សេចក្តីជូនដំណឹងស្តីពីនីតិវិធី និងវិញ្ញាសាសម្រាប់ប្រឡងជ្រើសរើសមន្ត្រីចូលបំរើការងារក្នុងក្របខ័ណ្ឌក្រសួងកិច្ចការនារី សម្រាប់ឆ្នាំ២០១៧

លោកជំទាវ គឹម ស៊ីផាត់ រដ្ឋលេខាធិការក្រសួងកិច្ចការនារី និងជាតំណាងដ៏ខ្ពង់ខ្ពស់លោកជំទាវវេជ្ជ. អ៊ឹង កន្ថាផាវី រដ្ឋមន្រ្តីក្រសួងកិច្ចការនារី បានអញ្ជើញជាអធិបតី និងដឹកនាំកិច្ចប្រជុំប្រចាំឆ្នាំក្រុមការងារបញ្ជ្រាបយេនឌ័រ ក្រសួង ស្ថាប័ន ការលើកកម្ពស់ការបញ្រ្ជាបយេនឌ័រ និងការបង្កើនភាពអង់អាចដល់ស្រ្តីតាមវិស័យ ដែលមានសមាសភាពចូលរួមពី ថ្នាក់ដឹកនាំ និងថ្នាក់នាយកដ្ឋាននៃក្រសួងកិច្ចការនារី ថ្នាក់ដឹកនាំអគ្គលេខាធិការដ្ឋានអចិន្ត្រៃយ៍នៃក្រុមប្រឹក្សាជាតិកម្ពុជាដើម្បីស្ត្រី ថ្នាក់ដឹកនាំ និងក្រុមការងារបញ្ជ្រាបយេនឌ័រ តាមក្រសួងស្ថាប័ន សរុបចំនួន៩៦នាក់ ។ កិច្ចប្រជុំនេះមានគោលបំណងពិនិត្យលើវឌ្ឍនភាពសំខាន់ៗ ចែករំលែកពត៌មាន មេរៀនបទពិសោធន៍ បញ្ហាប្រឈមព្រមទាំងកំណត់រកអភិក្រមគន្លឹះៗ និងទិសដៅបន្តក្នុងការអនុវត្តការលើកកម្ពស់សមភាពយេនឌ័រ នៅតាមវិស័យ ឱ្យកាន់តែមានប្រសិទ្ធភាព លទ្ធផលរំពឹងទុកដែលកើតចេញពីកិច្ចប្រជុំដែលមានរយៈពេលពីរថ្ងៃ ដូចជា៖ (១)ទទូលបាននូវព័ត៌មានបច្ចុប្បន្នភាពនៃគោលនយោបាយ និងនិន្នាការគាំទ្រការបញ្រ្ជាបយេនឌ័រនៅកម្រិតសកល និងកម្រិតជាតិ (២)ទទួលបានអំពីព័ត៌មានពីវឌ្ឍនភាព មេរៀនបទពិសោធន៍ និងកាលានុវត្តភាពក្នុងការអនុវត្តការបញ្រ្ជាបយេនឌ័ររបស់ក្រសួងស្ថានប័ន (៣)ទទួលបាននូវធាតុចូលលើកប្រធានបទសម្រាប់អបអរសាទខួប លើកទី១០៩ ទិវាអន្តរជាតិនារី៨មីនាឆ្នាំ២០២០ (៤)ទទួលបានព័ត៌មានគន្លឹះៗសម្រាប់លើកទិសដៅបន្តក្នុងការអនុត្តការលើកកម្ពស់សមភាពយេនឌ័រ និងបង្កើតភាពអង់អាចដល់ស្រ្តី តាមវិស័យរបស់ក្រសួង ស្ថានប័ន ។ កិច្ចប្រជុំនេះធ្វើឡើង នាព្រឹកថ្ងៃទី២៣ ខែធ្នូ ឆ្នាំ២០១៩ នៅសណ្ឋាគារភ្នំពេញ ។

លោកជំទាវ ខេង សំវ៉ាដា រដ្ឋលេខាធិការ ក្រសួងកិច្ចការនារី តំណាងដ៏ខ្ពង់ខ្ពស់លោកជំទាវកិត្តិបណ្ឌិតរដ្ឋមន្ត្រី នៅរសៀលថ្ងៃទី៨ ខែវិច្ឆិកា ឆ្នាំ២០២២ បានដឹកនាំគណៈប្រតិភូរបស់ក្រសួង អញ្ជើញចូលរួមដាក់កម្រងផ្កាគោរពវិញ្ញាណក្ខន្ធ និងថ្វាយកម្រងផ្កាព្រះបរមរូប “ព្រះបរមរតនកោដ្ឋ” ក្នុងឱកាសអបអរសាទរខួប អនុស្សាវរីយ៍លើកទី៦៩ នៃទិវាបុណ្យឯករាជ្យជាតិ ៩ វិច្ឆិកា និងទិវាកំណើតកងយោធាពលខេមរភូមិន្ទ នៅវិមានឯករាជ្យ និងមណ្ឌលតម្កល់ព្រះបរមរូប រាជធានីភ្នំពេញ៕

លោកជំទាវ ប៊ុន ពុទ្ធី អនុរដ្ឋលេខាធិការក្រសួងកិច្ចការនារី និងជាប្រធានក្រុមការងារ បានដឹកនាំកិច្ចប្រជុំក្រុមតាមដាន និងត្រួតពិនិត្យការអនុវត្តក្រមប្រតិបត្តិសម្រាប់ការរាយការណ៍ អំពើហិង្សាលើស្រ្តី និងមានការចូលរួមពីថ្នាក់ដឹកនាំក្រសួងព័ត៌មាន អ្នកសារព័ត៌មាន និងក្រុមការងារតាមដានអនុវត្តក្រម ។ កិច្ចប្រជុំនេះមានរបៀបវារៈដូចខាងក្រោម៖ ១.ប្រកាសសមាសភាព តួនាទី និងភារកិច្ចរបស់ក្រម ២.បង្ហាញអំពីវឌ្ឍនភាពសំខាន់ៗរបស់ក្រសួងពាក់ព័ន្ធក្រមប្រតិបត្តិ ៣.ផែនការសកម្មភាព ឆ្នាំ២០២០-២០២១ ៤.យន្តការ និងរបៀបរបបការងាររបស់ក្រុមការងារ និងការតាមដានការអនុវត្តក្រម ។ នៅទីស្តីការក្រសួងកិច្ចការនារី ព្រឹកថ្ងៃអង្គារ ៣រោច ខែស្រាពណ៍ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី១១ ខែសីហា ឆ្នាំ២០២០ ។

នៅថ្ងៃទី០៩ ខែកក្កដា ឆ្នាំ២០២១ លេខាធិការដ្ឋាននៃក្រុមការងារបច្ចេកទេសស្តីពីស្ត្រីក្នុងភាពជាអ្នកដឹកនាំ និងអភិបាលកិច្ច នៃក្រសួងកិច្ចការនារី បានរៀបចំ កិច្ចប្រជុំក្រុមការងារបច្ចេកទេសស្តីពីស្ត្រីក្នុងភាពជាអ្នកដឹកនាំ និងអភិបាលកិច្ច ដោយអនុវត្តតាមគន្លងថ្មី តាមប្រព័ន្ធអនឡាញ (Zoom) ក្រោមអធិបតីភាពលោកជំទាវ គឹម ស៊ីផាត់ រដ្ឋលេខាធិការ ក្រសួងកិច្ចការនារី ក្នុងគោលបំណងដើម្បីចែករំលែកវឌ្ឍនភាព បញ្ហាប្រឈមដែលបានអនុវត្តកន្លងមក និងទិសដៅទៅមុខ ក្នុងការលើកកម្ពស់ ស្រ្តីក្នុងថ្នាក់ធ្វើសេចក្តីសម្រេច និងលើកកម្ពស់សមភាពយេនឌ័រ ក្នុងដំណើរការអភិបាលកិច្ច។ កិច្ចប្រជុំបានលើកយករបៀបវារៈសំខាន់ៗរួមមាន៖ ១).វឌ្ឍនភាពការងារដែលបានអនុវត្តកន្លងមក ២).ចែករំលែកពីស្ថានភាព និងដំណើរការរៀបចំកម្មវិធីជាតិកំណែទម្រង់រដ្ឋបាលសាធារណៈ២០១៩-២០៣០។ ៣).ស្ថានភាព និងជំហានបន្ទាប់ ក្នុងការអនុវត្ត ផែនការក្របខណ្ឌក្នុងការជ្រើសរើសមន្រ្តីរាជការស៊ីវិលជាស្រ្តី តាមក្រសួង ស្ថាប័នពី ២០%-៥០%។ ៤). បង្ហាញឧបករណ៍និងប្រមូលធាតុចូលលើសេចក្តីព្រាងផែនទីបង្ហាញផ្លូវស្តីពីតម្រូវការនិងកម្មវិធីអភិវឌ្ឍន៍សមត្ថភាពស្រ្តីក្នុងភាពជាអ្នកដឹកនាំ ។ សមាសភាពដែលអញ្ជើញចូមរួមកិច្ចប្រជុំរួមមានប្រធាន អនុប្រធាន សមាជិក សមាជិកា នៃក្រុមការងារបច្ចេកទេសស្តីពីស្ត្រីក្នុងភាពជាអ្នកដឹកនាំ និងអភិបាលកិច្ចក្នុងក្រុមការងារបច្ចេកទេសយេនឌ័រ (TWGG) សរុបប្រមាណ៣៤រូប ស្រី២៧រូប បុរស ៧រូប ។

វគ្គបណ្តុះបណ្តាល រយៈពេលបីថ្ងៃ ដល់ជនបង្គោលថ្នាក់តំបន់ស្តីពីការជួញដូរមនុស្ស រៀបចំដោយនាយកដ្ឋានការពារផ្លូវច្បាប់ នៃក្រសួងកិច្ចការនារី(កកន) បានចាប់ផ្តើមបើកកាលពីថ្ងៃចន្ទ ទី១៤ ខែសីហា ឆ្នាំ២០១៧ នៅមន្ទីរកិច្ចការនារី ខេត្តស្វាយរៀង។ វគ្គបណ្តុះបណ្តាលនេះប្រារព្ធធ្វើក្រោមអធិបតីភាព លោកជំទាវ សាន្ត អរុណ រដ្ឋលេខាធិការ ក្រសួងកិច្ចការនារី លោកជំទាវ ពៅ សុភាព អភិបាលរងនៃគណៈអភិបាលខេត្តស្វាយរៀង លោកស្រី ភួង សារី ប្រធានមន្ទីរកិច្ចការនារី ខេត្តស្វាយរៀង។ ក្នុងវគ្គសិក្សានេះមានសិក្ខាកាមចូលរួម ៤២នាក់ (ប្រុស៥នាក់) សុទ្ធតែជាមន្រ្តីបង្គោលថ្នាក់ក្រោមជាតិមកពីមន្ទីរកិច្ចការនារីចំនួន៧ មានខេត្តកំពង់ចាម ត្បូងឃ្មុំ ព្រៃវែង កំពង់ឆ្នាំង កណ្តាល រាជធានីភ្នំពេញ និងខេត្តស្វាយរៀងជាម្ចាស់ផ្ទះ ក្នុងគោលបំណងដើម្បីបង្កើនសមត្ថភាពមន្ត្រីបង្គោលទាំងនោះអោយមានលទ្ធភាពអាចធ្វើសកម្មភាពថ្នាក់តំបន់ដើម្បីទប់ស្កាត់អំពើជួញដូរមនុស្ស ជាពិសេសការធ្វើចំណាក់ស្រុកអោយកាន់តែមានប្រសិទ្ធិភាពល្អ។ ច្បាប់ស្តីពីការបង្រ្កាបការជួញដូរមនុស្ស និងការធ្វើអាជីវកម្មផ្លូវភេទ ត្រូវបានដាក់អោយប្រើប្រាស់កាលពីឆ្នាំ២០០៨។ អំពើជួញដូរមនុស្សជាអំពើល្មើសច្បាប់ព្រហ្មទណ្ឌ ជនណាដែលលក់ដូរមនុស្សត្រូវផ្តន្ធាទោសដាក់ពន្ធធានាគារពីប្រាំពីរ(៧)ដល់១៥(ដប់ប្រាំ)ឆ្នាំ ប្រសិនជនរងគ្រោះជាអនិតិជនត្រូវដាក់ពន្ធធានាគារពី១៥ឆ្នាំដល់២០ឆ្នាំ។

ថ្ងៃទី ២២ ខែកក្កដា ឆ្នាំ ២០២១ នាយកដ្ឋានសមភាពយេនឌ័របានរៀបចំកិច្ចប្រជុំជាមួយថ្នាក់ដឹកនាំទទួលបន្ទុកតាមប្រព័ន្ធវីដេអូអនឡាញ (Zoom) ដើម្បីពិនិត្យលើវឌ្ឍនភាពការងាររបស់នាយកដ្ឋាន ប្រចាំខែមិថុនា និង​កក្កដា បញ្ហាប្រឈម និងលើកទិសដៅបន្ត។ កិច្ចប្រជុំនេះដឹកនាំដោយ លោកជំទាវ គឹម ស៊ីផាត់ រដ្ឋលេខាធិការក្រសួងកិច្ចការនារី និងមានអ្នកចូលរួមសរុប ១៣នាក់ (ស្រ្តី១០នាក់ បុរស៣នាក់)។ កិច្ចប្រជុំបានពិភាក្សាដោយផ្តោតលើរបៀបវារៈមួយចំនួន ហើយជាលទ្ធផលដែលទទួលបាន៖ ១) ក្រុមការងារ បានរួមគ្នាពិនិត្យលើសកម្មភាពការងារនិងលទ្ធផលសម្រេចបានក្នុងរយៈពេលកន្លងមក, បញ្ហាប្រឈម, និងទិសដៅទៅមុខតាមរយៈឧបករណ៍តាមដានសកម្មភាពរបស់នាយកដ្ឋាន (TRACKING TOOL) ព្រមទាំងទទួលបាននូវអនុសាសន៍ណែនាំគន្លឹះៗដើម្បីអនុវត្តសកម្មភាពបន្តឱ្យកាន់តែមានប្រសិទ្ធភាព ២)ទទួលបាននូវការចែករំលែកព័ត៌មានបច្ចុប្បន្នភាពសំខាន់ៗស្តីពីផែនទីបង្ហាញផ្លូវ និងវិធីសាស្រ្តក្នុងការរៀបចំផែនការសកម្មភាពថវិកាឆ្លើយតបនឹងយេនឌ័រ (Gender Responsive Budgeting) និង៣)ទទួលបាននូវការចែករំលែកព័ត៌មានសង្ខេបពីលទ្ធផលដែលបានមកពីការចូលរួមក្នុងកិច្ចប្រជុំនានារបស់មន្រ្តីនាយកដ្ឋាន ដើម្បីទុកជាចំណេះដឹងបន្ថែម។