សារលិខិតជូនពរ សម្តេចកិត្តិព្រឹទ្ធបណ្ឌិត ប៊ុន រ៉ានីហ៊ុនសែន ប្រធានកាកបាទក្រហមកម្ពុជា និងជាប្រធានកិត្តិយសគណៈកម្មាធិការជាតិលើកកម្ពស់សីលធម៌សង្គម តម្លៃស្រ្តី និងគ្រួសារខ្មែរ

ក្រសួងកិច្ចការនារីគាំទ្រយ៉ាងពេញ​ទំហឹង​ក្នុងការបញ្ឈប់អំពើហិង្សាលើស្រ្តីនិងកុមារ។​ យើងចូលរួមទាំងអស់គ្នា​ “Orange the World” ដែលជាថ្ងៃអន្តរជាតិលុបបំបាត់អំពើហិង្សាលើស្រ្តី​ ទិវានេះមានរយៈពេល១៦ថ្ងៃគិតចាប់ពីថ្ងៃទី២៥​ ខែវិច្ឆិកានេះ។​ ពណ៌ទឹកក្រូច គឺបង្ហាញនូវការគាំទ្រ​ ការពារ​ និងបញ្ឈប់អំពើហិង្សាលើស្រ្តីនិងកុមារ។

នៅព្រឹកថ្ងៃអាទិត្យ ១០កើត ខែកត្តិក ឆ្នាំឆ្លូវ ទោស័ក ព.ស.២៥៦៤ ត្រូវនឹងថ្ងៃទី១៤ ខែវិច្ឆិកា ឆ្នាំ២០២១ លោកជំទាវកិត្តិបណ្ឌិត អុឹង កន្ថាផាវី រដ្ឋមន្រ្តីក្រសួងកិច្ចការនារី អញ្ជើញចូលរួមបើកវិញ្ញាសារប្រឡងក្នុងកម្មវិធីជ្រើសរើសមន្ត្រីរាជការសុីវិលក្របខ័ណ្ឌក្រសួងកិច្ចការនារី ឆ្នាំ២០២១ ក្នុងនោះដែរក៏មានការអញ្ជើញចូលរួមពីថ្នាក់ដឹកនាំក្រសួងមុខងារសាធារណៈ និងអង្គភាពប្រឆាំងអំពើពុករលួយ(ACU) កម្មវិធីប្រឡងធ្វើឡើងនៅវិទ្យាស្ថានជាតិពាណិជ្ជសាស្ត្រ។

ក្រសួងកិច្ចការនារី បានធ្វើតេស្តរហ័សលើកទីពីរជូន លោកជំទាវ ឯកឧត្តមថ្នាក់ដឹកនាំ និងមន្រ្តីរាជការ ចំនួនប្រមាណ ៣០០នាក់ ។ ព្រឹត្តិការណ៍នេះរៀបចំដោយនាយកដ្ឋានរដ្ឋបាលបុគ្គលិក សហការជាមួយនាយកដ្ឋានស្រ្តី និងសុខភាព ដឹកនាំដោយ ឯកឧត្តម ម៉ី ហ៊ុល អនុរដ្ឋលេខាធិការ និងជាប្រធានគណៈកម្មាធិការប្រយុទ្ធប្រឆាំង និងទប់ស្កាត់វីរុសកូវីដ-១៩ របស់ក្រសួងកិច្ចការនារី ។ ពេលធ្វើតេស្ត មន្រ្តីគ្រប់រូបបានគោរពតាមគោលការណ៍ ៣កុំ (កុំជួបជុំគ្នា កុំចូលកន្លែងបិទជិត កុំនៅជិតគា្ន ឬចាប់ដៃគ្នា) ៣ការពារ (ពាក់ម៉ាស់ អនាម័យនឹងអាកុល រក្សាគម្លាត) បានយ៉ាងខ្ជាប់ខ្ជូន ។ ថ្ងៃចន្ទ ១៥កើត ខែស្រាពណ៍ ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី ២៣ ខែសីហា ឆ្នាំ ២០២១។

ថ្ងៃអង្គារ ៨កើត ខែស្រាពណ៍ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃ២៨ ខែកក្កដា ឆ្នាំ២០២០ នៅសណ្ឋាគារកាំបូឌីយ៉ាណា ក្រសួងកិច្ចការនារី ក្រោមជំនួយពីរដ្ឋាភិបាលអូស្តា្រលី តាមរយៈកម្មវិធី ACCESS បានរៀបចំកិច្ចប្រជុំប្រចាំត្រីមាសលើកទី៣ ជាមួយអង្គការដៃអនុវត្តផ្នែកអំពើហិង្សាទាក់ទងនឹងយេនឌ័រ  ដឹកនាំនិងសម្របសម្រួលដោយលោកជំទាវ ញាណ សុចិត្រា អគ្គនាយក  នៃអគ្គនាយកដ្ឋានអភិវឌ្ឍន៍សង្គម ក្រសួងកិច្ចការនារី។  សមាសភាពចូលរួមក្រៅអំពីស្ថាប័នដៃគូអនុវត្ត ក៏មានតំណាងក្រសួងមហាផ្ទៃ ក្រសួងសេដ្ឋកិច្ច និងហិរញ្ញវត្ថុ  ក្រសួងសង្គមកិច្ច អតីតយុទ្ធជន និងយុវនីតិសម្បទា ក្រុមប្រឹក្សាសកម្មភាពជនពិការ  ព្រមទាំងតំណាងមកមន្ទីរកិច្ចការនារីដែលជាខេត្តគោលដៅ  ទាំង៣ខេត្ត សរុប ៣៨ នាក់ ស្រ្តីមាន២៤នាក់ ។ អង្គប្រជុំទាំងមូលបានបង្ហាញដំណើរការរីកចម្រើននៃការអនុវត្តការងារក្នុងការឆ្លើយតបទៅនឹងអំពើហិង្សាទាក់ទងនឹងយេនឌ័រតាមខេត្ត និងស្រុកគោលដៅរបស់ខ្លួន ព្រមទាំងបានលើកឡើងម្តងទៀតពីការប្រឈមដែលបណ្តាលមកពីការរីករាលដាលនៃជំងឺកូវីត ១៩ ធ្វើឱ្យសកម្មភាពមួយចំនួនត្រូវបានពន្យារពេលអនុវត្ត។ ទោះយ៉ាណាងក៏ដោយ លោកជំទាវប្រធានអង្គប្រជុំបានសាទរចំពោះកិច្ចខិតខំប្រឹងប្រែងរបស់ដៃគូរទាំងអស់ ដែលបានសហការគ្នាក្នុងការផលិតសម្ភារៈអប់រំ ទប់ស្កាត់កូវីត១៩  ព្រមទាំងបានផ្សព្វផ្សាយពីសេវាឆ្លើយតបអំពើហិង្សានៅតាមបណ្តាខេត្តគោលដៅរបស់ខ្លួន ។

កាលពីថ្ងៃអង្គារ ២រោច ខែមិគសិរ ឆ្នាំឆ្លូវ ត្រីស័ក ព.ស២៥៦៥ ត្រូវនឹងថ្ងៃទី២០ ខែធ្នូ ឆ្នាំ២០២១ លោកជំទាវកិត្តិសង្គហបណ្ឌិត ម៉ែន សំអន ឧបនាយករដ្ឋមន្ត្រី រដ្ឋមន្ត្រី ក្រសួងទំទាក់ទំនងជាមួយ រដ្ឋសភា ព្រឹទ្ធសភានិងអធិការកិច្ច បានអញ្ជើញជាអធិបតី ដ៏ខ្ពង់ខ្ពស់ក្នុងឱកាសបិទសន្និបាតបូកសរុបលទ្ធផលការងារ ឆ្នាំ២០២១ និងលើកទិសដៅឆ្នាំ២០២២ របស់ក្រសួងកិច្ចការនារី ។ នៅក្នុងពិធីបិទ, លោកជំទាវ កិត្តិបណ្ឌិត អុឹង កន្ថាផាវី រដ្ឋមន្រ្តីក្រសួងកិច្ចការនារី បានរាយការណ៍ដោយសង្ខេបជូនលោកជំទាវកិត្តិសង្គហបណ្ឌិត ឧបនាយករដ្ឋមន្ត្រី និងអង្គពិធី អំពីលទ្ធផលនៃសន្និបាតដែលបានប្រព្រឹត្តទៅរយៈពេល២ថ្ងៃ។ នៅក្នុងប្រសាសន៍សំណេះសំណាលនិងសុន្ទរកថាបិទ, លោកជំទាវកិត្តិសង្គហបណ្ឌិត ម៉ែន សំអន បានលើកឡើងថា លោកជំទាវពិតជាមានសេចក្តីសោមនស្សរីករាយ ដោយឃើញលទ្ធផលការងារដែលអនុវត្តដោយក្រសួងកិច្ចការនារី ជាផ្លែផ្កានៅតែបន្ត និងដោយមានកិច្ចសហការជាមួយក្រសួង-ស្ថាប័ន និងដៃគូពាក់ព័ន្ធនានា បើទោះបីជានៅឆ្នាំ២០២០-២០២១កន្លងមក ជំងឺកូវីដ-១៩ នៅបន្តរីករាលដាលនៅកម្ពុជា ក៏ដូចជាជាសកល ប៉ុន្តែយើងនៅតែរក្សាបាននូវនិរន្តភាពនៃការអនុវត្តការងាររបស់យើង ជាពិសេសការផ្តល់សេវាឆ្លើយតបពហុវិស័យចំពោះអំពើហិង្សាទាក់ទងនឹងយេនឌ័រ តាមអនឡាញ និង ការផ្លាស់ប្តូររបៀបធ្វើការងារតាមបែបគន្លងថ្មី។ លោកជំទាវក៏បានស្នើឱ្យក្រសួងកិច្ចការនារីបន្តការពង្រឹង និងពង្រីកកិច្ចសហការដ៏ល្អប្រពៃជាបន្តទៀតជាមួយដៃគូអភិវឌ្ឍន៍នានា ក្នុងការអនុវត្តសកម្មភាពរបស់ក្រសួង…

នារសៀលថ្ងៃពុធ ៥កើត ខែចេត្រ ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី០៦ ខែមេសា ឆ្នាំ២០២២ នៅទីស្តីការក្រសួងកិច្ចការនារី លោកជំទាវកិត្តិបណ្ឌិត អុឹង កន្ថាផាវី រដ្ឋមន្រ្តីក្រសួងកិច្ចការនារី ដឹកនាំក្រុមការងារក្រសួង ទទួលជួបពិភាក្សាការងារជាមួយប្រធានអង្គការការពារជំងឺទឹកនោមផ្អែម និងជំងឺមហារីក សរុបចំនួន ៦នាក់ (ស្រ្តី៣នាក់) ក្នុងគោលបំណងពិនិត្យមើ់លលទ្ធភាពកិច្ចសហការជាដៃគូ ដើម្បីផ្តល់សារអប់រំឱ្យប្រជាជនកម្ពុជារស់នៅមានសុខភាពល្អ និងជៀសវាងពីផលវិបាកនៃជំងឺទឹកនោមផ្អែម និងជំងឺមហារីក ជាពិសេសលើស្រ្តី និងកុមារ។ នាយកប្រតិបត្តិអង្គការ លោកបណ្ឌិត ឃុន សុគ្រីន និងឯកឧត្តមសាស្ត្រាចារ្យមហាបរិញ្ញា ហោ ប៊ុនឡេង ទីប្រឹក្សាជាន់ខ្ពស់ បានរៀបរាប់សង្ខេបពីគោលបំណងរបស់អង្គការការពារជំងឺទឹកនោមផ្អែម និងជំងឺមហារីក ក្នុងការផ្តល់សារអប់រំសុខភាពស្តីពីជំងឺទឹកនោមផ្អែម និងជំងឺមហារីក លើកទឹកចិត្តប្រជាពលរដ្ឋក្នុងការធ្វើតេស្ត ពិនិត្យសុខភាព ផ្លាស់ប្តូរឥរិយាបទរបៀបរស់នៅ និងប្រាប់ពីសេវាព្យាបាល រួមទាំងធ្វើការស្រាវជ្រាវ និងផ្សព្វផ្សាយអំពីជំងឺទឹកនោមផ្អែម និងជំងឺមហារីក។ លោកជំទាវកិត្តិបណ្ឌិតរដ្ឋមន្រ្តី បានលើកឡើងពីកិច្ចគាំទ្រចំពោះការងាររបស់អង្គការ និងក៏បានលើកផងដែរពីក្តីបារម្ភចំពោះជំងឺមិនឆ្លងនេះ ដែលក្រសួងកិច្ចការនារីបានគិតគូរតាំងពីយូរមកហើយដែរ ជាពិសេសគឺតួលេខស្រ្តីបានស្លាប់ដោយជំងឺមិនឆ្លងច្រើនជាងបុរស ។ កន្លងមកក្រសួងកិច្ចការនារីបានអនុវត្តការងារអប់រំផ្សព្វផ្សាយផ្តល់សារដល់ប្រជាជនតាមរយៈការចុះអប់រំនៅសហគមន៍ក្នុងការបង្ការប្រជាជនមិនឲ្យមានជំងឺមិនឆ្លងកាន់តែច្រើនឡើង និងសម្រាលភាពធ្ងន់ធ្ងររបស់អ្នកជំងឺមិនឆ្លង មិនឲ្យធ្លាក់ខ្លួនជាជនមានពិការភាព…