ក្រសួងកិច្ចការនារី រៀបចំពិធីប្រគល់បណ្ណសរសើរ និងឧបត្ថម្ភថវិកាធ្វើដំណើរចូលរួមដល់សិស្សស្រីនិទ្ទេស A

អបអរសាទរដល់សហគ្រិនស្រ្តី ដែលមកពីបណ្តាប្រទេសអាស៊ាន ចំនួន៣៨រូប ដែលទទួលពានរង្វាន់ពិសេសរបស់សហគ្រិនស្រ្តីអាស៊ាន (Special Awards for Outstanding ASEAN Women Entrepreneurs) នៅក្នុងព្រឹត្តិការណ៍អមនៃកិច្ចប្រជុំកំពូលស្រ្តីអាស៊ាន លើកទី២ (Second ASEAN Women Leaders’ Summit) ——————————————– ក្រសួងកិច្ចការនារី នៃព្រះរាជាណាចក្រកម្ពុជា បានរៀបចំពិធីផ្តល់ពានរង្វាន់សហគ្រិនស្រ្តីអាស៊ាន ជាព្រឹត្តិការណ៍អមនៃកិច្ចប្រជុំកំពូលស្ត្រីអាស៊ាន លើកទី២ ក្រោមប្រធានបទ «ការកសាងអនាគតប្រកបដោយចីរភាព បរិយាបន្ន និងកាន់តែរឹងមាំ៖ បំផុសសហគ្រិនភាពរបស់ស្ត្រីក្នុងអាស៊ាន»។ លោកជំទាវកិត្តិបណ្ឌិត អ៊ឹង កន្ថាផាវី រដ្ឋមន្រ្តី ក្រសួងកិច្ចការនារី បានលើកឡើងថា ពានរង្វាន់ពិសេសសហគ្រិនស្រ្តីអាស៊ាននេះ រៀបចំឡើងស្របតាមប្រធានបទនៃកិច្ចប្រជុំកំពូលស្រ្តីអាស៊ាន លើកទី២ ដែលបានផ្តោតលើការលើកកម្ពស់សហគ្រិនភាពស្រ្តីអាស៊ាន ហើយនេះជាកំណត់ត្រាប្រវត្តិសាស្រ្តមួយរបស់អាស៊ាន។ សូមបញ្ជាក់ថា តាមរយៈកិច្ចសហការនិងគាំទ្រពីបណ្តាញសហគ្រិនស្ត្រីកម្ពុជា, បណ្តាញសហគ្រិនស្រ្តីអាស៊ាន និងក្រុមប្រឹក្សាសហគ្រិនវ័យក្មេងអាស៊ាន នៅតាមបណ្តាប្រទេសនីមួយៗក្នុងអាស៊ាន កម្មវិធីនេះបានរៀបចំនិងជ្រើសរើសសហគ្រិនស្រ្តីដែលលេចធ្លោ ដើម្បីចូលរួមបានពានរង្វាន់នេះ ។ សហគ្រិនស្រ្តីនៅក្នុងបណ្តាប្រទេសនីមួយៗ បានជ្រើសរើសចំនួន៣៨រូប ដែលទទួលបានពានរង្វាន់ពិសេសអាស៊ាននេះ។

ក្រុមការងារសកម្មភាពជនពិការនៃក្រសួងកិច្ចការនារី បានរៀបចំសិក្ខាសាលា ស្តីពីការលុបបំបាត់រាល់ទម្រង់នៃការរើសអើងចំពោះស្ត្រីពិការ ក្នុងគោលបំណង បង្កើនការយល់ដឹងពីក្របខណ្ឌជាតិ អន្តរជាតិ និងស្វែងរកទិសដៅអាទិភាពតាមវិស័យនានា ពាក់ព័ន្ធនឹងការយកចិត្តទុកដាក់ចំពោះស្ត្រីពិការ។ សិក្ខាសាលានេះ ប្រព្រឹត្តឡើង ក្រោមអធិបតីភាព លោកជំទាវវេជ្ជ. អុឹង កន្ថាផាវី រដ្ឋមន្ត្រីនិងជាប្រធានកិត្តិយស ក្រុមការងារសកម្មភាពជនពិការនៃក្រសួងកិច្ចការនារី និង លោកជំទាវ ញ៉ែម មរកត អនុរដ្ឋលេខាធិការ និងជាប្រធានក្រុមការងារសកម្មភាពជនពិការនៃក្រសួងកិច្ចការនារី ឯកឧត្តម ឯម ច័ន្ទមករា អគ្គលេខាធិការ ក្រុមប្រឹក្សាសកម្មភាពជនពិការ។ ព្រមទាំងមានការចូលរួមពី ថ្នាក់ដឹកនាំ មន្ត្រី ក្រសួងនិងមន្ទីរកិច្ចការនារី ២៥ រាជធានី ខេត្ត តំណាងក្រសួងពាក់ព័ន្ធ ផ្នែកឯកជន អង្គការសង្គមស៊ីវិល និងសមាគមជនពិការ ។ សិក្ខាសាលានេះធ្វើឡើង នៅព្រឹកថ្ងៃអង្គារ ២ រោច ខែអាសាឍ ឆ្នាំជូត ទោស័ក ពុទ្ធសករាជ ២៥៦៤ ត្រូវនឹងថ្ងៃទី៧ ខែកក្កដា ឆ្នាំ២០២០ នៅសណ្ឋាគារ កាំបូឌីយ៉ាណា ។

គណៈប្រតិភូក្រសួងកិច្ចការនារីដឹកនាំដោយ លោកជំទាវ ឃឹម ចំរើន រដ្ឋលេខាធិការ និងលោកជំទាវ អ៊ឹម ស៊ីថែ រដ្ឋលេខាធិកាក្រសួងកិច្ចការនារី ដែលជាតំណាងដ៏ខ្ពង់ខ្ពស់របស់ លោកជំទាវ វេជ្ជ.អុឹង កន្ថាផាវី រដ្ឋមន្រ្តីក្រសួងកិច្ចការនារី និងគណៈប្រតិភូអមដំណើរបានចុះសួរសុខទុក្ខកងទ័ពនៅ តំបន់ប្រតិបត្តិការសិករងខេត្តមណ្ឌលគីរីយោធភូមិភាគទី១ និងអង្គភាពវរៈសេនាតូលេខ២ តំបន់ប្រតិបត្តិការសិករងខេត្តមណ្ឌលគីរី ដែលស្ថិតនៅក្នុងភូមិពូលូង សង្កាត់រមនា ក្រុងសែនមនោរម្យ ខេត្តមណ្ឌលគីរី។ ពិធីសួរសុខទុក្ខនេះមានការចូលរួមពី លោកស្រី ម៉ាសី សុខនី ប្រធានមន្ទីរកិច្ចការនារីខេត្តមណ្ឌលគីរី ឧត្តមសេនីយ៍ទោ សាន គឹមអឿន មេបញ្ជាការតំបន់ប្រតិបត្តិការសឹករងខេត្ត មន្រ្តីមន្ទីរកិច្ចការនារីខេត្ត និងពលទាហាន។ នៅក្នុងពិធីសួរសុខទុក្ខនេះ ក្រសួងកិច្ចការនារីបានឧបត្ថម្ភថវិកាជូនដល់បញ្ជាការដ្ឋានកងពលលេខ២ ចំនួន៥លានរៀល ព្រមទាំងបានចែកជូនដល់នាយទាហាន នាយទាហានរង ពលទាហាន យោធិនចូលនិវត្តន៍ និងគ្រួសារយោធិន សរុប ១១១ នាក់ ដោយម្នាក់ៗទទួលបាននូវ៖ ភូយ១ មុង១ កន្សែង១ សាប៊ូ ទឹកស៊ីអ៑ីវ ទឹកត្រី មី ១កេះ ត្រីខកំប៉ុង១យួរ និងថវិកា…

នារសៀលថ្ងៃច័ន្ទ ទី២៣ ខែសីហា ឆ្នាំ២០២១នេះ តាមប្រព័ន្ធអនឡាញ លោកជំទាវកិត្តិបណ្ឌិត អុឹង កន្ថាផាវី រដ្ឋមន្រ្តីក្រសួងកិច្ចការនារី បានអនុញ្ញាតឱ្យបេក្ខជនជ័យលាភីអាហារូបករណ៍អភិវឌ្ឍន៍ធនធានមនុស្សប្រទេសជប៉ុន(JDS)ចំនួន២៦រូប(បុរស១៦រូប) ជួបសំដែងការគួរសម និងទទួលអនុសាសន៍ណែនាំមុននឹងចេញទៅបន្តការសិក្សាលើជំនាញផ្សេងៗ នៅតាមបណ្តាសកលវិទ្យាល័យក្នុងប្រទេសជប៉ុន។ លោកជំទាវកិត្តិបណ្ឌិតរដ្ឋមន្រ្តី បានកោតសរសើរនិងវាយតម្លៃខ្ពស់ចំពោះជោគជ័យរបស់បេក្ខជនទាំងអស់ ដែលទទួលបានឱកាសក្នុងការបន្តការសិក្សានៅក្រៅប្រទេស ដើម្បីអភិវឌ្ឍន៍សមត្ថភាព ចំណេះដឹង និងជំនាញថ្មីៗ ក្នុងបរិការណ៍ដែលប្រទេសជាតិមានសុខសន្តិភាពពេញលេញ ក្រោមការដឹកនាំប្រកបដោយកិត្តិបណ្ឌិតរបស់សម្តេចតេជោ នាយករដ្ឋមន្រ្តី។ ជាងនេះទៅទៀត លោកជំទាវក៏បានផ្តាំផ្ញើដល់បេក្ខជនទាំង២៦រូប ឱ្យខិតខំសិក្សារៀនសូត្រ ទាំងជំនាញរឹង និងជំនាញទន់ និងស្វែងយល់អំពីបទពិសោធន៍ល្អៗ ដើម្បីរួមចំណែកជាមួយរាជរដ្ឋាភិបាល ក្នុងការអភិវឌ្ឍន៍ប្រទេសជាតិនាពេលអនាគត។

នាថ្ងៃចន្ទ-អង្គារ ០៦-០៧ រោច ខែស្រាពណ៍ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃ១០-១១ ខែសីហា ឆ្នាំ២០២០ នាយកដ្ឋានអភិវឌ្ឍន៍សេដ្ឋកិច្ចនៃក្រសួងកិច្ចការនារី បានរៀបចំវគ្គបណ្តុះបណ្តាលស្តីពី “ចំណេះដឹងផ្នែកហិរញ្ញវត្ថុសម្រាប់អភិវឌ្ឍន៍សហគ្រិនស្ត្រី” សហការជាមួយធនគារជាតិនៃកម្ពុជា និងគាំទ្រថវិកាដោយ ក្រុមហ៊ុនវីសា ដោយប្រកាសបើកវគ្គក្រោមអធិបតីភាព លោកជំទាវ ច័ន្ទ សូរីយ៍ រដ្ឋលេខាធិការនៃក្រសួងកិច្ចការនារី និងមានការចូលរួមពីសំណាក់ លោកជំទាវ ខាំ សុភាព អភិបាលរងនៃគណៈអភិបាលខេត្តក្រចេះ និងលោក អែម កំណាន់ ប្រធាននាយកដ្ឋាននីតិកម្មតំណាងពីធនាគារជាតិនៃកម្ពុជា ។ វគ្គបណ្តុះបណ្តាលនេះមានរយៈពេលពីរថ្ងៃ ជូនដល់មន្ត្រីក្រសួងកិច្ចការនារី មជ្ឈមណ្ឌលអភិវឌ្ឍន៍ស្ត្រី និងមន្ទីរពាក់ព័ន្ធក្នុងខេត្តចំនួន៨ ក្នុងគោលបំណងបង្កើនចំណេះដឹង អំពីការគ្រប់គ្រងហិរញ្ញវត្ថុ ការប្រើប្រាស់សេវាហិរញ្ញវត្ថុផ្លូវការ និងការប្រើប្រាស់ប្រព័ន្ធឌីជីថលសម្រាប់សេវាកម្មហិរញ្ញវត្ថុ ជាពិសេសជម្រុញឱ្យមានការផ្សព្វផ្សាយបន្តដល់ ស្ត្រីសហគមន៍ ។ វគ្គបណ្តុះបណ្តាលនេះមានអ្នកចូលរួមចំនួន ៤៥នាក់ ស្ត្រីចំនួន ៣៥នាក់ នៅសណ្ឋាគារ លី ជឺ ខេត្តក្រចេះ។

នៅថ្ងៃពុធ ៧រោច ដល់ថ្ងៃសុក្រ ៩រោច ខែភទ្របទ ឆ្នាំជូត ឯកស័ក ព.ស ២៥៦៤ ត្រូវនឹងថ្ងៃទី០៩ ដល់ ១១ ខែកញ្ញា ឆ្នាំ២០២០ នាយកដ្ឋានសមភាពយេនឌ័រនៃក្រសួងកិច្ចការនារី បានរៀបចំវគ្គបណ្តុះបណ្តាលស្តីពី “ភាពជាអ្នកដឹកនាំ និងគ្រប់គ្រង” នៅខេត្តមណ្ឌលគីរី ។ កម្មវិធីបើកវគ្គប្រព្រឹត្តទៅក្រោមអធិបតីភាព លោកជំទាវ ហ៊ូ និរមិត្តា អនុរដ្ឋលេខាធិការ ក្រសួងកិច្ចការនារី និងមានការចូលរួមពីលោកជំទាវ ខៀវ ប៊ុនលីន សមាជិកា ក្រុមប្រឹក្សាខេត្តមណ្ឌលគីរី និងលោកជំទាវ រិន ស៊ីធួន អភិបាលរង នៃគណៈអភិបាលខេត្តមណ្ឌលគីរី ។ វគ្គបណ្តុះបណ្តាលនេះ ផ្តល់ថ្នាក់ដឹកនាំក្រសួង មន្ទីរកិច្ចការនារី និងស្រ្តីជាអភិបាលរងស្រុក មកពីខេត្តចំនួន៨គឺ ខេត្ត រតនគិរី ស្ទឹងត្រែង កំពង់ចាម ត្បួងឃ្មុំ ព្រះវិហារ ក្រចេះ ព្រៃវែង និងខេត្តសៀមរាប សរុបចំនួន៥៥នាក់ (ស្រី៤៦នាក់ ) ក្នុងគោលបំណងពង្រឹង…