អបអរសាទរព្រះរាជពិធីបុណ្យ អុំទូក បណ្តែតប្រទីប និង សំពះព្រះខែ អកអំបុក ថ្ងៃទី ១៣-១៥ ខែ វិច្ឆិកា ឆ្នាំ ២០១៦

ថ្ងៃពុធ ១២កើត ខែកត្តិក ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី២៨ ខែតុលា ឆ្នាំ២០២០ ក្រសួងកិច្ចការនារី បានធ្វើការប្រគល់សម្ភារៈការពារការរីករាលដាលនៃជំងឺកូវីត-១៩ ដល់អង្គការដៃគូអនុវត្ត មានដូចជាអង្គការកម្ពុជាដើម្បីជួយស្រ្តីមានវិបត្តិ (CWCC) អង្គការជំនួយផ្នែកច្បាប់នៃកម្ពុជា (LAC) និងធីភីអូ កម្ពុជា(TPO) ដែលកំពុងធ្វើការផ្តល់សេវានៅមូលដ្ឋានជូនដល់ស្រ្តីរងគ្រោះដោយអំពើហិង្សាទាក់ទងនឹងយេនឌ័រ ក្រោមជំនួយឧបត្ថម្ភរបស់រាជរដ្ឋាភិបាលអូស្រ្តាលី តាមរយៈកម្មវិធី ACCESS និងមានការចូលរួមពីអង្គការ ដៃគូអនុវត្តផ្សេងៗទៀតសរុបចំនួន ២០នាក់ ។ សម្ភារៈការពារទាំងនោះរួមមាន ទឹកអាល់កុលសម្លាប់មេរោគ ចំនួន ២០០០ដប ម៉ាស់ក្រណាត់ចំនួន       ៤០០០ ផ្ទាំងរូបភាពផ្សព្វផ្សាយព័ត៌មានការការពារកូវីដ-១៩ និងព័ត៌មានសេវាចំនួន ១៥០ និងផ្លិតចំនួន ៧៥ ។ លោកជំទាវញាណ សុចិត្រា អគ្គនាយក នៃអគ្គនាយកដ្ឋានអភិវឌ្ឍន៍សង្គមបានមានប្រសាស៍ថា “នេះជាការបង្ហាញពីភាពជាដៃគូរបស់រដ្ឋាភិបាលកម្ពុជា និងអូស្រ្តាលី  ដែលរួមគ្នាគិតគូដល់ការឆ្លើយតបនឹងតម្រូវការរបស់ស្រ្តីដែលរងគ្រោះដោយអំពើហិង្សា និងដើម្បីធានាថាស្រ្តីមានលទ្ធភាពទទួលបានសេវាGBV ទោះបីស្ថិតក្នុងបរិបទកូវីដ-១៩ក៏ដោយ” ។

នាយកដ្ឋានហិរញ្ញវត្ថុ និងផ្គត់ផ្គង់ ក្រសួងកិច្ចការនារីបានរៀបចំសិក្ខាសាលាស្តីពី “ ការរៀបចំផែនការយុទ្ធសាស្រ្តថវិកាឆ្នាំ ២០២១-២០២៣ និងកិច្ចពិភាក្សាលើសេចក្តីព្រាងថវិកាឆ្នាំ ២០២១ ក្រោមអធិបតីភាពរបស់លោកជំទាវ ខេង សំវ៉ាដា រដ្ឋលេខាធិការ ក្រសួងកិច្ចការនារី កាលពីថ្ងៃទី ២០ និង២១ ខែកក្កដា ឆ្នាំ២០២០ នៅសណ្ឋាគារភ្នំពេញ ។ អ្នកចូលរួមក្នុងសិក្ខាសាលានេះរួមមាន លោកជំទាវ ឯកឧត្តម លោកស្រី លោកជារដ្ឋលេខាធិការ អនុរដ្ឋលេខាធិការ ថ្នាក់អគ្គនាយក ថ្នាក់នាយកដ្ឋាន ថ្នាក់ការិយាល័យ ប្រធានអនុប្រធានមន្ទីរកិច្ចការនារី រាជធានីខេត្ត និងមន្រ្តីជំនាញមកពីគ្រប់អង្គភាពថវិកានៃក្រសួងកិច្ចការនារី ។

សារលិខិតជូនពរ៖ សូមគោរពជូន សម្តេចអគ្គមហាពញាចក្រីកិត្តិព្រឹទ្ធបណ្ឌិត ហេង សំរិន ប្រធានរដ្ឋសភា និងសម្តេចធម្មវិសុទ្ធវង្សា សៅ ទី ហេង សំរិន ជាទីគោរពដ៏ខ្ពង់ខ្ពស់។

ថ្ងៃសុក្រ ១៥កើត ខែជេស្ឋ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី០៥ ខែមិថុនា ឆ្នាំ២០២០ វគ្គបណ្តុះបណ្តាលគ្រូបង្គោលថ្នាក់តំបន់ ស្តីពីបទដ្ឋានអប្បបរមាសម្រាប់ការផ្តល់ប្រឹក្សាជាមូលដ្ឋានដល់ស្រ្តី និងក្មេងស្រីជាជនរងគ្រោះដោយអំពើហិង្សាទាក់ទងនឹងយេនឌ័រ ដល់មន្រ្តី/ ភ្នាក់ងារនគរបាលយុត្តិធម៌ រយៈពេល០៣ថ្ងៃបានបញ្ចប់ទៅតាមការគ្រោងទុក។ ជាលទ្ធផល សិក្ខាកាមបានយល់ដឹងអំពីបទដ្ឋានអប្បបរមាសម្រាប់ការផ្តល់សេវាជាមូលដ្ឋាន ដល់ស្ត្រី និងក្មេងស្រីជាជនរងគ្រោះដោយអំពើហិង្សាដែលទាក់ទងនឹងយេនឌ័រ         និងសិទ្ធ ជាមូលដ្ឋានរបស់ជនរងគ្រោះនៅក្នុងបទដ្ឋានអប្បបរមា និងរបៀបថែទាំខ្លួនឯងក្នុងនាមជា អ្នកផ្តល់សេវា ។ ក្នុងវគ្គបណ្តុះបណ្តាលនេះដែរ  សិក្ខាកាមបានអនុវត្តការសាកល្បងបង្រៀន អំពីមេរៀនបទដ្ឋានអប្បបរមា ដើម្បីពង្រឹងសម្ថភាពរបស់ខ្លួនក្នុងការក្លាយខ្លួនជាអ្នកបណ្តុះបណ្តាលបន្តទៅអ្នកផ្តល់សេវា នៅថ្នាក់ក្រោមជាតិ។ កត់សំគាល់ឃើញថា ក្រោយពីបានចូលរួមវគ្គបណ្តុះបណ្តាលសិក្ខាកាមទទួលបានចំនេះដឹង កើនឡើងប្រមាណ៨០% ។ កម្មវិធីបិទវគ្គបណ្តុះបណ្តាលប្រព្រឹត្តទៅក្រោមអធីបតីភាពលោកជំទាវ ញាណ សុចិត្រា អគ្គនាយក នៃអគ្គនាយកដ្ឋានអភិវឌ្ឍន៍សង្គម ដោយមានការចែកជូនវិញ្ញាបនបត្របញ្ជាក់ ការសិក្សាជូនដល់សិក្ខាកាមទាំង០៨ ខេត្ត សរុប២៥នាក់ ប្រុស០៦នាក់។

លោកជំទាវកិត្តិបណ្ឌិត រដ្ឋមន្រ្តីក្រសួងកិច្ចការនារី អនុប្រធានគណៈកម្មាធិការជាតិប្រយុទ្ធប្រឆាំងអំពើជួញដូរមនុស្ស(គ.ជ.ប.ជ) និងជាប្រធានក្រុមការងារសហប្រតិបត្តិការអន្តរជាតិ នៃ គ.ជ.ប.ជ បានចូលរួមកម្មវិធីផ្សព្វផ្សាយរបាយការណ៍ជាតិការងារប្រយុទ្ធប្រឆាំងអំពើជួញដូរមនុស្សឆ្នាំ២០២១ និងទិសដៅបន្តឆ្នាំ២០២២ ក្រោមអធិបតីភាពដ៏ខ្ពង់ខ្ពស់របស់សម្តេចក្រឡាហោម ស ខេង ឧបនាយករដ្ឋមន្ត្រីរដ្ឋមន្ត្រីក្រសួងមហាផ្ទៃ និងជាប្រធានគណកម្មាធិការជាតិប្រយុទ្ធប្រឆាំងអំពើជួញដូរមនុស្ស។ នាក្នុងឱកាសនោះ សម្តេចក្រឡាហោម បានថ្លែងកោតសរសើរ ចំពោះកិច្ចខិតខំប្រឹងប្រែងកន្លងមករបស់ក្រុមការងារនៃរាជរដ្ឋាភិបាលកម្ពុជា ក្នុងកិច្ចសហការយ៉ាងល្អជាមួយអង្គការដៃគូរជាតិ និងអន្តរជាតិ ទោះបីក្នុងអំឡុងពេលនៃការរីករាលដាលនៃជំងឺកូវីដ-១៩ ដោយសម្រេចបានលទ្ធផលគួរឱ្យកត់សម្គាល់។ សម្តេចក្រឡាហោម ក៏បានផ្តាំផ្ញើឲ្យក្រុមការងារទាំងអស់ប្រឹងប្រែងក្នុងការបំពេញភារកិច្ចតាមផ្នែកនៃក្រុមការងារនីមួយៗដើម្បីឲ្យកម្ពុជាទទួលបានកេរ្តិ៍ឈ្មោះល្អក្នុងឆាកអន្តរជាតិក្នុងការប្រយុទ្ធប្រឆាំងអំពើជួញដូរមនុស្សផងដែរ។ ជាកិច្ចបញ្ចប់នៃកម្មវិធីមានការប្រគល់បណ្ណសរសើរដល់ប្រធានក្រុមការងារទាំង៦ និងតំណាង នៃគណៈកម្មាធិការជាតិ រាជធានី-ខេត្តគម្រូ តំណាងអង្គការជាដៃគូ ដែលកន្លងមកដែលមានស្នាដៃល្អបានចូលរួមក្នុងការប្រយុទ្ធប្រឆាំងអំពើជួញដូរមនុស្សនាពេលកន្លងមក។

កាលពីថ្ងៃទី២៤ ខែកញ្ញា ឆ្នាំ២០២០ ក្រុមការងារបង្កើនភាពអង់អាចផ្នែកសេដ្ឋកិច្ច ដល់​ស្រ្តីរបស់ក្រសួងកិច្ចការនារី បានជួបពិភាក្សាជាមួយក្រុមហ៊ុន Ocean Technology Co., Ltd ដើម្បីពិភាក្សានិងស្វែងរកលទ្ធភាពរៀបចំកម្មវិធីជំរុញ និងគាំទ្រដល់ស្រ្តីនៅ​តាម​សហគមន៍ ក្នុងការពង្រីកសក្តានុពលអាជីវកម្មរបស់ខ្លួន នៅក្នុងក្របខណ្ឌ​ពាណិជ្ជកម្មតាមប្រព័ន្ធអេឡិចត្រូនិក (E-Commerce) ប្រកបដោយបរិយាបន្ន។ កិច្ចការនេះ ជាកម្មវិធីមួយនៃគំនិតផ្តួចផ្តើមដែលមានកំណត់​ក្នុងផែនការយុទ្ធសាស្រ្ត​នារីរតនៈទី៥ (២០១៩-២០២៣) លើការពង្រឹងភាពអង់អាចផ្នែកសេដ្ឋកិច្ចដល់ស្រ្តី (WEE) តាមរយៈប្រព័ន្ធឌីជីថល និងឆ្លើយតបនឹងបរិបទនៃការរីរាលដាល​នៃជំងីកូវីដ-១៩។ កម្មវិធីម្ភោធជាផ្លូវការ នឹងប្រព្រឹត្តណ៍ទៅ នាពេលខាងមុខឆាប់ៗនេះ!