ស្រ្តី និងក្មេងស្រី ត្រូវខិតខំពង្រឹងសមត្ថភាព និងទំនុកចិត្តខ្លួនឯង

នាថ្ងៃចន្ទ-អង្គារ ០៦-០៧ រោច ខែស្រាពណ៍ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃ១០-១១ ខែសីហា ឆ្នាំ២០២០ នាយកដ្ឋានអភិវឌ្ឍន៍សេដ្ឋកិច្ចនៃក្រសួងកិច្ចការនារី បានរៀបចំវគ្គបណ្តុះបណ្តាលស្តីពី “ចំណេះដឹងផ្នែកហិរញ្ញវត្ថុសម្រាប់អភិវឌ្ឍន៍សហគ្រិនស្ត្រី” សហការជាមួយធនគារជាតិនៃកម្ពុជា និងគាំទ្រថវិកាដោយ ក្រុមហ៊ុនវីសា ដោយប្រកាសបើកវគ្គក្រោមអធិបតីភាព លោកជំទាវ ច័ន្ទ សូរីយ៍ រដ្ឋលេខាធិការនៃក្រសួងកិច្ចការនារី និងមានការចូលរួមពីសំណាក់ លោកជំទាវ ខាំ សុភាព អភិបាលរងនៃគណៈអភិបាលខេត្តក្រចេះ និងលោក អែម កំណាន់ ប្រធាននាយកដ្ឋាននីតិកម្មតំណាងពីធនាគារជាតិនៃកម្ពុជា ។ វគ្គបណ្តុះបណ្តាលនេះមានរយៈពេលពីរថ្ងៃ ជូនដល់មន្ត្រីក្រសួងកិច្ចការនារី មជ្ឈមណ្ឌលអភិវឌ្ឍន៍ស្ត្រី និងមន្ទីរពាក់ព័ន្ធក្នុងខេត្តចំនួន៨ ក្នុងគោលបំណងបង្កើនចំណេះដឹង អំពីការគ្រប់គ្រងហិរញ្ញវត្ថុ ការប្រើប្រាស់សេវាហិរញ្ញវត្ថុផ្លូវការ និងការប្រើប្រាស់ប្រព័ន្ធឌីជីថលសម្រាប់សេវាកម្មហិរញ្ញវត្ថុ ជាពិសេសជម្រុញឱ្យមានការផ្សព្វផ្សាយបន្តដល់ ស្ត្រីសហគមន៍ ។ វគ្គបណ្តុះបណ្តាលនេះមានអ្នកចូលរួមចំនួន ៤៥នាក់ ស្ត្រីចំនួន ៣៥នាក់ នៅសណ្ឋាគារ លី ជឺ ខេត្តក្រចេះ។

នាយកដ្ឋានហិរញ្ញវត្ថុ និងផ្គត់ផ្គង់ ក្រសួងកិច្ចការនារីបានរៀបចំសិក្ខាសាលាស្តីពី “ ការរៀបចំផែនការយុទ្ធសាស្រ្តថវិកាឆ្នាំ ២០២១-២០២៣ និងកិច្ចពិភាក្សាលើសេចក្តីព្រាងថវិកាឆ្នាំ ២០២១ ក្រោមអធិបតីភាពរបស់លោកជំទាវ ខេង សំវ៉ាដា រដ្ឋលេខាធិការ ក្រសួងកិច្ចការនារី កាលពីថ្ងៃទី ២០ និង២១ ខែកក្កដា ឆ្នាំ២០២០ នៅសណ្ឋាគារភ្នំពេញ ។ អ្នកចូលរួមក្នុងសិក្ខាសាលានេះរួមមាន លោកជំទាវ ឯកឧត្តម លោកស្រី លោកជារដ្ឋលេខាធិការ អនុរដ្ឋលេខាធិការ ថ្នាក់អគ្គនាយក ថ្នាក់នាយកដ្ឋាន ថ្នាក់ការិយាល័យ ប្រធានអនុប្រធានមន្ទីរកិច្ចការនារី រាជធានីខេត្ត និងមន្រ្តីជំនាញមកពីគ្រប់អង្គភាពថវិកានៃក្រសួងកិច្ចការនារី ។

ថ្ងៃចន្ទ ៨រោច ខែទុតិយាសាឍ ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃ២ ខែសីហា ឆ្នាំ២០២១ ក្រសួងកិច្ចការនារី ក្រោមជំនួយពីរដ្ឋាភិបាលអូស្តា្រលីតាមរយៈកម្មវិធី ACCESS បានរៀបចំកិច្ចប្រជុំប្រចាំត្រីមាស លើកទី៧ ជាមួយអង្គការដៃគូអនុវត្តផ្នែកអំពើហិង្សាទាក់ទងនឹងយេនឌ័រ តាមរយៈអនឡាញ(Zoom) ។ កិច្ចប្រជុំ ដឹកនាំ និងសម្របសម្រួលដោយលោកជំទាវ ញាណ សុចិត្រា អគ្គនាយកនៃអគ្គនាយកដ្ឋានអភិវឌ្ឍន៍សង្គម ក្រសួងកិច្ចការនារី និងមានការចូលរួមពីតំណាងក្រុមប្រឹក្សាសកម្មភាពជនពិការ ក្រសួងសង្គមកិច្ច អតីតយុទ្ធជន និងយុវនីតិសម្បទា ក្រសួងមហាផ្ទៃ ក្រសួងសេដ្ឋកិច្ច និងហិរញ្ញវត្ថុ ព្រមទាំងមន្ទីរកិច្ចការនារីចំនួន ៣ខេត្ត និងអង្គការដៃគូអនុវត្តការងារ សរុប ៤៦នាក់ ស្រ្តីមាន៣១នាក់។ កិច្ចប្រជុំបានបង្ហាញអំពីសមិទ្ធផល និងដំណើរការរីកចម្រើន និងការប្រឈមនានានៃការអនុវត្តការងារក្នុងអំឡុងពេលរីករាលនៃជំងឺកូវីដ-១៩។ លោកជំទាវប្រធានអង្គប្រជុំបានសាទរចំពោះសមទ្ធិផល របស់ដៃគូដែលបានធ្វើឡើងតាមគន្លងថ្មី និងរួមគ្នាបន្តអនុវត្តការងារទៅមុខទៀតនៅក្នុងដំណាក់កាលទី២នៃកម្មវិធីACCESS ។

នាយកដ្ឋានការពារផ្លូវច្បាប់នៃក្រសួងកិច្ចការនារី បានរៀបចំវគ្គបណ្តុះបណ្តាលស្តីពី ការទប់ស្កាត់ការរំលោភបំពានផ្លូវភេទលើស្ត្រី និងកុមារដល់គ្រូបង្គោលថ្នាក់តំបន់នៅខេត្តកំពង់ឆ្នាំង ចាប់ផ្តើមពីថ្ងៃទី១៥ ដល់ថ្ងៃទី១៧ ខែសីហា ឆ្នាំ២០១៧ ក្នុងគោលបំណងផ្តល់ចំណេះដឹង និងបទពិសោធន៏មួយចំនួនដល់ថ្នាក់ខេត្ត ឃុំ សង្កាត់ ស្រុក ខណ្ឌ និងប្រជាពលរដ្ឋនៅក្នុងមូលដ្ឋានក្នុងការទប់ស្កាត់ការរំលោភបំពានផ្លូវភេទលើស្ត្រី និងកុមារនៅកម្ពុជា ឲ្យមានប្រសិទ្ឋិភាពខ្ពស់ និងជួយជនរងគ្រោះបានទាន់ពេលវេលា។ វគ្គបណ្តុបណ្តាលនេះប្រារព្វធ្វើឡើងក្រោមអធិបតីភាពលោកជំទាវទេស ច័ន្ទសារឿន អនុរដ្ឋលេខាធិការក្រសួងកិច្ចការ ។ ក្នុងវគ្គនេះមានសិក្ខាកាមចូលរួមសរុបចំនួន៤៥នាក់ ក្នុងនោះបុរសមានចំនួន៣នាក់ ដែលជាមន្រ្តីបង្គោលថ្នាក់ក្រោមជាតិមកពីមន្ទីរកិច្ចការនារីចំនួន៧រាជធានី- ខេត្ត មានកណ្តាល ត្បូងឃ្មុំ ស្វាយរៀង ព្រៃវែង កំពង់ចាម កំពង់ឆ្នាំងជាខេត្តម្ចាស់ផ្ទះ និងមន្ត្រីក្រសួងកិច្ចការនារី។

រាជរដ្ឋាភិបាល នឹងផ្តោតអាទិភាពលើ ការបន្តជំរុញអនុវត្ត “ ផែនការសកម្មភាពជាតិ ស្តីពី ការទប់ស្កាត់អំពើហិង្សាលើស្ត្រី ” សំដៅលុបបំបាត់ឥរិយាបទប្រើអំពើហិង្សាលើស្ត្រី និងពង្រីកវប្បធម៌អហិង្សា ដើម្បីរួមចំណែកលើកកម្ពស់សីលធម៌សង្គម តម្លៃស្ត្រី និងគ្រួសារខ្មែរ ក៏ដូចជា កសាងគ្រួសារមានសុភមង្គល សហគមន៍ និងសង្គមជាតិសុខដុមរមនា។… ដកស្រង់ចេញពី យុទ្ធសាស្រ្តចតុកោណ ដើម្បីកំណើន ការងារ សមធម៌ និងប្រសិទ្ធិភាព នៅកម្ពុជា ដំណាក់កាលទី៣ របស់ រាជរដ្ឋាភិបាល នីតិកាលទី៥ នៃ រដ្ឋសភា។

កាលពីថ្ងៃពុធ ១២រោច ដល់ថ្ងៃព្រហស្បតិ៍ ១៣រោច ខែទុតិយាសាឍ ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី៨ ដល់ថ្ងៃទី៩ខែសីហាឆ្នាំ២០១៨ នាយដ្ឋានសមភាពយេនឌ័រ នៃក្រសួងកិច្ចការនារី តាមរយៈការប្រើប្រាស់ ថវិកាតាមកម្មវិធី(PB2018) បានរៀបចំវគ្គបណ្តុះបណ្តាលស្តីពី​ គោលគំនិតយេនឌ័រ និងការបញ្រ្ជាបយេនឌ័រ ដល់មន្រ្តីថ្មី ក្រសួង មន្ទីរ ការិយាល័យ កិច្ចការនារី ខេត្ត ក្រុង ស្រុក ខ័ណ្ឌ និងសមាជិកាក្រុមប្រឹក្សាឃុំ សង្កាត់ មកពីខេត្ត ក្រុងចំនួន០៦ គឺខេត្តក្រចេះ,​ ត្បូងឃ្មុំ, រតនៈគិរិ, ព្រះសីហនុ, ពោធិ៍សាត់,​ និងស្ទឹងត្រែង សរុប អ្នកចូលរួម៥០នាក់,ស្ត្រី៤៧នាក់ ប្រព្រឹត្តទៅ នៅសណ្ឋាគាររស្មីពេជ្រ ខេត្តស្ទឹងត្រែង។ វគ្គបណ្តុះបណ្តាលនេះ មានគោលបំណង អភិវឌ្ឍន៍សមត្ថ ភាពដល់មន្រ្តីថ្មីរបស់ក្រសួង មន្ទី ការិយាល័យ កិច្ចការនារី និងសមាជិកាក្រុមប្រឹក្សាឃុំ សង្កាត់ នូវចំ ណេះដឹងជាមូលដ្ឋានទាក់ទងគោលគំនិតយេនឌ័រ ​និងការបញ្រ្ជាបយេនឌ័រក្នុងការជំរុញអនុវត្តការងារ ប្រកបដោយប្រសិទ្ធភាព ដោយផ្តោតលើប្រធានបទដូចខាងក្រោម៖…