ករណីសិក្សា អំពីសេវាសម្របសម្រួលការឆ្លើយតបជាពហុវិស័យ

យុទ្ធនាការ១៦ថ្ងៃស្តីពីការលើកកម្ពស់ការយល់ដឹងពីអំពើហិង្សានៅលើអ៊ីនធឺណិតទាក់ទងនឹងស្ត្រី និងក្មេងស្រី។ យុទ្ធនាការនេះគឺធ្វើឡើងចង់ឱ្យក្រុមហ៊ុនបច្ចេកវិទ្យាក៏ដូចអ្នកបង្កើតគោលនយោបាយទាំងឡាយយកចិត្តទុកដាក់ ក៏ដូចយកការបំពានជារឿងធំ។

សញ្ញាដែលអ្នកត្រូវបានគេបំពានតាមប្រព័ន្ធអ៊ីនធឺណិត ការយារយី ការក្លែងបន្លំ ការបង្ហោះរូបភាពមិនសមរម្យ មតិយោបល់មិនសមរម្យ។

Bodyright គឺជាសិទ្ធិក្នុងខ្លួនយើងម្នាក់ៗ នារីៗកុមារីដែលទទួលរងនូវអំពើហិង្សា យើងមិនត្រូវនៅទ្រាំទេ យើងត្រូវទៅរកសមត្ថកិច្ចដែលនៅជិតបំផុត ដើម្បីឱ្យគាត់ជួយ និងសម្រួលដល់យើង។

អំពើហិង្សាទាក់ទងនឹងយេនឌ័រគឺជាការព្រួយបារម្ភ និងយកចិត្តទុកដាក់របស់បណ្តាប្រទេសទាំងឡាយនៅលើសកលលោក។ រាជរដ្ឋាភិបាលកម្ពុជា តាមរយៈក្រសួងកិច្ចការនារីមានការយកចិត្តទុកដាក់ទៅលើការងារនេះច្រើន។ យុទ្ធនាការ១៦ថ្ងៃប្រឆាំងនឹងស្ត្រី និងក្មេងស្រីនៅតែមានភាពចាំបាច់នៅក្នុងប្រទេសកម្ពុជា។ គណៈមេធាវីនៃព្រះរាជាណាចក្រកម្ពុជាក៏បានចូលរួមចំណែកក្នុងយុទ្ធនាការនេះតាមរយៈការដាក់ចេញនូវសកម្មភាពក៏ដូចជាគោលនយោបាយជាច្រើន។

នៅពេលគេនិយាយដល់ហិង្សា គេស្រមៃថាវ៉ៃ ដំ មានបង្ករជាស្នាមរបួសជាដើម ប៉ុន្តែហិង្សាមានលើសពីនេះទៀត ការប្រច័ណ្ឌ ហួងហែង ការនិយាយថាអ្នកមិនគួរមានមិត្តភក្តិប្រុស ឬការតាមដានយើងមិនឱ្យដើរហើរ ក៏ចាត់ទុកថាជាហិង្សាដែរ។ ហិង្សាមាន៤ប្រភេទ គឺផ្លូវកាយ ផ្លូវចិត្ត ផ្លូវភេទ និងផ្លូវសេដ្ឋកិច្ច។

តើសញ្ញាបៀតបៀនផ្លូវភេទវាមានអ្វីខ្លះ ហើយការបៀតបៀនផ្លូវភេទសឹងតែកើតឡើងរាល់ថ្ងៃ។ អ្នកដែលប្រឈមមុខរឿងហ្នឹងច្រើនជាងគេគឺស្ត្រី និងក្មេងស្រី។