ព័ត៌មាន

សារលិខិតជូនពរ និងអបអរសាទរ សូមគោរពជូន សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃ ព្រះរាជាណាចក្រកម្ពុជា ក្នុងឱកាស “តំបន់ប្រាសាទសំបូរព្រៃគុក” ត្រូវបានគណៈកម្មការបេតិកភណ្ឌពិភពលោករបស់អង្គការយូណេស្កូ បានសម្រេចដាក់បញ្ចូលទៅក្នុងបញ្ជីបេតិកភណ្ឌពិភពលោក នៅថ្ងៃទី០៨ ខែកក្កដា ឆ្នាំ២០១៧ ក្នុងកិច្ចប្រជុំលើកទី៤១ នៅទីក្រុង Krakow ប្រទេសប៉ូឡូញ។

កាលពីថ្ងៃទី២៧ដល់ថ្ងៃទី២៩ ខែមិថុនា ឆ្នាំ២០១៧ តាមរយៈកិច្ចសហការ រវាងមន្ទីរកិច្ចការនារីនិងមន្ទីរអប់រំយុវជននិងកីឡាខេត្តត្បូងឃ្មុំ នាយកដ្ឋានព័ត៌មាននៃក្រសួងកិច្ចការនារីបានរៀបចំវេទិកានារីរតនៈ ក្រោមប្រធានបទ “យុវជនរួមគ្នាកាត់បន្ថយអំពើហិង្សា” បានធ្វើឡើង នៅវិទ្យាល័យចំនួន៣គឺ វិទ្យាល័យហ៊ុនសែនថ្មី(ស្រុកតំបែរ) វិទ្យាល័យជាស៊ីមកណ្តោលជ្រុំ(ស្រុកពញ្ញាក្រែក)និងវិទ្យាល័យសម្តេចម៉ែ(ស្រុកត្បូងឃ្មុំ)ខេត្តត្បូងឃ្មុំ ក្រោមអធិបតីភាពលោកជំទាវ ឡុងសុផល្លី អនុរដ្ឋលេខាធិការ ក្រសួងកិច្ចការនារី។ វេទិកានេះត្រូវបានរៀបចំឡើងក្នុងគោលបំណងដើម្បីបង្កើនការយល់ដឹងដល់យុវវ័យរួមគ្នាកាត់បន្ថយអំពើហិង្សាក្នុងសង្គម តាមរយៈការប្រើប្រាស់ថវិការាជរដ្ឋាភិបាល(PB)។           

នាងខ្ញុំ ខ្ញុំបាទ ជាថ្នាក់ដឹកនាំនិងមន្រ្តីរាជការ ក្រសួងកិច្ចការនារី សូមក្រាបបង្គំបួងសួង សូមព្រះបារមីព្រះមហាស្វេតច្ឆ័ត្រនិងអស់វត្ថុស័ក្តិសិទ្ធក្នុងលោក ព្រះប្រទានពរជ័យ សិរីមង្គល សព្វសាធុការ ថ្វាយ សម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ក្នុងសេរីភាព សេចក្តីថ្លៃថ្នូរ និងសុភមង្គល ជាទីគោរពសក្ការៈដ៏ខ្ពង់ខ្ពស់បំផុត ក្នុងឱកាសព្រះរាជពិធីបុណ្យចម្រើនព្រះជន្មគម្រប់៨១ យាងចូល ៨២ព្រះវស្សា ដែលប្រព្រឹត្តទៅនៅថ្ងៃទី១៨ ខែមិថុនា ឆ្នាំ២០១៧នេះ។

កាលពីរសៀលថ្ងៃទី១៥ ខែមិថុនា ឆ្នាំ២០១៧ លោកជំទាវវេជ្ជបណ្ឌិត អ៊ឹង កន្ថាផាវី រដ្ឋមន្រ្តីក្រសួងកិច្ចការនារី អញ្ជើញចូលរួមក្នុងពិធីសម្ពោធ ពិព័រណ៍គ្រឿងអលង្ការនិងត្បូងមានតម្លៃអន្តរជាតិ-កម្ពុជាលើកទី៣ ក្រោមអធិបតីភាព ឯកឧត្តម ចម ប្រសិទ្ធ ទេសរដ្ឋមន្ត្រី រដ្ឋមន្រ្តីក្រសួងឧស្សាហកម្មនិងសិប្បកម្ម ដែលរៀបចំដោយសមាគមពាណិជ្ជករគ្រឿងអលង្ការ និងត្បូងមានតម្លៃកម្ពុជា ចាប់ពីថ្ងៃទី១៥ ដល់ ១៨ ខែមិថុនា ឆ្នាំ២០១៧ នៅមជ្ឍមណ្ឌលសន្និសីទនិងពិព័រណ៍កោះពេជ្រ រាជធានីភ្នំពេញ។