ក្រសួងមុខងារសាធារណៈ

ក្រសួងមុខងារសាធារណ: គឺជាស្ថាប័នមួយរបស់រាជរដ្ឋាភិបាល ដែលមានបេសកកម្មដឹកនាំ គ្រប់គ្រង និងអភិវឌ្ឍវិស័យមុខងារសាធារណៈនៃព្រះរាជាណាចក្រកម្ពុជា និងការងារកែទម្រង់ រដ្ឋបាលសាធារណៈ ជាបង្អែកដ៏រឹងមាំ ស្វាហាប់ និងជាឧបករណ៍ដ៏មានប្រសិទ្ធភាពរបស់រាជរដ្ឋាភិបាល ដើម្បីធានាបាននូវសុខសន្តិភាព និងការអភិវឌ្ឍប្រទេសប្រកបដោយចីរភាព។ ក្រសួងមុខងារសាធារណៈមានតួនាទីគន្លឹះក្នុងការប្រែក្លាយធនធានមនុស្សក្នុងរដ្ឋបាលសាធារណៈ ឱ្យក្លាយជា “មូលធនមនុស្ស” ដ៏មានសារសំខាន់ស្របទៅតាមការអភិវឌ្ឍឥត ឈប់ ឈរ នៅក្នុងតំបន់ និងពិភពលោក។