វេទិកាពិភាក្សាស្តីពីភាពជាឣ្នកដឹកនាំរបស់ស្រ្តី ក្នុងដំណើរឆ្ពោះទៅកាន់ការឣភិវឌ្ឍប្រកបដោយបរិយាបន្ន

កិច្ចប្រជុំប្រចាំឆ្នាំក្រុមការងារបញ្រ្ជាបយេនឌ័រ ក្រសួង ស្ថាប័ន ក្រោម អធិបតីភាពលោកជំទាវ ឃឹម ចំរើន រដ្ឋលេខាធិការ ក្រសួងកិច្ចការនារី និងមានការចូលរួមពីសំណាក់លោកជំទាវ ឯកឧត្តម លោកស្រី លោក ជាថ្នាក់ដឹកនាំ និងតំណាងក្រុមការងារបញ្រ្ជាបយេនឌ័រ នៃក្រសួង ស្ថាប័នទាំង២៨។ កិច្ចប្រជុំនេះ នឹងប្រព្រឹត្តទៅរយៈពេល២ថ្ងៃ ចាប់ពីថ្ងៃទី២៩-៣០ ខែវិចិ្ឆកា ឆ្នាំ២០១៦ នៅសណ្ឋាគារសុខា (ភ្នំពេញ) ។ កិច្ចប្រជុំនេះរៀបចំឡើងក្នុងគោលបំណងពិនិត្យជារួមអំពីវឌ្ឍនភាព កត្តាប្រឈមមេរៀនជាបទពិសោធន៏ និងដើម្បីស្វែងរកមធ្យោបាយថ្មីៗ ក្នុងការពង្រឹងប្រសិទ្ធភាព ក្នុងការអនុវត្ត ការងារបញ្ជ្រាបយេនឌ័រតាមវិស័យ ។ កម្មវិធីនេះរៀបចំដោយក្រសួង​កិច្ចការនារី និងឧបត្ថម្ភដោយ UN WOMEN ប្រចាំកម្ពុជា។

ខេត្តស្វាយរៀង​​ នាព្រឹកថ្ងៃទី១២ ខែកញ្ញា ឆ្នាំ២០១៧ ផ្នែកនីតិកម្មនៃអគ្គលេខាធិការដ្ឋានអចិន្ត្រៃយ៍ នៃក្រុមប្រឹក្សាជាតិកម្ពុជាដើម្បីស្ត្រី (ក.ជ.ក.ស) បានសម្របសម្រួលរៀបចំវគ្គបណ្តុះបណ្តាល ស្តីពី ការអនុវត្តអនុសញ្ញា ”ការលុបបំបាត់រាល់ទម្រង់នៃការរើសអើងប្រឆាំងនឹងនារីភេទ” (ស៊ី-ដ CEDAW) និងអនុសាសន៍ដ៏ខ្ពង់ខ្ពស់របស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា។ វគ្គបណ្តុះបណ្តាលនេះ ប្រពឹត្តឡើងរយះពេលបីថ្ងៃ ក្រោមអធិបតីភាព លោកជំទាវ ម៉ិញ កុសនី​ រដ្ឋលេខាធិការ ក្រសួងវប្បធម៌និងវិចិត្រសិល្បៈ និងជាសមាជិកា ក.ជ.ក.ស លោកជំទាវ​ ប៊ុនឈិត វាសនា អគ្គលេខាធិការ​នៃអគ្គលេខាធិការដ្ឋានអចិន្ត្រៃយ៍​ ក.ជ.ក.ស និងលោកជំទាវ ពៅ សុភាព អភិបាលរង នៃគណៈអភិបាលខេត្តស្វាយរៀង និងមានសមាសភាពចូលរួមជា ប្រធាន ឬអនុប្រធានមន្ទីរកិច្ចការនារី ផែនការ សុខាភិបាល សង្គមកិច្ច និងអតីតយុទ្ធជន យុវនីតិសម្បទា និងមន្ទីរវប្បធម៌ និងវិចិត្រសិល្បៈ មកពីរាជធានីភ្នំពេញ ខេត្តកណ្តាល ខេត្តតាកែវ ខេត្តព្រៃវែង និងខេត្តស្វាយរៀង ព្រមទាំងកងរាជអាវុធហត្ថ…

វេទិវាកម្រិតខ្ពស់សហគ្រិនភាពស្ត្រី ក្រោមប្រធានបទ «ឱកាស និងដំណោះស្រាយសម្រាប់សហគ្រិនស្ត្រីនៅអាស៊ី និងប៉ាស៊ីហ្វិក» ……………………………. នៅព្រឹកថ្ងៃព្រហស្បតិ៍ ១៤កើត ខែកត្តិក ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី១៨ ខែវិច្ឆិកា ឆ្នាំ២០២១ លោកជំទាវកិត្តិបណ្ឌិត អ៊ឹង កន្ថាផាវី រដ្ឋមន្រ្តីក្រសួងកិច្ចការនារី បានអញ្ជើញចូលរួម វេទិកាកម្រិតខ្ពស់សហគ្រិនភាពស្ត្រីលើប្រធានបទ «ឱកាស និងដំណោះស្រាយសម្រាប់សហគ្រិនស្ត្រីនៅអាស៊ី និងប៉ាស៊ីហ្វិក» ដែលរៀបចំឡើងដោយ គណៈកម្មាធិការទទួលបន្ទុកសេដ្ឋកិច្ចនិង សង្គម សម្រាប់ អាស៊ី និងប៉ាស៊ីហ្វិក របស់អង្គការសហប្រជាជាតិ (UNESCAP) និង អង្គការពលកម្មអន្តរជាតិ (ILO)។ វេទិកាកម្រិតខ្ពស់នេះ ជាកិច្ចសន្ទនារវាងថ្នាក់ដឹកនាំ អ្នកបង្កើតគោលនយោបាយ អ្នកជំនាញ អ្នកតំណាងពីវិស័កឯកជន សហគ្រិនភាពជាស្រ្តីនៅក្នុងតំបន់អាស៊ី-ប៉ាស៊ីហ្វិក ក្នុងគោលបំណងចែករំលែកនូវដំណោះស្រាយប្រកបដោយនវានុវត្តន៍ដើម្បីឆ្លើយតបទៅនឹងឧបសគ្គដែលសហគ្រិនស្ត្រីប្រឈមមុខអំឡុង និងក្រោយពេលបរិបទនៃការរាតត្បាតនៃជំងឺកូវីដ-១៩ ។

នាព្រឹកថ្ងៃសុក្រ ៧កើត ខែចេត្រ ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី៨ ខែមេសា ឆ្នាំ ២០២២ មានការចុះហត្ថលេខាលើអនុស្សារណៈនៃការយោគយល់គ្នារវាងក្រសួងកិច្ចការនារី និងក្រុមហ៊ុន អេ អាយ អេ (ខេមបូឌា) ឡាយហ្វ៍ អ៉ិនសួរេន ម.ក (អេ អាយ អាយ ខេមបូឌា) ក្រោមអធិបតីភាព លោកជំទាវកិត្តិបណ្ឌិត អុឹង កន្ថាផាវី រដ្ឋមន្ត្រីក្រសួងកិច្ចការនារី បានបង្ហាញពីភាពជាដៃគូដ៏សំខាន់រវាងរាជរដ្ឋាភិបាល និងវិស័យឯកជនក្នុងការរួមចំណែកលើកកម្ពស់សមភាពយេនឌ័រ និងសិទ្ធិស្រ្តីនៅក្នុងវិស័យសុខភាព តាមរយៈគម្រោង «លើកកម្ពស់សុខភាព និងហិរញ្ញវត្ថុសម្រាប់ស្រ្តីកម្ពុជា» ក្នុងការប្រយុទ្ធប្រឆាំងនឹងជំងឺមិនឆ្លង ដែលបច្ចុប្បន្ននេះ ជំងឺមិនឆ្លងកំពុងផ្តល់ផលប៉ះពាល់យ៉ាងធ្ងន់ធ្ងរដល់សុខភាព និងជីវភាពរបស់ប្រជាជនលើពិភពលោក និងនៅប្រទេសកម្ពុជា ជាពិសេស ស្ត្រីនិងក្មេងស្រី ។ គម្រោងរយៈពេល ៥ឆ្នាំ ដែលមានពាក្យស្លោកថា “សុខភាពស្ត្រីល្អ កម្ពុជាកាន់តែប្រសើរ” នឹងផ្តល់ អត្ថប្រយោជន៍ផ្ទាល់ដល់ស្ត្រី និងគ្រួសារ ប្រមាណ ៤៨00នាក់ ក្នុង១ឆ្នាំ នៅខេត្តកំពង់ចាម…

កាលពីថ្ងៃពុធ ១កើត ខែពិសាខ ឆ្នាំកុរ ទោស័ក ព.ស ២៥៦៣ ត្រូវនឹងថ្ងៃទី ២២ ខែ មេសា ឆ្នាំ២០២០ លោកជំទាវ​ ខេង សំវ៉ាដា​ រដ្ឋលេខាធិការ​ក្រសួងកិច្ចការនារី និងជាតំណាងកម្ពុជាប្រចាំគណៈកម្មាធិការស្រ្តី អាស៊ាន (ASEAN Committee on Women) បានចូលរួមក្នុងសន្និសីទអន្តរជាតិតាមរយៈ video conference នៅទីស្តីការក្រសួងកិច្ចការនារី ដើម្បីស្វែងយល់ពីលទ្ធផលអង្កេតស្តីពី “ផលប៉ះពាល់ដល់ស្រ្តីដែលបណ្តាលមកពីការរីករាលដាលនៃជំងឺកូវីដ១៩ ក្នុងរយៈពេល១០០ថ្ងៃដំបូងនៅក្នុងតំបន់អាស៊ី-ប៉ាស៊ីហ្វិក” ដែលរៀបចំដោយអង្គការ UNWomen នៅក្នុងប្រទេសចំនួន១៣។ ការអង្កេតនេះធ្វើឡើងក្នុងគោលបំណងស្វែងយល់លក្ខណៈរហ័សនូវផលប៉ះពាល់បន្ទាន់នៃជំងឺកូវីដ១៩ ទៅលើស្រ្តី និងក្មេងស្រី ដែលអាចយក មកប្រើប្រាស់ក្នុងការរៀបចំជាផែនការកាត់បន្ថយនូវផលប៉ះពាល់ទាំងនេះឲ្យបានទាន់ពេលវេលា។ លទ្ធផលគន្លឹះៗ នៃការរកឃើញជាបឋមនេះ បានបង្ហាញដូចខាងក្រោម៖ ១.  ស្រ្តី សន្តិភាព និងសន្តិសុខ (Women, Peace and Security): វិធានការនៃការឆ្លើយតបទៅនឹងជំងឺកូវីដ១៩ ដោយប្រើច្បាប់ដាក់ប្រទេសក្នុងគ្រាមានអាសន្ន ការបិទប្រទេស ការដាក់ប៉ុស្តិយោធាសម្រាប់ការត្រួតពិនិត្យ ការបិទព្រំដែន ការបិទការធ្វើដំណើរ ប្រៀបបាននឹងដាក់ស្រ្តី…

កាលពីថ្ងៃច័ន្ទ ១កើត ខែភទ្របទ ឆ្នាំច សំរឹទ្ធិស័ក ព.ស ២៥៦២ ត្រូវនិងថ្ងៃទី១០ ខែកញ្ញា ឆ្នាំ២០១៨ នាយកដ្ឋានការពារផ្លូវច្បាប់ បានរៀបចំ សិក្ខាសាលាបូកសរុបលទ្ធផលការងារប្រចាំឆ្នាំ២០១៨ និងលើកទិសដៅបន្ត របស់កម្មវិធី ទប់ស្កាត់អំពើជួញដូរមនុស្ស និងការកេងប្រវ័ញ្ចនានា។ សិក្ខាសាលានេះមានរយៈពេល២ថ្ងៃ នៅផ្ទះសំណាក់បុណ្យនី រាជធានីភ្នំពេញ ក្រោមអធិបតីដ៏ខ្ពង់ខ្ពស់លោកជំទាវ សាន្ត អរុណ រដ្ឋលេខាធិការក្រសួងកិច្ចការនារី។ សមាសភាពចូលរួមមាន៖ លោកជំទាវទទួលបន្ទុក លោកជំទាវអគ្គនាយក លោកស្រីអគ្គនាយករងនៃអគ្គនាយកដ្ឋានអភិវឌ្ឍន៍សង្គម នាយកដ្ឋានពាក់ព័ន្ធ មន្រ្តីនៅក្នុងនាយកដ្ឋានការពារផ្លូវច្បាប់ ក្រសួងកិច្ចការនារី ប្រធាន ឬ អនុប្រធាន មន្ទីរកិច្ចការនារិរាជធានី ខេត្តទូទាំង ២៥​ និងប្រធានការិយាល័យកិច្ចការនារីស្រុកចូលរួម សរុបចំនួន៨១នាក់។ សិក្ខាសាលាបូកសរុបលទ្ធផលការងារប្រចាំឆ្នាំ មានគោលបំណង ផ្លាស់ប្តូរបទពិសោធន៍ការងារដែលបានអនុវត្តកន្លងមក រកចំណុចខ្លាំង ចំណុចខ្សោយ និងអនុសាសន៍ដើម្បីកែលំអសម្រាប់អនុវត្តបន្តទៀត។ ជាលទ្ធផល ថ្នាក់ដឹកនាំទទួលបន្ទុក នាយកដ្ឋានពាក់ព័ន្ធ មន្រ្តីនៅក្នុងនាយកដ្ឋានការពារផ្លូវច្បាប់ នៃក្រសួងកិច្ចការនារី ប្រធានឬអនុប្រធានមន្ទីកិច្ចការនារីរាជធានី ខេត្ត ក្រុង សុ្រក ខណ្ឌ…