ផែនការសកម្មភាពដើម្បីទប់ស្កាត់និងឆ្លើយតបចំពោះអំពើហិង្សាលើកុមារ (២០១៧=២០២១)

ស្ថិតិយេនឌ័រខេត្តត្បូងឃ្មុំ៖   គម្រោងការបញ្រ្ជាបយេនឌ័រសម្រាប់បង្កើនភាពអង់អាចផ្នែកសេដ្ឋកិច្ចដល់ស្រ្តី (PGM-WEE) បានចាប់ផ្តើមអនុវត្តនៅខែមីនា ឆ្នាំ២០១៧ គាំទ្រដោយទីភ្នាក់ងារសហប្រតិបត្តិការអន្តរជាតិនៃប្រទេសជប៉ុន។ គម្រោងនេះមានគោលបំណងលើកកម្ពស់ភាពអង់អាចផ្នែកសេដ្ឋកិច្ចដល់ស្រ្តីនៅថ្នាក់ក្រោមជាតិ ជាមួយក្រសួង និងមន្ទីរដៃគូពាក់ព័ន្ធ តាមរយៈការស្វែងរកការគាំទ្រមតិ និងសម្របសម្រួលពីក្រសួង/មន្ទីរកិច្ចការនារី។   ស្ថិតិយេនឌ័រ គឺជាសកម្មភាពសំខាន់របស់គម្រោង ហើយការរៀបចំសៀវភៅស្ថិតិយេនឌ័រ ខេត្តត្បូងឃ្មុំ ក៏ជាសមាធាតុដ៏សំខាន់មួយ ដែលមានការចូលរួមចំណែកពីមន្រ្តីដៃគូរបស់មន្ទីរពាក់ព័ន្ធ និងក្រសួងកិច្ចការនារីដោយមានការគាំទ្របច្ចេកទេសពីក្រុមការងារគម្រោង JICA ។   ទិន្នន័យ និងព័ត៌មាននៅក្នុងសៀវភៅនេះ មានជាភាសាអង់គ្លេស និងជាភាសាខ្មែរ ។ វាបង្ហាញពីស្ថានភាពសេដ្ឋកិច្ចនិងសង្គមកិច្ច ព្រមទាំងការផ្តល់ភាពអង់អាចដល់ស្រ្តីនៅក្នុងខេត្តត្បូងឃ្មុំ។ គ្រប់ស្ថាប័នពាក់ព័ន្ធទាំងអស់នឹងយកព័ត៌មាននៅក្នុងសៀវភៅនេះមកប្រើប្រាស់ សម្រាប់តាមដានត្រួតពិនិត្យ គោលនយោបាយ ផែនការ និងកម្មវិធី ឆ្លើយតបទៅនឹងយេនឌ័រតាមវិស័យនីមួយៗ ។   មាតិកាសំខាន់ៗនៅក្នុងសៀវភៅនេះបកស្រាយពី ស្ថិតិប្រជាជនក្នុងខេត្តត្បូងឃ្មុំ ស្ថិតិវិស័យអប់រំ  វិស័យសុខភាព ការចូលរួមរបស់ស្រ្តី អំពើហិង្សាទាក់ទងនឹងយេនឌ័រ សកម្មភាពសេដ្ឋកិច្ច ។

របាយការណ៍ស្តីពីការវិភាគទិន្នន័យលើបទពិសោធន៍របស់ស្ត្រីដែលរងអំពើហិង្សាក្នុងគ្រួសារ និងទម្រង់អំពើហិង្សាផ្សេងៗ ទាញយកឯកសារ៖ http://bit.ly/2u72wLQ  

សូមអញ្ជើញស្តាប់កិច្ចសម្ភាស៍ រវាង លោកស្រី យិន សារ៉ាត់ ប្រធាននាយកដ្ឋានព័ត៌មាន នៃក្រសួងកិច្ចការនារី ក្នុងនាមជាវាគ្មិនកិត្តិយស ក្នុងកម្មវិធី ជំហានដំបូង នៅ ស្ថានីយវិទ្យុជាតិ ដូចតទៅ https://soundcloud.com/mowa-di/kzmti4mwody

គម្រោង PGM-WEE ក៏បានផ្តល់ វគ្គបណ្តុះបណ្តាលស្តីពីយេនឌ័រទាក់ទងនឹងការពង្រឹងភាពអង់អាចផ្នែកសេដ្ឋកិច្ចដល់ស្រ្តី ដល់មន្រ្តីមន្ទីរដៃគូ មកពីតំបន់គោលដៅចំនួន៥ខេត្ត ដូចជា កំពង់ឆ្នាំង កំពង់ធំ ត្បូងឃ្មុំ សៀមរាប និងកំពង់ចាម ។ ការផលិត និងចងក្រងស្ថិតិយេនឌ័រនៅថ្នាក់ក្រោមជាតិ ជាផ្នែកមួយនៃគម្រោង PGM-WEE ។ មន្ទីរពាក់ព័ន្ធដែលជាសមាជិកក្រុមការងារ WEE​ បានប្រមូលទិន្នន័យ និងព័ត៌មានសំខាន់ៗ ដែលទាក់ទងនឹងស្ថានភាពសេដ្ឋកិច្ច សង្គមកិច្ច បច្ចុប្បន្នភាពរបស់ស្ត្រី និងបុរសនៅក្នុងខេត្តកំពង់ឆ្នាំង ។ ទិន្នន័យ និងព័ត៌មានទាំងនេះប្រមូលបានពីប្រភពដែលមានស្រាប់ ដូចជាទិន្នន័យមូលដ្ឋាន ឃុំ/សង្កាត់ ខែធ្នូ ឆ្នាំ២០១៩ (ធ្វើបច្ចុប្បន្នភាព) ព័ត៌មាននានាពីមន្ទីរពាក់ព័ន្ធ ព្រមទាំងការិយាល័យតាមស្រុកនានា ។ បន្ទាប់មកក្រុមការងារ WEE ធ្វើការពិនិត្យ និងវិភាគលើទិន្នន័យទាំងនោះ និងមានការណែនាំកែសម្រួល និងធ្វើបច្ចុប្បន្នភាពឡើងវិញ​ ។ ហើយបន្ទាប់មក សៀវភៅស្ថិតិយេនឌ័រត្រូវបានបោះពុម្ព និងផ្សព្វផ្សាយជាផ្លូវការនៅក្នុងខេត្ត និងស្ថាប័ន្ថពាក់ព័ន្ធដទៃទៀត ។ សៀវភៅស្ថិតិយេនឌ័រនេះ នឹងក្លាយជាឯកសារយោងដ៏មានប្រយោជន៍ ក្នុងអំឡុងពេលអនុវត្តគម្រោងសាកល្បង ហើយនិងត្រូវបានប្រើប្រាស់ដោយមន្ត្រីថ្នាក់ខេត្ត និងភាគីពាក់ព័ន្ធ សម្រាប់រៀបចំគោលនយោបាយកម្មវិធី…