ការចុះហត្ថលេខាលើកិច្ចព្រមព្រៀងភាពជាដៃគូ​រវាងលោកជំទាវ វេជ្ជ រដ្ឋមន្ត្រីក្រសួងកិច្ចការនារី និងលោកជំទាវរដ្ឋមន្រ្តី ក្រសួងសមភាពយេនឌ័រនិងគ្រួសារ នៃសាធារណរដ្ឋកូរ៉េ

ទិវាសហគ្រិនស្ត្រី បានប្រារព្ធឡើងជាលើកទី៣ក្រោមប្រធានបទ “ស្វែងយល់ពីភាពអស្ចារ្យរបស់ខ្លួន” ។ ទិវានេះគឺជាការប្រមូលផ្តុំ សហគ្រិនស្រ្តីដែលមានបទពិសោធន៏មកជជែកនឹងផ្លាស់ប្តូរគំនិត យោបលគ្នាជុំវិញការធ្វើពាណិជ្ជកម្ម។ ក្នុងទិវាសហគ្រិនស្ត្រីនេះផងដែរ លោកជំទាវវេជ្ជ.អឹុង កន្ថាផាវី រដ្ឋមន្រ្តីក្រសួងកិច្ចការនារី ទទួលបានពានរង្វាន់កិត្តិយស ក្នុងការគាំទ្រ និងផ្តល់បរិយាកាសងាយស្រួលដល់សមាគមន៍សហគ្រិនស្រ្តី។ ទន្ទឹមនឹងនោះផងដែរ លោកជំទាវរដ្ឋមន្រ្តីបានផ្តល់ពានរង្វាន់ជូនដល់ សហគ្រិនដែលមានស្នាដៃក្នុងវិស័យពាណិជ្ជកម្មចំនួន7នាក់។ សូមស្វែងយល់បន្ថែមពីទិវាសហគ្រិនស្ត្រីក្រោមប្រធានបទ “ស្វែងយល់ ពីភាពអស្ចារ្យរបស់ខ្លួន” តាមរយៈសុន្ទកថារបស់លោកជំទាវរដ្ឋមន្រ្តី ដែលបានដាក់ភ្ជាប់ជូនខាងក្រោយជាមួយរូបភាព។  

គណៈប្រតិភូកម្ពុជាដែលដឹកនាំដោយក្រសួងកិច្ចការនារី បានចូលរួមក្នុងកម្មវិធី JENESYS 2015 សម្រាប់ប្រទេសតំបន់មេគង្គ ទាំង៥។ តាមរយៈកម្មវិធីនេះពួកគេបានចូលរួមក្នុង សន្និសីទពិភពលោកស្តីពីស្ត្រី (WAW! 2015) ក៏ដូចជាបានធ្វើដំណើរទស្សនកិច្ចទៅកាន់តំបន់ទេសចរណ៍វប្បធម៌ ប្រវត្តិសាស្ត្រ នៅទីក្រុងតូក្យូ និង ខេត្តឈីបា ប្រទេសជប៉ុន។

កាលពីថ្ងៃចន្ទ ៥ រោច ខែពិសាខ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី ១១ ខែឧសភា ឆ្នាំ២០២០ នៅទីស្តីការក្រសួងកិច្ចការនារី លោកជំទាវរដ្ឋមន្រ្តី អ៊ឹង កន្ថាផាវី រដ្ឋមន្រ្តីក្រសួងកិច្ចការនារីបានអនុញាតិឱ្យសមាគមសហគ្រិនស្រ្តីកម្ពុជា (CWEA) ចូលជូបសំណេះសំណាល់ ។ ក្នុងកិច្ចសំណេះសំណាល់នេះ សមាគមសហគ្រិនស្រ្តីកម្ពុជា បានលើកឡើងពីបញ្ហាប្រឈម និងផលប៉ះពាល់មួយចំនួនដែល សមជិកក្នុងសមាគម បានជួបប្រទះ ក្នុងស្ថានភាពនៃការរីករាលដាលនៃជំងឺ កូវីដ ១៩ (COVID-19) ។ ទោះបីជាយ៉ាងណាក៏ដោយ សមាគមសហគ្រិនស្រ្តីកម្ពុជាក៏សូមថ្លែងនូវអំណរគុណយ៉ាងជ្រាលជ្រៅ ជូនរាជរដ្ឋាភិបាលកម្ពុជា ដែលតែងតែគិតគូរពីបញ្ហារបស់សហគ្រិនកម្ពុជា ជាពិសេសសហគ្រិនស្រ្តី។ ក្នុងឱកាសនេះដែរ សមាគមសហគ្រិនស្រ្តីកម្ពុជា បានឧបត្ថម្ភ អង្ករ ចំនួន ១០តោន ជូនក្រសួងកិច្ចការនារី សម្រាប់ចែកជូនប្រជាពលរដ្ឋដែលកំពុងខ្វះខាត ក៏ដូចជាប្រជាពលរដ្ឋដែលទទួលផលប៉ះពាល់ធ្ងន់ធ្ងរពីការរីករាលដាលនៃជំងឺ កូវីដ ១៩ (COVID-19) ។

នារសៀលថ្ងៃច័ន្ទ ទី២៣ ខែសីហា ឆ្នាំ២០២១នេះ តាមប្រព័ន្ធអនឡាញ លោកជំទាវកិត្តិបណ្ឌិត អុឹង កន្ថាផាវី រដ្ឋមន្រ្តីក្រសួងកិច្ចការនារី បានអនុញ្ញាតឱ្យបេក្ខជនជ័យលាភីអាហារូបករណ៍អភិវឌ្ឍន៍ធនធានមនុស្សប្រទេសជប៉ុន(JDS)ចំនួន២៦រូប(បុរស១៦រូប) ជួបសំដែងការគួរសម និងទទួលអនុសាសន៍ណែនាំមុននឹងចេញទៅបន្តការសិក្សាលើជំនាញផ្សេងៗ នៅតាមបណ្តាសកលវិទ្យាល័យក្នុងប្រទេសជប៉ុន។ លោកជំទាវកិត្តិបណ្ឌិតរដ្ឋមន្រ្តី បានកោតសរសើរនិងវាយតម្លៃខ្ពស់ចំពោះជោគជ័យរបស់បេក្ខជនទាំងអស់ ដែលទទួលបានឱកាសក្នុងការបន្តការសិក្សានៅក្រៅប្រទេស ដើម្បីអភិវឌ្ឍន៍សមត្ថភាព ចំណេះដឹង និងជំនាញថ្មីៗ ក្នុងបរិការណ៍ដែលប្រទេសជាតិមានសុខសន្តិភាពពេញលេញ ក្រោមការដឹកនាំប្រកបដោយកិត្តិបណ្ឌិតរបស់សម្តេចតេជោ នាយករដ្ឋមន្រ្តី។ ជាងនេះទៅទៀត លោកជំទាវក៏បានផ្តាំផ្ញើដល់បេក្ខជនទាំង២៦រូប ឱ្យខិតខំសិក្សារៀនសូត្រ ទាំងជំនាញរឹង និងជំនាញទន់ និងស្វែងយល់អំពីបទពិសោធន៍ល្អៗ ដើម្បីរួមចំណែកជាមួយរាជរដ្ឋាភិបាល ក្នុងការអភិវឌ្ឍន៍ប្រទេសជាតិនាពេលអនាគត។

កាលពីព្រឹកថ្ងៃទី១២ ខែតុលា ឆ្នាំ២០២១ លោកជំទាវ ហ៊ូ និរមិត្តា អនុរដ្ឋលេខាធិការនៃក្រសួងកិច្ចការនារី និងជាអនុប្រធាននៃគណៈកម្មាការអាស៊ាន ស្ដីពីការលើកកម្ពស់និងការពារសិទ្ធិស្រ្តីនិងកុមារ (ACWC) បានចូលរួមនិងដឹកនាំកិច្ចប្រជុំប្រចាំឆ្នាំលើកទី២៣ (23rd ACWC Meeting) តាមប្រព័ន្ធវីដេអូ។ កិច្ចប្រជុំនេះត្រូវបានប្រព្រឹត្តឡើងក្នុងគោលបំណងពិភាក្សាលើសម្មិទ្ធផលទាំងឡាយដែលគណៈកម្មាការអាស៊ាន ស្ដីពីការលើកកម្ពស់និងការពារសិទ្ធិស្រ្តី និងកុមារ សម្រេចក្នុងឆ្នាំកន្លងមក ព្រមទាំងកំណត់ទិសដៅបន្ត។ ជាមួយគ្នានេះដែរអង្គប្រជុំក៏បានស្វាគមន៍នូវការចូលរួមចែករំលែកនូវផែនការអាទិភាពឆ្នាំ2021-2022 ពីសំណាក់ដៃគូអភិវឌ្ឍន៍ចំនួន៥ ដើម្បីស្វែងរកលទ្ធភាពក្នុងការសហការគាំទ្រ ក្នុងការអនុវត្តន៍នូវផែនការសកម្មភាពរបស់គណៈកម្មាការអាស៊ាន ស្ដីពីការលើកកម្ពស់និងការពារសិទ្ធិស្រ្តីនិងកុមារ ឆ្នាំ២០២១-២០២៥ (ACWC Workplan 2021-2025)។ នៅរសៀលថ្ងៃដដែលនេះ លោកជំទាវ ខេង សំវ៉ាដា រដ្ឋលេខាធិការប្រចាំការនៃក្រសួងកិច្ចការនារី និងជាតំណាងកម្ពុជាក្នុងគណៈកម្មាធិការអាស៊ានដើម្បីស្រ្តី និងលោកជំទាវ ហ៊ូ និរមិត្តា អនុរដ្ឋលេខាធិការនៃក្រសួងកិច្ចការនារី និងជាអនុប្រធាននៃគណៈកម្មាការអាស៊ាន ស្ដីពីការលើកកម្ពស់និងការពារសិទ្ធិស្រ្តីនិងកុមារ បានចូលរួមកិច្ចប្រជុំ 8th ACWC-ACW Consultation Meeting តាមប្រព័ន្ធវីដេអូ។ កិច្ចប្រជុំនេះប្រព្រឹត្តទៅក្នុងគោលបំណងពិគ្រោះយោបល់រវាងគណៈកម្មាធិការអាស៊ានដើម្បីស្រ្តី (ACW) ជាមួយគណៈកម្មាការអាស៊ាន ស្ដីពីការលើកកម្ពស់និងការពារសិទ្ធិស្រ្តីនិងកុមារ (ACWC) លើសម្មិទ្ធផលការងារនៃគណៈកម្មាធិការនិងគណៈកម្មាការទាំងពីរនេះ ពាក់ព័ន្ធនឹងកិច្ចការស្រ្តីនិងកុមារក្នុងតំបន់។

តំណាងក្រសួងកិច្ចការនារី និងក្រុមហ៊ុនកូកាកូឡាកម្ពុជា ចុះហត្ថលេខាលើអនុស្សារណៈ ក្នុងភាពជាដៃគូ ដើម្បីចូលរួមលើកកម្ពស់ភាពជាអ្នកដឹកនាំ និងការអភិវឌ្ឍសហគ្រិនភាពរបស់ស្រ្តី ។ —————- នៅទីស្តីការក្រសួងកិច្ចការនារី នារសៀលថ្ងៃ ចន្ទ ១០កើត ខែកត្កិក ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី ២៦ ខែតុលា ឆ្នាំ២០២០ លោកជំទាវ គង់ សូរីតា អនុរដ្ឋលេខាធិការក្រសួងកិច្ចការនារី និងជាតំណាងដ៏ខ្ពង់ខ្ពស់លោកជំទាវរដ្ឋមន្ត្រីក្រសួងកិច្ចការនារី បានអញ្ជើញជាអធិបតីក្នុងពិធីចុះអនុស្សរណៈនៃការយោគយល់គ្នារវាងក្រសួងកិច្ចការនារី និងក្រុមហ៊ុន Cambodia Beverage Company Ltd ពិធីចុះហត្ថលេខានេះ ដោយឯកឧត្តម ថេ ឈុនហាក់ អគ្គនាយក អគ្គនាយកដ្ឋានសមភាពយេនឌ័រនិងអភិវឌ្ឍន៍សេដ្ឋកិច្ចនៃក្រសួងកិច្ចការនារី និងលោកស្រី ឡាវ ស្រីដែត នាយិកាផែ្នកពាណិជ្ជកម្មប្រចាំប្រទេស ក្រុមហ៊ុនខេមបូឌា បេវេរេដ ខមប៉ានី ។ ក្រសួងកិច្ចការនារី និងក្រុមហ៊ុន ខេមបូឌា បេវេរេដ ខមប៉ានី លីមីធីត មានទស្សនៈវិស័យរួមគ្នាក្នុងការជំរុញភាពរីកចម្រើននៃសេដ្ឋកិច្ចជាតិ តាមរយៈការចូលរួមបង្កើនភាពអង់អាចផ្នែកសេដ្ឋកិច្ចដល់ស្រ្តី, បណ្តុះស្មារតីជាសហគ្រិនភាពនិងភាពជាអ្នកដឹកនាំរបស់ស្រ្តីនិងក្មេងស្រី…