អបអរសាទរទិវាសេរីភាពសារព័ត៌មានពិភពលោក!
World Press Freedom Day 2016 #WPFD2016
ក្នុងឱកាសនៃទិវានេះ ក្រសួងកិច្ចការនារី សូមបង្ហាញការគាំទ្រឲ្យមានការទទួលបានព័ត៌មានស្មើភាពគ្នារវាងបុរស និងស្ត្រី។ លើសពីនេះក្រសួងសូមគាំទ្របណ្តាញព័ត៌មានដែលមិនរើសអើង និងមិនបន្តរក្សាផ្នត់គំនិតដែលរើសអើងលើស្ត្រី និងក្មេងស្រី។
លោកជំទាវរដ្ឋមន្រ្តី ជួបពិភាក្សាជាមួយលោកស្រី Barbara Bylenga ប្រធានអង្គការ SHE-CAN ដើម្បីពិភាក្សារកវិធីសាស្រ្តដើម្បីបង្កើនចំនួនក្មេងស្រីប្រលងយកអាហារូបករណ៍ថ្នាក់បរិញ្ញាបត្រទៅសិក្សានៅសហរដ្ឋអាមេរិក។ សូមចុចតំណភ្ជាប់ www.shecan.global ដើម្បីទទួលបានព័ត៌មានពីនីតិវិធី និងដំណើរការនៃការជ្រើសរើសបេក្ខជនសម្រាប់ការប្រលង។
មជ្ឈមណ្ឌលអភិវឌ្ឍន៍សហគ្រិនស្រ្តី កម្មវិធីបណ្តុះបណ្តាល និងអភិវឌ្ឍន៍សហគ្រិនស្រ្តី តាមប្រព័ន្ធអនឡាញ ព័ត៌មានទូទៅ ឈ្មោះគម្រោង៖ កម្មវិធីបណ្តុះបណ្តាល និងអភិវឌ្ឍន៍សហគ្រិនស្រ្តី តាមប្រព័ន្ធអនឡាញ ដឹកនាំគម្រោង៖ ក្រសួងកិច្ចការនារី និង ESCAP ទីតាំងអនុវត្ត៖ រាជធានីភ្នំពេញ (តាមប្រព័ន្ធអនឡាញ) ប្រើប្រាស់ភាសា៖ ខ្មែរ រយៈពេល៖ ចាប់ពីខែសីហា ដល់ថ្ងៃទី៣១ ខែធ្នូ ឆ្នាំ២០២១ ក្រុមគោលដៅ៖ ស្ត្រីនៅជនបទ និងតំបន់ទីក្រុង ១. សេចក្តីផ្តើម ក្រសួងកិច្ចការនារី (MoWA) មានចក្ខុវិស័យ ធានាឱ្យប្រជាពលរដ្ឋខ្មែរគ្រប់រូបមានសិទ្ធិស្មើគ្នា ស្របតាមច្បាប់ ជាពិសេសស្រ្តីនិងក្មេងស្រី ទទួលបានសុវត្ថិភាពផ្ទាល់ខ្លួន ព្រមទាំងអាចចូលរួមយ៉ាងពេញលេញនៅក្នុងកិច្ចការសង្គម មានភាពអង់អាចនិងការធ្វើសេចក្តីសម្រេចនៅគ្រប់កម្រិតនិងគ្រប់វិស័យ ដោយស្មើភាពគ្នាជាមួយបុរសនិងក្មេងប្រុស ដើម្បីធានាបាននូវភាពម្ចាស់លើខ្លួនឯងនិងមានសុខមាលភាពពេញលេញនៅក្នុងគ្រួសារ និងសង្គមជាតិ។ ក្រសួងកិច្ចការនារី មានបេសកម្មក្នុងការដឹកនាំ ភាពជាដៃគូនិងកិច្ចសហប្រតិបត្តិការជាមួយក្រសួង ស្ថាប័ននិងដៃគូពាក់ព័ន្ធ ក្នុងដំណើរឆ្ពោះទៅសម្រេចសមភាពយេនឌ័រនិងលុបបំបាត់រាល់ទម្រង់នៃការរើសអើងលើស្រ្តី និងក្មេងស្រីគ្រប់រូបភាពក្នុងសង្គម ។ ដូចបានកំណត់នៅក្នុងផែនការយុទ្ធសាស្រ្តនារីរតនៈទី៥ ឆ្នាំ២០១៩-២០២៣ ការបង្កើនភាពអង់អាចផ្នែកសេដ្ឋកិច្ចនិងការអភិវឌ្ឍភាពជាសហគ្រិនរបស់ស្រ្តី ជាផ្នែកសំខាន់មួយ ដើម្បីឈានទៅរកសមភាពយេនឌ័រនៅកម្ពុជា។ នៅក្នុងឆ្នាំ២០២១នេះ ស្ថិតក្រោមក្របខ័ណ្ឌនៃមជ្ឈមណ្ឌលអភិវឌ្ឍន៍សហគ្រិនស្ត្រី របស់ក្រសួងកិច្ចការ-នារី បានសហការជាមួយគណៈកម្មាធិការទទួលបន្ទុកសេដ្ឋកិច្ចនិងសង្គមសម្រាប់អាស៊ីនិងប៉ាស៊ីហ្វិក (ESCAP) របស់អង្គការសហប្រជាជាតិ បង្កើតភាពជាដៃគូជាមួយសហគ្រាសសង្គម ស៊ី…
នារសៀលថ្ងៃទី១១ ខែមករា ឆ្នាំ២០២៤ ក្រសួងកិច្ចការនារី បានរៀបចំពិធីបិទសន្និបាតបូកសរុបលទ្ធផលការងារឆ្នាំ២០២៣ និងលើកទិសដៅបន្ត ក្រោមអធិបតីភាពដ៏ខ្ពង់ខ្ពស់របស់សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា ។ ក្នុងឱកាសនេះ សម្តេចធិបតី បានវាយតម្លៃខ្ពស់ និងកោតសរសើរ នូវការងារ និងសមិទ្ធិផលដែលសម្រេចបានរបស់ក្រសួងកិច្ចការនារី កន្លងមកនេះ។ សម្តេចក៏បានផ្តល់អនុសាសន៍គន្លឹះៗ ដូចខាងក្រោម៖ ១. សូមលើកទឹកចិត្តឱ្យក្រសួងកិច្ចការនារី និង ក្រសួងស្ថាប័នពាក់ព័ន្ធបន្តវិនិយោគ លើស្រ្តី នៅក្នុងក្របខ័ណ្ឌគោលនយោបាយជាតិ និង តាមវិស័យជាប្រព័ន្ធ តាមរយៈការរៀបចំ ថវិកាឆ្លើយតបយេនឌ័រ និងការអភិវឌ្ឍធនធានមនុស្ស នៅក្នុងក្រសួងស្ថាប័ន ។ ២. ស្នើឱ្យក្រសួងស្ថាប័នពាក់ព័ន្ធ និងវិស័យឯកជន សូមបន្តកិច្ចសហការពង្រឹង និងពង្រីកវិធានការគាំទ្រដល់សហគ្រិនស្ត្រី ដែលដឹកនាំសហគ្រាសខ្នាតតូច និង មធ្យម, លើកកម្ពស់ បរិយាប័ន្នហិរញ្ញវត្ថុ សម្រាប់ស្ត្រី និង លើកកម្ពស់ការចូលរួមរបស់ស្ត្រី ក្នុងគ្រប់សកម្មភាពសេដ្ឋកិច្ច និងសង្គម។ ៣. ក្រសួង ស្ថាប័នពាក់ព័ន្ធត្រូវពង្រីកវិសាលភាពក្របខ័ណ្ឌជាតិគាំពារសង្គម និង សេវាថែទាំសុខភាពឆ្ពោះទៅរកការ គ្របដណ្តប់សុខភាពជាសកល (Universal…
លោកជំទាវ ខេង សំវ៉ាដា រដ្ឋលេខាធិការប្រចាំការនៃក្រសួងកិច្ចការនារី និងជាប្រធាននៃគណៈកម្មាធិការអាស៊ានដើម្បីស្រ្តី និងលោកជំទាវ ហ៊ូ និរមិត្តា អនុរដ្ឋលេខាធិការនៃក្រសួងកិច្ចការនារីនិងជាអនុប្រធាននៃគណៈកម្មាការអាស៊ាន ស្ដីពីការលើកកម្ពស់ និងការពារសិទ្ធិស្រ្តីនិងកុមារ បានចូលរួមកិច្ចប្រជុំ ASEAN Regional Workshop on Fostering Greater Understanding, Tolerance and a Sense of Regional Agendas Among the Peoples of ASEAN តាមរយៈវីដេអូអនឡាញ។ កិច្ចប្រជុំនេះប្រព្រឹត្តឡើងក្នុងគោលបំណងបង្កើតជាវេទិការួមមួយសម្រាប់សមាជិកអាស៊ានទាំងអស់ ចូលរួមដើម្បីពិនិត្យ និងពិភាក្សាលើសេចក្ដីព្រាងដំបូងបំផុតរបស់ឯកសារ Strategic Policy Framework on Promoting an ASEAN Adaptive Community of Greater Understanding, Tolerance and a sense of Regional Agendas Among…
សេចក្តីណែនាំស្តីពី វិធានការសម្រាប់បង្ការ និងទប់ស្កាត់ការរាតត្បាតនៃជំងឺកូវីដ-១៩ ក្នុងព្រឹតិការណ៍២០ កុម្ភ: នៅទីស្តីការក្រសួងកិច្ចការនារី។
នាថ្ងៃសុក្រ ៣រោច ខែកត្តិក ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី១១ ខែវិច្ឆិកា ឆ្នាំ២០២២ នេះ លោកជំទាវកិត្តិបណ្ឌិត អុឹង កន្ថាផាវី រដ្ឋមន្ត្រីក្រសួងកិច្ចការនារី អញ្ជើញចូលរួមក្នុងព្រះរាជពិធីពន្លត់ភ្លើងទៀនជ័យ ក្រោមព្រះរាជាធិបតីភាពដ៏ខ្ពង់ខ្ពស់បំផុត ព្រះករុណាព្រះបាទសម្តេច ព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ជាទីគោរពសក្ការៈដ៏ខ្ពង់ខ្ពស់បំផុត នៅវិមានឯករាជ្យ រាជធានីភ្នំពេញ ក្នុងឱកាសខួបអនុស្សាវរីយ៍លើកទី៦៩ នៃទិវាបុណ្យឯករាជ្យជាតិ ៩ វិច្ឆិកា (១៩៥៣-២០២២) និងទិវាកំណើត នៃកងយោធពលខេមរភូមិន្ទ ឆ្នាំ២០២២។