ពិធីអបអរសាទរខួបទី១០៦ ទិវាអន្តរជាតិនារី ៨មីនា ឆ្នាំ២០១៧ ក្រោមប្រធានបទ “ស្រ្តីដើម្បីសុខសន្តិភាព និងវឌ្ឍនភាព” នៅទីស្តីការក្រសួងមហាផ្ទៃ

         កាលពីថ្ងៃទី 0២ ខែ មីនា ឆ្នាំ២០១៧ ក្រសួងកិច្ចការនារី បានផ្សព្វផ្សាយសកម្មភាព ទិវាអន្តរជាតិនារី ០៨ មីនា ខួបលើកទី១០៦ ក្រោមប្រធានបទ ស្រ្តី ដើម្បីសុខសន្តិភាពនិងវឌ្ឍនភាព នៅអនុវិឡាល័យទៀន សង្កាត់ទៀន ខណ្ឌដង្កោ រាជធានីភ្នំពេញ ក្រោមអធិបតីភាព លោកជំទាវ ឃឹម ចំរើន រដ្ឋលេខាធិកាក្រសួង កិច្ចការនារីតំណាងដ៏ខ្ពង់ខ្ពស់ លោកជំទាវវេជ្ជ. អ៊ឹងកន្ថាផាវី រដ្ឋមន្រ្តីក្រសួងកិច្ចការនារី ព្រមទាំងថ្នាក់ដឹកនាំក្រសួង និងមានការចូលរួមពី តំណាងការិយាល័យអប់រំរាជធានី លោកនាយក លោកគ្រូអ្នកគ្រូ និងសិស្សានុសិស្ស នៃអនុវិឡាល័យ ទៀន សរុបចំនួន ២២០ នាក់ (ស្រ្តី ១១៦ នាក់)។  

កាលពីថ្ងៃទី០២ដល់ ថ្ងៃទី០៤ ខែមេសា ឆ្នាំ២០១៨ តាមរយៈកិច្ចសហការ រវាងមន្ទីរកិច្ចការនារី និងមន្ទីរអប់រំយុវជន និងកីឡាខេត្តកោះកុង នាយកដ្ឋានព័ត៌មាននៃក្រសួងកិច្ចការនារីបានរៀបចំវេទិកានារីរតនៈ ក្រោមប្រធានបទ “យុវជនរួមគ្នាកាត់បន្ថយអំពើហិង្សា” បានធ្វើឡើង នៅវិទ្យាល័យចំនួន៣គឺ វិទ្យាល័យស្រែអំបិល(ស្រុកស្រែអំបិល) វិទ្យាល័យកោះកុង(ក្រុងខេមរភូមិន្ទ)និងអនុវិទ្យាល័យជាស៊ីមស្មាច់ជ័យ(ក្រុងខេមរភូមិន្ទ)ខេត្តកោះកុង វេទិកានារីរតនៈនេះដែរមានការអញ្ជើញចូលរួមពីសំណាក់លោកជំទាវ ឡុង សុផល្លី អនុរដ្ឋលេខាធិការ ក្រសួងកិច្ចការនារី លោកជំទាវ ឈី វ៉ា សមាជិកក្រុមប្រឹក្សាខេត្ត និងលោកស្រីប្រធានមន្ទីរខេត្តកោះកុង ។ វេទិកានេះត្រូវបានរៀបចំឡើងក្នុងគោលបំណងដើម្បីបង្កើនការយល់ដឹងដល់យុវវ័យរួមគ្នាកាត់បន្ថយអំពើហិង្សាក្នុងសង្គម និងស្វែងយល់អំពីឬសគល់អំពើហិង្សា ក្រោមការឧបត្ថម្ភថវិការាជរដ្ឋាភិបាល(PB)។

ថ្ងៃសុក្រ ១៥កើត ខែជេស្ឋ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី០៥ ខែមិថុនា ឆ្នាំ២០២០ វគ្គបណ្តុះបណ្តាលគ្រូបង្គោលថ្នាក់តំបន់ ស្តីពីបទដ្ឋានអប្បបរមាសម្រាប់ការផ្តល់ប្រឹក្សាជាមូលដ្ឋានដល់ស្រ្តី និងក្មេងស្រីជាជនរងគ្រោះដោយអំពើហិង្សាទាក់ទងនឹងយេនឌ័រ ដល់មន្រ្តី/ ភ្នាក់ងារនគរបាលយុត្តិធម៌ រយៈពេល០៣ថ្ងៃបានបញ្ចប់ទៅតាមការគ្រោងទុក។ ជាលទ្ធផល សិក្ខាកាមបានយល់ដឹងអំពីបទដ្ឋានអប្បបរមាសម្រាប់ការផ្តល់សេវាជាមូលដ្ឋាន ដល់ស្ត្រី និងក្មេងស្រីជាជនរងគ្រោះដោយអំពើហិង្សាដែលទាក់ទងនឹងយេនឌ័រ         និងសិទ្ធ ជាមូលដ្ឋានរបស់ជនរងគ្រោះនៅក្នុងបទដ្ឋានអប្បបរមា និងរបៀបថែទាំខ្លួនឯងក្នុងនាមជា អ្នកផ្តល់សេវា ។ ក្នុងវគ្គបណ្តុះបណ្តាលនេះដែរ  សិក្ខាកាមបានអនុវត្តការសាកល្បងបង្រៀន អំពីមេរៀនបទដ្ឋានអប្បបរមា ដើម្បីពង្រឹងសម្ថភាពរបស់ខ្លួនក្នុងការក្លាយខ្លួនជាអ្នកបណ្តុះបណ្តាលបន្តទៅអ្នកផ្តល់សេវា នៅថ្នាក់ក្រោមជាតិ។ កត់សំគាល់ឃើញថា ក្រោយពីបានចូលរួមវគ្គបណ្តុះបណ្តាលសិក្ខាកាមទទួលបានចំនេះដឹង កើនឡើងប្រមាណ៨០% ។ កម្មវិធីបិទវគ្គបណ្តុះបណ្តាលប្រព្រឹត្តទៅក្រោមអធីបតីភាពលោកជំទាវ ញាណ សុចិត្រា អគ្គនាយក នៃអគ្គនាយកដ្ឋានអភិវឌ្ឍន៍សង្គម ដោយមានការចែកជូនវិញ្ញាបនបត្របញ្ជាក់ ការសិក្សាជូនដល់សិក្ខាកាមទាំង០៨ ខេត្ត សរុប២៥នាក់ ប្រុស០៦នាក់។

កាលពីថ្ងៃពុធ ១កើត ខែពិសាខ ឆ្នាំកុរ ទោស័ក ព.ស ២៥៦៣ ត្រូវនឹងថ្ងៃទី ២២ ខែ មេសា ឆ្នាំ២០២០ លោកជំទាវ​ ខេង សំវ៉ាដា​ រដ្ឋលេខាធិការ​ក្រសួងកិច្ចការនារី និងជាតំណាងកម្ពុជាប្រចាំគណៈកម្មាធិការស្រ្តី អាស៊ាន (ASEAN Committee on Women) បានចូលរួមក្នុងសន្និសីទអន្តរជាតិតាមរយៈ video conference នៅទីស្តីការក្រសួងកិច្ចការនារី ដើម្បីស្វែងយល់ពីលទ្ធផលអង្កេតស្តីពី “ផលប៉ះពាល់ដល់ស្រ្តីដែលបណ្តាលមកពីការរីករាលដាលនៃជំងឺកូវីដ១៩ ក្នុងរយៈពេល១០០ថ្ងៃដំបូងនៅក្នុងតំបន់អាស៊ី-ប៉ាស៊ីហ្វិក” ដែលរៀបចំដោយអង្គការ UNWomen នៅក្នុងប្រទេសចំនួន១៣។ ការអង្កេតនេះធ្វើឡើងក្នុងគោលបំណងស្វែងយល់លក្ខណៈរហ័សនូវផលប៉ះពាល់បន្ទាន់នៃជំងឺកូវីដ១៩ ទៅលើស្រ្តី និងក្មេងស្រី ដែលអាចយក មកប្រើប្រាស់ក្នុងការរៀបចំជាផែនការកាត់បន្ថយនូវផលប៉ះពាល់ទាំងនេះឲ្យបានទាន់ពេលវេលា។ លទ្ធផលគន្លឹះៗ នៃការរកឃើញជាបឋមនេះ បានបង្ហាញដូចខាងក្រោម៖ ១.  ស្រ្តី សន្តិភាព និងសន្តិសុខ (Women, Peace and Security): វិធានការនៃការឆ្លើយតបទៅនឹងជំងឺកូវីដ១៩ ដោយប្រើច្បាប់ដាក់ប្រទេសក្នុងគ្រាមានអាសន្ន ការបិទប្រទេស ការដាក់ប៉ុស្តិយោធាសម្រាប់ការត្រួតពិនិត្យ ការបិទព្រំដែន ការបិទការធ្វើដំណើរ ប្រៀបបាននឹងដាក់ស្រ្តី…

នៅថ្ងៃទី ១៩ ខែឧសភា ឆ្នាំ២០២១ លោកជំទាវកិត្តិបណ្ឌិត អុឹង កន្ថាផាវី រដ្ឋមន្រ្តី ក្រសួងកិច្ចការនារី បានដឹកនាំគណៈប្រតិភូ ដើម្បីចូលរួមកិច្ចប្រជុំពិភាក្សា និងសម្រេចចុងក្រោយ ស្ដីពីការរៀបចំឯកសារទស្សនទាន ចំណុចអាទិភាព និងគំនិតផ្ដួចផ្ដើមនានាដែលស្ថិតនៅក្រោមសរស្ដម្ភ សង្គម-វប្បធម៌ អាស៊ាន តាមរយៈប្រព័ន្ធវីដេអូ ។ នៅក្នុងកិច្ចប្រជុំនេះ លោកជំទាវកិត្តិបណ្ឌិត បានស្នើដាក់បញ្ចូលកម្មវិធីសំខាន់ៗចំនួនពីរទៅក្នុងកិច្ចប្រជុំកំពូលអាស៊ាន ឆ្នាំ២០២២ នៅពេលដែលប្រទេសកម្ពុជា ជាប្រធានអាស៊ាន រួមមាន៖ – ការបង្កើតឱ្យមានកិច្ចប្រជុំកំពូលថ្នាក់ដឹកនាំស្រ្តីអាស៊ានលើកទី២ ស្ដីពីសហគ្រិនភាព (2nd ASEAN Women Leaders’ Summit on women Entrepreneurship) – និងការចែករង្វាន់ជូនសហគ្រិននារីឆ្នើម (ASEAN Award for Women Entrepreneur) ។