោកជំទាវវេជ្ជ. អ៊ឹងកន្ថាផាវី រដ្ឋមន្រ្តីក្រសួងកិច្ចការនារី ព្រមទាំងថ្នាក់ដឹកនាំក្រសួង និងមានការចូលរួមពី តំណាងការិយាល័យអប់រំរាជធានី លោកនាយក លោកគ្រូអ្នកគ្រូ និងសិស្សានុសិស្ស នៃអនុវិឡាល័យ ទៀន សរុបចំនួន ២២០ នាក់ (ស្រ្តី ១១៦ នាក់)។