ពិធីប្រគល់ប័ណ្ណសរសើរដល់ សិស្សនារីឆ្នើមទិន្ទេស A ក្នុងការប្រឡងសញ្ញាបត្រមធ្យមសិក្សាទុតិយភូមិ

នាថ្ងៃទី១១ ខែតុលា ឆ្នាំ២០២១ លោកជំទាវ ខេង សំវ៉ាដារដ្ឋលេខាធិការប្រចាំការនៃក្រសួងកិច្ចការនារី បានចូលរួមកិច្ចប្រជុំប្រចាំឆ្នាំរបស់ គណៈកម្មាធិការអាស៊ានដើម្បីស្រ្តីលើកទី២០ (20th ACW Meeting) និងកិច្ចប្រជុំបូកបីរបស់គណៈកម្មាធិការអាស៊ានដើម្បីស្រ្តីលើកទី១៣ (13th ACW+3 Meeting) តាមប្រព័ន្ធវីដេអូ។ លោកជំទាវ ខេង សំវ៉ាដា ដែលជាប្រធាននៃគណៈកម្មាធិការអាស៊ានដើម្បីស្រ្តីក្នុងឆ្នាំ២០២០ បានថ្លែងសុន្ទរកថាបើកកិច្ចប្រជុំចាំឆ្នាំរបស់គណៈកម្មាធិការអាស៊ានដើម្បីស្រ្តីលើកទី២០ (20th ACW Meeting) និងបានផ្ទេរតំណែងជាប្រធាននៃគណៈកម្មាធិការអាស៊ានដើម្បីស្រ្តីជូនទៅប្រទេសឥណ្ឌូនេស៊ី ។ ក្នុងកិច្ចប្រជុំប្រចាំឆ្នាំACW លោកជំទាវ បានធ្វើបទបង្ហាញពីបច្ចុប្បន្នភាព សេចក្ដីព្រាងផែនការថ្នាក់តំន់ ស្ដីពីស្រ្តី សន្តិភាព និងសន្តិសុខ (Draft ASEAN Regional Plan of Action on Women, Peace and Security) ព្រមទាំងរាយការណ៍ជូនអង្គប្រជុំនូវបច្ចុប្បន្នភាពនៃការរៀបចំកិច្ចប្រជុំកំពូលថ្នាក់ដឹកនាំកំពូលស្រ្តីលើកទី២ និងកិច្ចប្រជុំពាក់ព័ន្ធ (2nd ASEAN Women Leaders’ Summit and Related Meetings) ជូនអង្គប្រជុំ។…

ខេត្ត កំពង់ស្ពឺ៖ នាថ្ងៃទី ៧ ខែ ធ្នូ ឆ្នាំ២០១៦ លោកជំទាវវេជ្ជ. អឹុងកន្ថាផាវី រដ្ឋមន្ត្រីក្រសួងកិច្ចការនារី និង ឯកឧត្តម Naveen Srivastava ឯកអគ្គរដ្ឋទូតនៃសាធារណៈឥណ្ឌា បានអញ្ជើញជាគណៈអធិបតី ក្នុងពិធីបើកសិក្ខាសាលាពិគ្រោះយោបល់ស្តីពី សេវាកម្ម បច្ចេកវិទ្យាព័ត៌មានដើម្បីបង្កើនភាពអង់អាចដល់ស្ត្រី ដោយមានការចូលរួមពី ថ្នាក់ដឹកនាំ និងមន្ត្រីក្រសួងកិច្ចការនារី តំណាងស្ថានទូត តំណាងអភិបាលខេត្ត និងអ្នកពាក់ព័ន្ធក្នុង ដៃគូអភិវឌ្ឍន៍ មន្ត្រីមជ្ឈមណ្ឌលអភិវឌ្ឍន៍ស្ត្រីទាំង១៤ អង្គការសង្គមស៊ីវិល ផ្នែកឯកជន ក្រុមផលិតក្នុងខេត្តកំពង់ស្ពឺ សរុបប្រមាណ ៨០រូប។ សិក្ខាសាលានេះត្រូវបានរៀបចំឡើងក្នុងគោលបំណង ទទួលបានការគាំទ្រនិងអនុសាសន៍ សំខាន់ៗសម្រាប់តំរង់ទិសសម្រាប់មជ្ឈមណ្ឌលព័ត៌មានឱ្យមានដំណើរការប្រកបដោយវឌ្ឍនភាពពីអ្នកពាក់ព័ន្ធនានា។ ក្នុងឱកាសនេះ លោកជំទាវរដ្ឋមន្ត្រី និងឯកឧត្តម ឯកអគ្គរដ្ឋទូត ក៏បានចូលរួមទស្សនាការតាំងបង្ហាញផលិតផលរបស់ក្រុមផលិតជាស្ត្រីរបស់មជ្ឈមណ្ឌលអភិវឌ្ឍន៍ស្ត្រីផងដែរ។ គួរបញ្ជាក់ផងដែរថា ក្រសួងកិច្ចការនារី តាមរយៈ គម្រោង ការពង្រឹងភាពអង់អាចផ្នែក សេដ្ឋកិច្ចដល់ស្ត្រីតាមរយៈបច្ចេកវិទ្យាព័ត៌មាននិងការទំនាក់ទំនង ក្រោមជំនួយ របស់ រដ្ឋាភិបាលនៃសាធារណៈរដ្ឋឥណ្ឌា បានបង្កើតជាមជ្ឈមណ្ឌលផ្តល់ព័ត៌មាន និងសេវា ប្រើប្រាស់កុំព្យូទ៍រ នៅ មជ្ឈមណ្ឌលអភិវឌ្ឍន៍ស្ត្រី សម្តេចម៉ែ…

កិច្ចប្រជុំប្រចាំឆ្នាំក្រុមការងារបញ្រ្ជាបយេនឌ័រ ក្រសួង ស្ថាប័ន ក្រោម អធិបតីភាពលោកជំទាវ ឃឹម ចំរើន រដ្ឋលេខាធិការ ក្រសួងកិច្ចការនារី និងមានការចូលរួមពីសំណាក់លោកជំទាវ ឯកឧត្តម លោកស្រី លោក ជាថ្នាក់ដឹកនាំ និងតំណាងក្រុមការងារបញ្រ្ជាបយេនឌ័រ នៃក្រសួង ស្ថាប័នទាំង២៨។ កិច្ចប្រជុំនេះ នឹងប្រព្រឹត្តទៅរយៈពេល២ថ្ងៃ ចាប់ពីថ្ងៃទី២៩-៣០ ខែវិចិ្ឆកា ឆ្នាំ២០១៦ នៅសណ្ឋាគារសុខា (ភ្នំពេញ) ។ កិច្ចប្រជុំនេះរៀបចំឡើងក្នុងគោលបំណងពិនិត្យជារួមអំពីវឌ្ឍនភាព កត្តាប្រឈមមេរៀនជាបទពិសោធន៏ និងដើម្បីស្វែងរកមធ្យោបាយថ្មីៗ ក្នុងការពង្រឹងប្រសិទ្ធភាព ក្នុងការអនុវត្ត ការងារបញ្ជ្រាបយេនឌ័រតាមវិស័យ ។ កម្មវិធីនេះរៀបចំដោយក្រសួង​កិច្ចការនារី និងឧបត្ថម្ភដោយ UN WOMEN ប្រចាំកម្ពុជា។

សារលិខិតជូនពរ៖ សូមគោរពជូន សម្តេចអគ្គមហាពញាចក្រីកិត្តិព្រឹទ្ធបណ្ឌិត ហេង សំរិន ប្រធានរដ្ឋសភា និងសម្តេចធម្មវិសុទ្ធវង្សា សៅ ទី ហេង សំរិន ជាទីគោរពដ៏ខ្ពង់ខ្ពស់។

នៅព្រឹកថ្ងៃច័ន្ទ ១២រោច ខែមិគសិរ ឆ្នាំកុរ ឯកស័ក ព.ស.២៥៦៣ ត្រូវនឹងថ្ងៃទី២៣ ខែធ្នូ ឆ្នាំ២០១៩ លោកជំទាវវេជ្ជបណ្ឌិត អុឹង កន្ថាផាវី រដ្ឋមន្រ្តីក្រសួងកិច្ចការនារី បានអញ្ជើញចូលរួមជាអធិបតីក្នុងកិច្ចប្រជុំពិនិត្យប្រចាំឆ្នាំរវាងរាជរដ្ឋាភិបាលកម្ពុជា និងមូលនិធិសហប្រជាជាតិសម្រាប់ប្រជាជន ស្តីពីការអនុវត្តកម្មវិធីអភិវឌ្ឍប្រចាំប្រទេសឆ្នាំ២០១៩-២០២៣ របស់អង្គការUNFPA។ កិច្ចប្រជុំនេះមានគោលបំណងដើម្បីពិនិត្យលើវឌ្ឍនភាពនៃការអនុវត្តការងារកន្លងមករវាងរាជរដ្ឋាភិបាលកម្ពុជា និងអង្គការUNFPA កំណត់លើបញ្ហាប្រឈម និងរៀបចំផែនការសកម្មភាពអាទិភាព និងទិសដៅការងារសម្រាប់ឆ្នាំ២០២០ ដែលមានអ្នកចូលរួមមកពីក្រសួង-ស្ថាប័នពាក់ព័ន្ធ សរុបប្រមាណ៥០រូប។ ក្នុងឱកាសនោះ លោកជំទាវរដ្ឋមន្រ្តីក៍បានផ្តល់អនុសាសន៍ដល់អង្គប្រជុំចូលរួមមតិយោបល់ឱ្យបានផុលផុស និងគិតគូរពិចារណាក្នុងការរៀបចំផែនការសកម្មភាពឆ្នាំ២០២០ តាមវិស័យរបស់ខ្លួន សំដៅធ្វើយ៉ាងណារួមចំណែកសម្រេចបាននូវការប្តេជ្ញាចិត្តរបស់រាជរដ្ឋាភិបាលក្នុងការដោះស្រាយបញ្ហាចម្បងៗចំនួន៣គឺ៖ ទី១.ការមិនឆ្លើយតបទៅនឹងតម្រូវការនៃផែនការគ្រួសារ ទី២.អត្រាមរណៈភាពមាតា និងទី៣.ការលុបបំបាត់អំពើហិង្សាទាក់ទងនឹងយេនឌ័រ និងការរើសអើងគ្រប់គ្រប់ទម្រង់លើស្រ្តី និងក្មេងស្រី។ ដើម្បីឱ្យការងារនេះអាចសម្រេចទៅបានតាមការរំពឹងទុក តម្រូវឱ្យមានការចូលរួមសហការអនុវត្តពីគ្រប់ភាគីពាក់ព័ន្ធទាំងអស់ ទាំងផ្នែកបច្ចេកទេស និងការគាំទ្រផ្នែកធនធានហិរញ្ញវត្ថុ។