ព្រឹត្តិបត្រ នារីរតនៈ (លេខពិសេស ឆ្នាំទី១១)

ព្រឹកថ្ងៃទី១៥ ខែមិថុនា ឆ្នាំ២០២០ លោកជំទាវ ញ៉ែម មរកត អនុរដ្ឋលេខាធិការ និងជាប្រធានក្រុមការងារសកម្មភាពជនពិការនៃក្រសួងកិច្ចការនារី ដែលបានការអនុញ្ញាតដ៏ខ្ពង់ខ្ពស់ពី លោកជំទាវរដ្ឋមន្ត្រីក្រសួងកិច្ចការនារី ធ្វើជាប្រធានកិត្តិយសរបស់សមាគមតន្រ្តីសំនៀងជនពិការ បានដឹកនាំសិល្បករ សិល្បការិនីជនមានពិការភាពភ្នែកចំនួន ១០០នាក់ ទទួលស្វាគមន៍ការចុះសួរសុខទុក្ខ សំណេះសំណាល និងចែកអំណោយក្រោមអធិបតីភាព លោកជំទាវ ហ៊ុន សុីណាត ដែលសហការរៀបចំដោយសមាគមសិល្បៈស្ម័គ្រចិត្តជួយសង្គម សមាគមសិល្បករខ្មែរ និងសមាគមតន្ត្រីសំនៀងជនពិការ។

នៅទីស្តីការក្រសួងកិច្ចការនារី នាព្រឹកថ្ងៃទី២៥ ខែកក្កដា ឆ្នាំ២០១៩ លោកជំទាវវេជ្ជ. អុឹង កន្ថាផាវី រដ្ឋមន្រ្តីក្រសួងកិច្ចការនារី បានអនុញ្ញាតទទួលជួបសម្តែងការគួរសម និងជម្រាបលារបស់លោកជំទាវ ម៉េរៀ សាហ្រ្គេន ឯកអគ្គរាជទូតស៊ុយអ៊ែត ដែលបានចប់អាណត្តិការទូតនៅកម្ពុជា ។

លោកជំទាវ វេជ្ជ. អឹុង កន្ថាផាវី រដ្ឋមន្រ្តី ក្រសួងកិច្ចការនារី បានចូលរួមជាប្រធានគណៈអធិបតី ដើម្បីផ្តល់ពានរង្វាន់ចំនួនពីរ ដល់បេក្ខជនដែលបានទទួលជ័យលាភី គឺ លោកស្រី ចេន សុភាព ដែលជាស្ថាបនិកកីតម្បាញខ្មែរ ដែលបានប្រព្រឹត្តិទៅនៅថ្ងៃទី ១២ ខែ តុលា ឆ្នាំ២០១៧ នៅមជ្ឈមណ្ឌលសហប្រតិបត្តិការកម្ពុជា-ជប៉ុន (CJCC) ។ លោកស្រី ចេន សុភាព បានទទួលពាន់រង្វាន់ចំនួន ០២ ព្រមគ្នា៖ -ពានង្វាន់ទី១ ទទួលជ័យលាភីក្នុង “វេទិកាកម្ពុជាជជែកដេញដោលពីភាពជាអ្នកដឹកនាំ ក្រោមប្រធានបទ “បុគ្គលិកគ្រប់គ្នានឹងអាចក្លាយជាអ្នកដឹកនាំ ប្រសិនបើស្ថាប័ននីមួយៗមានផ្នែកអភិវឌ្ឍភាពជាអ្នកដឹកនាំដ៏ល្អ” និងពានរង្វាន់ទី២ ទទួលជ័យលាភីក្នុង វេទិកាជជែកដេញដោលពីភាពជាអ្នកដឹកនាំ ក្រោមប្រធានបទ “អ្នកដឹកនាំអស្ចារ្យ គឺជាមនុស្សដែលមានភាពដាក់ខ្លួនអស្ចារ្យ”។ នាឱកាសនោះមានអ្នកចូលរួមក្នុងវេទិកានេះដូចជា លោកជំទាវរដ្ឋលេខាធិការ អនុរដ្ឋលេខាធិការ ក្រសួងកិច្ចការនារី ក្រសួងអប់រំ យុវជន និងកីឡា ឯកឧត្តម លោកឧកញ៉ា អ្នកឧកញ៉ា សហគ្រិនជាស្ត្រីនិងបុរស មកពីបណ្តាស្ថាប័នឯកជន និងសិស្សនិស្សិត សរុបប្រមាណ ២៤០នាក់។

នាថ្ងៃទី១១ ខែតុលា ឆ្នាំ២០២១ លោកជំទាវ ខេង សំវ៉ាដារដ្ឋលេខាធិការប្រចាំការនៃក្រសួងកិច្ចការនារី បានចូលរួមកិច្ចប្រជុំប្រចាំឆ្នាំរបស់ គណៈកម្មាធិការអាស៊ានដើម្បីស្រ្តីលើកទី២០ (20th ACW Meeting) និងកិច្ចប្រជុំបូកបីរបស់គណៈកម្មាធិការអាស៊ានដើម្បីស្រ្តីលើកទី១៣ (13th ACW+3 Meeting) តាមប្រព័ន្ធវីដេអូ។ លោកជំទាវ ខេង សំវ៉ាដា ដែលជាប្រធាននៃគណៈកម្មាធិការអាស៊ានដើម្បីស្រ្តីក្នុងឆ្នាំ២០២០ បានថ្លែងសុន្ទរកថាបើកកិច្ចប្រជុំចាំឆ្នាំរបស់គណៈកម្មាធិការអាស៊ានដើម្បីស្រ្តីលើកទី២០ (20th ACW Meeting) និងបានផ្ទេរតំណែងជាប្រធាននៃគណៈកម្មាធិការអាស៊ានដើម្បីស្រ្តីជូនទៅប្រទេសឥណ្ឌូនេស៊ី ។ ក្នុងកិច្ចប្រជុំប្រចាំឆ្នាំACW លោកជំទាវ បានធ្វើបទបង្ហាញពីបច្ចុប្បន្នភាព សេចក្ដីព្រាងផែនការថ្នាក់តំន់ ស្ដីពីស្រ្តី សន្តិភាព និងសន្តិសុខ (Draft ASEAN Regional Plan of Action on Women, Peace and Security) ព្រមទាំងរាយការណ៍ជូនអង្គប្រជុំនូវបច្ចុប្បន្នភាពនៃការរៀបចំកិច្ចប្រជុំកំពូលថ្នាក់ដឹកនាំកំពូលស្រ្តីលើកទី២ និងកិច្ចប្រជុំពាក់ព័ន្ធ (2nd ASEAN Women Leaders’ Summit and Related Meetings) ជូនអង្គប្រជុំ។…

នៅថ្ងៃពុធ-ព្រហស្បតិ៍ ៧-៨កើត ខែអស្សុជ ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី១៣-១៤ ខែតុលា ឆ្នាំ២០២១ ក្រសួងកិច្ចការនារី បានរៀបចំវេទិកាអាសុី-អឺរ៉ុបស្តីពីស្ត្រី សន្តិភាព និងសន្តិសុខ ដោយមានការចូលរួមក្រោមអធិបតីភាពដ៏ខ្ពង់ខ្ពស់របស់ឯកឧត្តមឧបនាយករដ្ឋមន្ត្រី រដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិ ប្រាក់ សុខុន និងលោកជំទាវកិត្តិបណ្ឌិត អុឹង កន្ថាផាវី រដ្ឋមន្ត្រីក្រសួងកិច្ចការនារី ព្រមទាំងតំណាងប្រទេស៥៣ (៣០ប្រទេសមកពីទ្វីបអឺរ៉ុប ២១ប្រទេស មកពីទ្វីបអាស៊ី សហភាពអឺរ៉ុប និងលេខាធិការដ្ឋានអាស៊ាន) ដែលត្រូវបានទទួលស្គាល់ថាជាកិច្ចសន្ទនាអន្តរជាតិកម្រិតខ្ពស់រវាងប្រមុខដឹកនាំឈរលើស្មារតីភាពជាដៃគូ និងស្មើភាពគ្នា នៅរាជធានីភ្នំពេញ តាមរយៈប្រព័ន្ធវីដេអូ Conference។ វេទិកានេះមានគោលបំណងចម្បងសំខាន់ៗចំនួន៣៖ ១. សម្របសម្រួលដល់កិច្ចសន្ទនា និងចែករំលែកបទពិសោធន៍និងឧត្តមានុវត្តន៍រវាងបណ្តាប្រទេសនៅអាសុី និងអឺរ៉ុបក្នុងការអនុវត្តរបៀបវារៈស្ត្រី សន្តិភាព និងសន្តិសុខ។ ២. បង្ហាញនូវវឌ្ឍនភាពរបស់ប្រទេសកម្ពុជាស្តីពីដំណើរនៃការវិវត្តរបស់ស្ត្រីសន្តិភាព និងសន្តិសុខប្រវត្តិនៃការចូលរួមរបស់ស្រ្តីក្នុងវិស័យដោះមីន និងការរក្សាសន្តិភាព ក៏ដូចជាយុទ្ធសាស្ត្រ និងការអភិវឌ្ឍន៍ក្នុងការប្រយុទ្ធប្រឆាំងនឹងអំពើហិង្សាទាក់ទងនឹងយេនឌ័រ និងផលប៉ះពាល់នៃជំងឺ Covid-19 លើស្ត្រី។ ៣. ស្វែងរកមតិគាំទ្រក្នុងការបង្កើតឱ្យមានព្រឹត្តការណ៍អមផ្សេងៗពាក់ព័ន្ធនឹងស្រ្តីនៅក្នុងរៀងរាល់ កិច្ចប្រជុំកំពូលអាស៊ី-អឺរ៉ុប នាពេលអនាគត។ ហេតុដែលក្រសួងកិច្ចកានារីត្រូវរៀបចំឲ្យមានវេទិកានេះឡើងព្រោះថា…

កាលពីព្រឹកថ្ងៃទី១២ ខែតុលា ឆ្នាំ២០២១ លោកជំទាវ ហ៊ូ និរមិត្តា អនុរដ្ឋលេខាធិការនៃក្រសួងកិច្ចការនារី និងជាអនុប្រធាននៃគណៈកម្មាការអាស៊ាន ស្ដីពីការលើកកម្ពស់និងការពារសិទ្ធិស្រ្តីនិងកុមារ (ACWC) បានចូលរួមនិងដឹកនាំកិច្ចប្រជុំប្រចាំឆ្នាំលើកទី២៣ (23rd ACWC Meeting) តាមប្រព័ន្ធវីដេអូ។ កិច្ចប្រជុំនេះត្រូវបានប្រព្រឹត្តឡើងក្នុងគោលបំណងពិភាក្សាលើសម្មិទ្ធផលទាំងឡាយដែលគណៈកម្មាការអាស៊ាន ស្ដីពីការលើកកម្ពស់និងការពារសិទ្ធិស្រ្តី និងកុមារ សម្រេចក្នុងឆ្នាំកន្លងមក ព្រមទាំងកំណត់ទិសដៅបន្ត។ ជាមួយគ្នានេះដែរអង្គប្រជុំក៏បានស្វាគមន៍នូវការចូលរួមចែករំលែកនូវផែនការអាទិភាពឆ្នាំ2021-2022 ពីសំណាក់ដៃគូអភិវឌ្ឍន៍ចំនួន៥ ដើម្បីស្វែងរកលទ្ធភាពក្នុងការសហការគាំទ្រ ក្នុងការអនុវត្តន៍នូវផែនការសកម្មភាពរបស់គណៈកម្មាការអាស៊ាន ស្ដីពីការលើកកម្ពស់និងការពារសិទ្ធិស្រ្តីនិងកុមារ ឆ្នាំ២០២១-២០២៥ (ACWC Workplan 2021-2025)។ នៅរសៀលថ្ងៃដដែលនេះ លោកជំទាវ ខេង សំវ៉ាដា រដ្ឋលេខាធិការប្រចាំការនៃក្រសួងកិច្ចការនារី និងជាតំណាងកម្ពុជាក្នុងគណៈកម្មាធិការអាស៊ានដើម្បីស្រ្តី និងលោកជំទាវ ហ៊ូ និរមិត្តា អនុរដ្ឋលេខាធិការនៃក្រសួងកិច្ចការនារី និងជាអនុប្រធាននៃគណៈកម្មាការអាស៊ាន ស្ដីពីការលើកកម្ពស់និងការពារសិទ្ធិស្រ្តីនិងកុមារ បានចូលរួមកិច្ចប្រជុំ 8th ACWC-ACW Consultation Meeting តាមប្រព័ន្ធវីដេអូ។ កិច្ចប្រជុំនេះប្រព្រឹត្តទៅក្នុងគោលបំណងពិគ្រោះយោបល់រវាងគណៈកម្មាធិការអាស៊ានដើម្បីស្រ្តី (ACW) ជាមួយគណៈកម្មាការអាស៊ាន ស្ដីពីការលើកកម្ពស់និងការពារសិទ្ធិស្រ្តីនិងកុមារ (ACWC) លើសម្មិទ្ធផលការងារនៃគណៈកម្មាធិការនិងគណៈកម្មាការទាំងពីរនេះ ពាក់ព័ន្ធនឹងកិច្ចការស្រ្តីនិងកុមារក្នុងតំបន់។