ព្រឹត្តិបត្រ នារីរតនៈ ២០១៧ លេខ៥៦ ឆ្នាំទី១១

នៅព្រឹកថ្ងៃពុធ ១២កើត ខែកក្តិក ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី២៨ ខែតុលា ឆ្នាំ២០២០ នៅសណ្ឋាគារកាំបូឌីយ៉ាណា ក្រសួងកិច្ចការនារីបានរៀបចំកិច្ចប្រជុំប្រចាំត្រីមាសលើកទី៤ ផ្នែកអំពើ ហិង្សាទាក់ទងនឹងយេនឌ័រនៃកម្មវិធីសហប្រតិបត្តិការអូស្រ្តាលី-កម្ពុជាដើម្បីផ្តល់សេវាប្រកប ដោយសម ភាព និងសមធម៌(ACCESS) ក្រោមជំនួយឧបត្ថម្ភពីរាជរដ្ឋាភិបាលអូស្រ្តាលី តាមរយៈ កម្មវិធី ACCESS ។ កិច្ចប្រជុំមានអ្នកចូលរួមមកពី ក្រសួងកិច្ចការនារី ក្រសួងមហាផ្ទៃ អគ្គលេខាធិការ នៃក្រុមប្រឹក្សា សកម្មភាពជនពិការ ស្ថានទូតអូស្រ្តាលី មន្ទីរកិច្ចការនារីខេត្តសៀមរាប កំពង់ចាម និងកំពង់ស្ពឺ អង្គការដៃគូទាំង៧របស់កម្មវិធីACCESS សរុបចំនួន៤២នាក់ ស្រី្ត៣១នាក់។ កិច្ចប្រជុំនេះ មានគោលបំណងផ្តោតសំខាន់ ពិនិត្យលើវឌ្ឍនភាពនៃការអនុវត្តសកម្មភាពផ្នែកទប់ស្កាត់ អំពើហិង្សានៃកម្មវិធី ACCESS ពិនិត្យ និងពិភាក្សាលើបញ្ហាប្រឈម និងដំណោះស្រាយដែលបានអនុវត្ត កំណត់សកម្មភាពអាទិភាពសម្រាប់ត្រីមាស បន្ទាប់ផ្អែកលើបទពិសោធន៍និងមេរៀន ពង្រឹងកិច្ចសហការគ្នារវាងដៃគូអនុវត្តកម្មវិធីផ្នែកGBV និងពិនិត្យលទ្ធភាពដែលអាចគាំទ្រដល់ការងារផ្នែកពិការភាព។ អ្នកចូលរួមបានពិភាក្សា និងចែករំលែកនូវវឌ្ឍភាពគម្រោងដូចជា ការគាំទ្រពង្រឹងក្រុមការងារឆ្លើយតប អំពើហិង្សាទាក់ទងនឹងយេនឌ័រ និងការផ្តល់សេវាជួយដល់ជនរងគ្រោះទៅលើវិស័យច្បាប់ សេវា សុខភាព និងសេវាសង្គម…

អបអរសាទរ ជ័យលាភី និសិ្សត សាកលវិទ្យាល័យភូមិន្ទភ្នំពេញ ក្នុងវេទិកាយុវជនជជែកពិភាក្សា ស្តីពីសមភាពយេនឌ័រ ដើម្បីចូលរួម អបអរសាទរ ខួបលើកទី១០៩ ទិវាអន្តរជាតិនារី ៨មីនា ឆ្នាំ ២០២០ ក្រោមប្រធានបទ “ មានសន្តិភាព មានការលើកកម្ពស់សមភាពយេនឌ័រ ” កាលពីថ្ងៃពុធ ៤កើត ខែផល្គុន ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី២៦ខែកុម្ភៈ ឆ្នាំ២០២០ នៅស្ថានីយ៍ទូរទស្សន៍ជាតិកម្ពុជា (ទទក )។

“កម្មវិធីថ្នាលបណ្តុះអាជីវកម្មថ្នាក់មូលដ្ឋាន និងការបណ្តុះបណ្តាលលើចំណេះដឹងផ្នែកឌីជីថលនិងហិរញ្ញវត្ថុ តាមប្រព័ន្ធអនឡាញ គឺជាផ្នែកមួយរបស់មជ្ឈមណ្ឌលអភិវឌ្ឍន៍សហគ្រិនភាពស្រ្តី ដែលចូលរួមអនុវត្តគោលនយោបាយរាជរដ្ឋាភិបាល ក្នុងការគាំទ្រអាជីករ សហគ្រាសកម្រិតមីក្រូនិងមធ្យម ជាពិសេសគាំទ្រដល់ស្រ្តីដែលជាម្ចាស់ អាជីវកម្ម និងការចាប់ផ្តើមអាជីវកម្មរបស់ខ្លួន” ប្រសាសន៍របស់លោកជំទាវកិត្តិបណ្ឌិត អុឹង កន្ថាផាវី រដ្ឋមន្រ្តីក្រសួងកិច្ចការនារី កាលពីថ្ងៃទី០៣ ខែកញ្ញា ឆ្នាំ២០២១ នៅក្នុងពិធីប្រកាសដាក់ឱ្យដំណើរការជាផ្លូវការនូវកម្មវិធីថ្នាលអភិវឌ្ឍន៍អាជីវកម្មមូលដ្ឋាន និងកម្មវិធីបណ្តុះបណ្តាលតាមប្រព័ន្ធអនឡាញស្តីពី “ចំណេះដឹងឌីជីថលនិងហិរញ្ញវត្ថុ ។ កម្មវិធីនេះ រៀបចំឡើងដោយក្រសួងកិច្ចការនារី ក្រោមកិច្ចសហការជាមួយគណៈកម្មាធិការទទួលបន្ទុកសេដ្ឋកិច្ចនិងសង្គមសម្រាប់អាស៊ី និងប៉ាស៊ីហ្វិក របស់អង្គការសហប្រជាជាតិ (UNESCAP) United Nations ESCAP ក្នុងភាពជាដៃគូជាមួយសហគ្រាសសង្គម ស៊ី អ៊ិនវេសមិន ក្នុងគោលបំណងអភិវឌ្ឍន៍ជំនាញដល់សហគ្រិននិងអាជីវករស្ត្រី ចំនួន១២៦នាក់ ទាំងនៅជនបទ និងទីប្រជ៉ំជន ។ #WEDC #women_enterpreneurship #Digital #Financial #Training #Incubator #MoWA, #UNESCAP, #SHEInvestments

ថ្ងៃទី៣១ ខែមីនា ឆ្នាំ២០១៧ នៅទីស្តីការក្រសួង លោកជំទាវវេជ្ជ. អ៊ឹង កន្ថាផាវី រដ្ឋមន្ត្រីក្រសួងកិច្ចការនារី បានអនុញ្ញាតឱ្យលោក ​ SUGANO Yuichi (ស៊ុហ្កាណុ យូអ៊ីជី) ប្រធានចូលកាន់តំណែងថ្មី ទីភ្នាក់ងារសហប្រតិបត្តិការអន្តរជាតិជប៉ុន JICA ចូលជួបសម្តែងការគួរសមនិងពិភាក្សាការងារ។ លោកជំទាវរដ្ឋមន្ត្រី បានស្វាគមន៍ការកាន់តំណែងរបស់ លោក SUGANO Yuichi ក្នុងនាមជាប្រធានថ្មី និងកោតសសើរកិច្ចសហការរវាងក្រសួងកិច្ចការនារី និងទីភ្នាក់ងារ JICA កន្លងមក។ លោក SUGANO Yuichi បានថ្លែងអំណរគុណចំពោះ លោកជំទាវរដ្ឋមន្ត្រី ដែលបានអនុញ្ញាតឱ្យលោកចូលជួបសម្តែងការគួរសម និងវាយតម្លៃខ្ពស់ដល់កិច្ចសហការការងាររវាងទីភ្នាក់ងារ JICA និងក្រសួងកិច្ចការនារីកន្លងមក និងសំណូមពររក្សាកិច្ចសហប្រតិបត្តិការដ៏ល្អនេះបន្តទៀត។  

លោកជំទាវវេជ្ជ. អុឹង កន្ថាផាវី រដ្ឋមន្រ្តី ក្រសួងកិច្ចការនារី បានអនុញ្ញាតជូន ឯកឧត្តម Ermemegildo Kupa Lopes អគ្គរដ្ឋទូត នៃប្រទេសទីម័រខាងកើត ចូលសម្តែងការគួរសម កាលពី ថ្ងៃ ៣រោច ខែអាសាឍ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី៨ ខែកក្កដា ឆ្នាំ២០២០ នៅទីស្តីការក្រសួងកិច្ចការនារី ។ ឯកឧត្តមអគ្គរដ្ឋទូតបានរំលឹកពីស្មាដៃរបស់ លោកជំទាវរដ្ឋមន្រ្តីក្នុងភាពជាអ្នកដឹកនាំ ដើម្បីកែប្រែស្ថានភាពស្រ្តីនៅប្រទេសកម្ពុជា ដើម្បីសម្រេចបានសមភាពយេនឌ័រ។ ឯកឧត្តមអគ្គរដ្ឋទូត បានលើកឡើងពីប្រវត្តិសាស្រ្តនៃការទាមទារឯករាជ្យរបស់ប្រទេសទីម័រខាងកើត និងការអភិវឌ្ឍន៍ប្រទេសឱ្យឈានទៅមុខជាបន្តបន្ទាប់ ជាមួយគ្នានេះដែរ ឯកឧត្តមអគ្គរដ្ឋទូតមានប្រសាសន៍កោតសរសើរពីវីរៈភាព និងការដឹកនាំប្រទេសកម្ពុជា ឱ្យសម្រេចបានវឌ្ឍនភាព និងរក្សាសន្តិភាព សន្តិសុខ របស់សម្តេចអគ្គមហាសេនាបតី តេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា។ ព្រមទាំង រាជរដ្ឋាភិបាលកម្ពុជាក៏បានខិតខំប្រឹងប្រែង ទប់ស្កាត់ការឆ្លងរីករាលដាលរបស់វីរុសកូវីដ១៩ បានយ៉ាងល្អ។​ លោកជំទាវរដ្ឋមន្រ្តី ក៏មានថ្លែងអំណរគុណចំពោះការលើកឡើងរបស់ឯកឧត្តមអគ្គរដ្ឋទូត។ លោកជំទាវបានមានប្រសាសន៍ថា ប្រទេសកម្ពុជាក៏ធ្លាប់ឆ្លងកាត់សង្រ្គាមស៊ីវិល ។ សព្វថ្ងៃ ប្រទេសកម្ពុជាមានសន្តិភាព…

ព្រឹកថ្ងៃអង្គារ ៣កើត ខែអាសាឍ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី២៣ ខែមិថុនា ឆ្នាំ២០២០ នាយកដ្ឋានអភិវឌ្ឍន៍សេដ្ឋកិច្ច នៃក្រសួងកិច្ចការនារី បានរៀបចំកិច្ចប្រជុំពិភាក្សាស្តីអំពី កិច្ចសហប្រតិបត្តិការ ដោះស្រាយបញ្ហាប្រឈមរបស់កម្មករជាស្រ្តី និងការទទួលបានការងារសមរម្យ ក្រោមការអញ្ជើញចូលរួមពីលោកស្រី សុត ស៊ីថុន អគ្គនាយករង អគ្គនាយកដ្ឋានសមភាពយេនឌ័រ និងអភិវឌ្ឍន៏សេដ្ឋកិច្ច លោក នួន វាសនា អ្នកគ្រប់គ្រងប្រចាំប្រទេសកម្ពុជានៃអង្គការអាហ្វីដា ព្រមទាំងសហជីពជាដៃគូ ។ កិច្ចប្រជុំនេះមានគោលបំណងពិភាក្សាជាមួយសមាគមសហជីពទាំងបី ដែលជាដៃគូអនុវត្តន៍គម្រោង (សហជីពកម្មករចំណីអាហារ សហព័ន្ធសហជីពកម្មករសំណង់ និងព្រៃឈើ សហព័ន្ធសហជីពកម្មករចំណីអាហារ និងសេវាកម្មកម្ពុជា) ក្នុងការបន្ស៊ីផែនការសកម្មភាពការងារគម្រោង និងរៀបចំយុទ្ធសាស្រ្ត ក្នុងការអនុវត្តគម្រោងក្នុងអំឡុង និងក្រោយពេលមានវិបត្តិកូវីត១៩ ។