សេចក្តីជូនដំណឹង ស្តីពី ការនិយ័តជំនាញ និងកំណត់មណ្ឌលប្រឡងប្រជែងជ្រើសរើសសិស្ស និស្សិត និងមន្ត្រីរាជការ ឱ្យចូលបម្រើការងារក្នុងក្របខ័ណ្ឌក្រសួងកិច្ចការនារី សម្រាប់ឆ្នាំ២០១៧

នៅព្រឹកថ្ងៃច័ន្ទ ១២រោច ខែមិគសិរ ឆ្នាំកុរ ឯកស័ក ព.ស.២៥៦៣ ត្រូវនឹងថ្ងៃទី២៣ ខែធ្នូ ឆ្នាំ២០១៩ លោកជំទាវវេជ្ជបណ្ឌិត អុឹង កន្ថាផាវី រដ្ឋមន្រ្តីក្រសួងកិច្ចការនារី បានអញ្ជើញចូលរួមជាអធិបតីក្នុងកិច្ចប្រជុំពិនិត្យប្រចាំឆ្នាំរវាងរាជរដ្ឋាភិបាលកម្ពុជា និងមូលនិធិសហប្រជាជាតិសម្រាប់ប្រជាជន ស្តីពីការអនុវត្តកម្មវិធីអភិវឌ្ឍប្រចាំប្រទេសឆ្នាំ២០១៩-២០២៣ របស់អង្គការUNFPA។ កិច្ចប្រជុំនេះមានគោលបំណងដើម្បីពិនិត្យលើវឌ្ឍនភាពនៃការអនុវត្តការងារកន្លងមករវាងរាជរដ្ឋាភិបាលកម្ពុជា និងអង្គការUNFPA កំណត់លើបញ្ហាប្រឈម និងរៀបចំផែនការសកម្មភាពអាទិភាព និងទិសដៅការងារសម្រាប់ឆ្នាំ២០២០ ដែលមានអ្នកចូលរួមមកពីក្រសួង-ស្ថាប័នពាក់ព័ន្ធ សរុបប្រមាណ៥០រូប។ ក្នុងឱកាសនោះ លោកជំទាវរដ្ឋមន្រ្តីក៍បានផ្តល់អនុសាសន៍ដល់អង្គប្រជុំចូលរួមមតិយោបល់ឱ្យបានផុលផុស និងគិតគូរពិចារណាក្នុងការរៀបចំផែនការសកម្មភាពឆ្នាំ២០២០ តាមវិស័យរបស់ខ្លួន សំដៅធ្វើយ៉ាងណារួមចំណែកសម្រេចបាននូវការប្តេជ្ញាចិត្តរបស់រាជរដ្ឋាភិបាលក្នុងការដោះស្រាយបញ្ហាចម្បងៗចំនួន៣គឺ៖ ទី១.ការមិនឆ្លើយតបទៅនឹងតម្រូវការនៃផែនការគ្រួសារ ទី២.អត្រាមរណៈភាពមាតា និងទី៣.ការលុបបំបាត់អំពើហិង្សាទាក់ទងនឹងយេនឌ័រ និងការរើសអើងគ្រប់គ្រប់ទម្រង់លើស្រ្តី និងក្មេងស្រី។ ដើម្បីឱ្យការងារនេះអាចសម្រេចទៅបានតាមការរំពឹងទុក តម្រូវឱ្យមានការចូលរួមសហការអនុវត្តពីគ្រប់ភាគីពាក់ព័ន្ធទាំងអស់ ទាំងផ្នែកបច្ចេកទេស និងការគាំទ្រផ្នែកធនធានហិរញ្ញវត្ថុ។

នៅក្នុងដំណើរការឣភិវឌ្ឍសង្គម តួនាទីស្រ្តីក្នុងភាពជាឣ្នកដឹកនាំ និងនៅក្នុងថ្នាក់ធ្វើសេចក្តីសម្រេច បានដើរតួនាទីយ៉ាងសំខាន់ នៅក្នុងការធានាឱ្យការរីកចម្រើន ប្រកបដោយបរិយាបន្ន ជាពិសេសដោយមិនទុកនរណាម្នាក់ឱ្យនៅឯកោ។ ក្នុងន័យនេះ កម្មវិធីឣភិវឌ្ឍភាពជាឣ្នកដឹកនាំរបស់យុវជនដើម្បីសមភាពយេនឌ័រ (Youth lab) បានរៀបចំវេទិកាពិភាក្សាស្តីពីភាពជាឣ្នកដឹកនាំរបស់ស្រ្តី ក្នុងដំណើរឆ្ពោះទៅកាន់ការឣភិវឌ្ឍប្រកបដោយបរិយាបន្ន នៅសាលាខេត្តសៀមរាប នាថ្ងៃសុក្រ ទី៥ ខែកុម្ភៈ ឆ្នាំ២០២១។ វាគ្មិនដែលចូលរួមចែករំលែកបទពិសោធន៍ រួមមាន៖ ថ្នាក់ដឹកនាំជាស្រ្តី និងបុរស មកពីក្រសួងកិច្ចការនារី, អភិបាលរងខេត្តសៀមរាប និងប្រធានមន្ទីរកិច្ចការនារីខេត្តសៀមរាប និងដោយមានការចូលរួមពីសមាជិកកម្មវិធី ដែលជាមន្រ្តីវ័យក្មេងក្រសួងកិច្ចការនារី និងនិស្សិតដែលជាសមាជិកកម្មវិធី (Youth Lab) ចំនួន ៤០ នាក់។

ការផ្សព្វផ្សាយនេះ ប្រារព្ធឡើងនៅថ្ងៃទី ០៤ ខែធ្នូ  ឆ្នាំ២០១៧ នៅសណ្ឋាគារភ្នំពេញ រៀបចំឡើងដោយក្រសួងកិច្ចការនារី ឧបត្ថម្ភដោយអង្គការ Save the Children និងអង្គការ UNICEF ក្នងគោលបំណង ដើម្បីផ្សព្វផ្សាយ និងដាក់ឱ្យប្រើប្រាស់ជាផ្លូវការនៅយុទ្ធសាស្ត្រស្តីពីការចិញ្ចឹម​កូន​បែបវិជ្ជមាន ទៅដល់ស្ថាប័នដៃគូពាក់ព័ន្ធ ក្រោមអធិបតីថ្នាក់ដឹកនាំ ក្រុមយុវជន និងនាយកដ្ឋានពាក់ព័ន្ធក្រសួងកិច្ចការនារី ក្រុមប្រឹក្សាកម្ពុជា ដើម្បីស្ត្រី ក្រុមការងារបច្ចេកទេសចំនួន០៩ក្រសួងមាន ក្រសួងមហាផ្ទៃ ក្រសួង អប់រំយុវជន និងកីឡា ក្រសួងសង្គមកិច្ច អតីតយុវជន និងយុវនីតិសម្បទា ក្រសួង ការងារបណ្តុះបណ្តាលវិជ្ជាជីវៈ  ក្រសួងសុខាភិបាល ក្រសួងព័ត៌មាន ក្រសួងវប្បធម៌ និងវិចិត្រសិល្បៈ ក្រសួងធម្មការ និងសាសនា ក្រសួងកិច្ចការនារី អង្គការ SAVE THE CHILDREN, UNICEF, ICS SP , SSC និងសាកលវិទ្យាល័យភ្នំពេញ ក្រុមប្រឹក្សា ខេត្តមាន ត្បូងឃ្មុំ ព្រៃវែង កណ្តាល សៀមរាប…

នារសៀលថ្ងៃទី២៥ ខែឧសភា ឆ្នាំ២០២១ លោកជំទាវ ខេង សំវ៉ាដា រដ្ឋលេខាធិការប្រចាំការ និងជាប្រធានគណៈកម្មការអាស៊ានដើម្បីស្រ្តី (ACW) ដឹកនាំក្រុមការងារក្រសួងកិច្ចការនារីចូលរួមកិច្ចប្រជុំតាមប្រពន្ធ័អនឡាញ ស្តីពី ” Roll-out of the ASEAN Gender Outlook and A Dialogue to Enhance the Complementarities between the ASEAN Community Vision 2025 and the 2030 Agenda for Sustainable Development through the Gender Lens in COVID-19 Recovery” ។ កិច្ចប្រជុំនេះមានគោលបំណងកំណត់វិស័យសំខាន់ៗក្នុងការបញ្ជ្រាបនិងដាក់បញ្ចូលសមភាពយេនឌ័រក្នុងការអនុវត្តផែនការមេ(២០២០-២០២៥) ដើម្បីគាំទ្រគំនិតផ្តួចផ្តើមនិងក្របខណ្ឌអាស៊ានក្នុងការធ្វើឱ្យ មានភាពល្អប្រសើរឡើងវិញ។

នារសៀលថ្ងៃព្រហស្បតិ៍ ១១កើត ខែស្រាពណ៍ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី១៩ ខែសីហា ឆ្នាំ២០២១ ក្រសួងកិច្ចការនារី បានចុះហត្ថលេខាលើកិច្ចព្រមព្រៀងទូតសុឆន្ទៈ តាមរយៈZOOM ជាមួយកញ្ញា រ៉េត សារីតា បវរកញ្ញាឯកចក្រវាលកម្ពុជា ឆ្នាំ២០២០ស្តីពីការលើកកម្ពស់សមភាពយេនឌ័រ និងបង្កើនភាពអង់អាចដល់ស្រ្តីនិងក្មេងស្រី ប្រកបដោយបរិយាបន្នក្នុងព្រះរាជាណាចក្រកម្ពុជា ក្រោមអធិបតី លោកជំទាវ ហ៊ូ និរមិត្តា អនុរដ្ឋលេខាធិការក្រសួងកិច្ចកានារី ជាតំណាងដ៏ខ្ពង់ខ្ពស់លោកជំទាវកិត្តិបណ្ឌិតរដ្ឋមន្រ្តី អ៊ឹង កន្ថាផាវី។ គោលបំណងនៃកិច្ចព្រមព្រៀងនេះគឺផ្តល់កិច្ចសហការក្នុងការរួមគ្នាលើកកម្ពស់សមភាពយេនឌ័រ និងការបង្កើនភាពអង់អាចដល់ស្រ្តី និងក្មេងស្រីប្រកបដោយបរិយាបន្ន រួមទាំងក្រុមជនងាយរងគ្រោះ និងក្រុមបាត់បង់ឱកាសក្នុង ព្រះរាជាណាចក្រកម្ពុជា តាមរយៈការបង្កើនការយល់ដឹងជាសាធារណៈ ដើម្បីឱ្យមានការផ្លាស់ប្តូរឥរិយាបថ និងផ្នត់គំនិតអវិជ្ជមានរបស់សង្គម លើស្រ្តី និងក្មេងស្រី ក្រុមជនងាយរងគ្រោះ និងក្រុមបាត់បង់ឱកាស សំដៅរួមចំណែកកាត់បន្ថយរាល់ទម្រង់នៃការរើសអើង និងអំពើហិង្សាគ្រប់រូបភាព និងឈានឆ្ពោះទៅសម្រេចបានគោលដៅអភិវឌ្ឍន៍ប្រកបដោយចីរភាពកម្ពុជា «ដោយមិនទុកនរណាម្នាក់ឱ្យនៅឯកោ» ។ កញ្ញា រ៉េត សារីតា នឹងដើរតួនាទីជាទូតសុឆន្ទៈរបស់ក្រសួងកិច្ចការនារី ចាប់ពីថ្ងៃចុះហត្ថលេខា។

ក្រសួងកិច្ចការនារី ក្នុងកិច្ចសហការជាមួយអង្គការ UNWomen, , គម្រោងកម្មវិធី ACCESS នៃជំនួយអូស្រ្តាលី និងអង្គការ UNFPA បានរៀបចំកិច្ចប្រជុំលើកទី២៤ ក្រុមការងារបច្ចេកទេសឆ្លើយតបអំពើហិង្សាទាក់ទងនឹងយេនឌ័រ (TWGG-GBV) តាមប្រព័ន្ធវីដេអូ ក្នុងគោលបំណង: ស្នើសុំការគាំទ្រពីសមាជិកក្រុមការងារបច្ចេកទេស(TWGG-GBV) ដើម្បីអនុម័តលើឯកសារគោលការណ៍ណែនាំស្តីពី ការកម្រិត ការប្រើប្រាស់ការសម្រុះសម្រួលឆ្លើយតបចំពោះអំពើហិង្សាលើស្ត្រី ធ្វើបច្ចុប្បន្នភាពផែនការប្រតិបត្តិប្រចាំឆ្នាំ២០២១(AOP) ដើម្បីអនុវត្តផែនការសកម្មភាពជាតិស្តីពីការទប់ស្កាត់អំពើហិង្សាលើស្ត្រី២០១៩-២០២៣។ ចែករំលែកគំនិតផ្តួចផ្តើមថ្មីៗពីការឆ្លើយតបសេវាអំពើហិង្សាទាក់ទងនឹងយេនឌ័រក្នុងបរិបទកូវីត-១៩ ។ កិច្ចប្រជុំនេះ មានសមាសភាពចូលរួមរបស់ក្រុមការងារ (TWGG-GBV) សរុប ៩៨ នាក់ ដែលអញ្ជើញមកពីក្រសួងស្ថាប័នពាក់ព័ន្ធចំនួន១៧ក្រសួង អង្គការសង្គមស៊ីវិល ចំនួន ២២ និងអង្គការដៃគូអភិវឌ្ឍន៍ មានចំនួន ០៣។ ជាលទ្ធផលកិច្ចប្រជុំបានគាំទ្រលើឯកសារគោលការណ៍ណែនាំស្តីពី ការកម្រិត ការប្រើប្រាស់ការសម្រុះសម្រួលឆ្លើយតបចំពោះអំពើហិង្សាលើស្ត្រី ដែលគោលការណ៍នេះអភិវឌ្ឍន៍ឡើង ដើម្បីប្រើប្រាស់ធ្វើជាធនធានបន្ថែមទៅលើឯកសារសម្រុះសម្រួលនានាដែលមានស្រាប់ ហើយផ្តោតសំខាន់ទៅលើ ថាតើការសម្រុះសម្រួលជាការឆ្លើយតបនឹងអំពើហិង្សាលើស្រ្តី អាចកម្រិតឱ្យប្រើប្រាស់បាននៅពេលណានិងដោយរបៀបណា ដើម្បីធានានូវគោលការណ៍នីត្យានុកូលភាព និងភាពសមស្របដែលការពារសិទ្ធិ និងសុវត្ថិភាពរបស់ស្ត្រីរងគ្រោះជាចម្បង។ ឯកសារគោលការណ៍ណែនាំស្តីពី ការកម្រិត ការប្រើប្រាស់ការសម្រុះសម្រួលឆ្លើយតបចំពោះអំពើហិង្សាលើស្ត្រី បានដាក់ឆ្លងកិច្ចប្រជុំថ្នាក់បច្ចេកទេសចំនួន៤លើក ក្រោមការដឹកនាំសម្របសម្រួលដោយក្រសួងកិច្ចការនារីចូលរួមពិភាក្សាផ្តល់ធាតុចូលដោយ តំណាងក្រសួងមហាផ្ទៃ ក្រសួងយុត្តិធម៌ គណៈមេធាវីនៃព្រះរាជាណាចក្រកម្ពុជា និងអង្គការដៃគូពាក់ព័ន្ធរួមមាន…