លិខិតថ្លែងអំណរគុណនិងសាទរចំពោះលិខិតថ្លែងការណ៍លេខពិសេសរបស់ក្រសួងកិច្ចការនារី កាលពីថ្ងៃទី ១៧ ខែ សីហា ឆ្នាំ២០១៧ (សូមអានសេចក្តីថ្លែងការណ៍៖ https://demo.mowa.gov.kh/detail/1955)
នៅថ្ងៃពុធ ១៥កើត ខែភទ្របទ ឆ្នាំជូត ទោស័ក ព.ស. ២៥៦៤ ត្រូវនឹងថ្ងៃទី០២ ខែកញ្ញា ឆ្នាំ២០២០ ក្រសួងកិច្ចការនារី សហការជាមួយអង្គការ UNICEF បានដឹកនាំសម្ភារៈសម្រាប់ការពារជំងឺកូវវីត-១៩ និងសម្ភារៈផ្សព្វផ្សាយស្តីពីការចូលរួមទប់ស្កាត់ជំងឺកូវីត-១៩ ការរៀបអាពាហ៍ពិពាហ៍វ័យក្មេង និងការចិញ្ចឹមកូនបែបវិជ្ជមាន ប្រគល់ជូនដល់មន្ទីរកិច្ចការនារីខេត្តមណ្ឌលគិរី ដើម្បីផ្សព្វផ្សាយទៅដល់ស្រ្តីងាយរងគ្រោះ និងសហគមន៍ ។
អបអរសាទរទិវាសេរីភាពសារព័ត៌មានពិភពលោក! World Press Freedom Day 2016 #WPFD2016 ក្នុងឱកាសនៃទិវានេះ ក្រសួងកិច្ចការនារី សូមបង្ហាញការគាំទ្រឲ្យមានការទទួលបានព័ត៌មានស្មើភាពគ្នារវាងបុរស និងស្ត្រី។ លើសពីនេះក្រសួងសូមគាំទ្របណ្តាញព័ត៌មានដែលមិនរើសអើង និងមិនបន្តរក្សាផ្នត់គំនិតដែលរើសអើងលើស្ត្រី និងក្មេងស្រី។
នាថ្ងៃចន្ទ-អង្គារ ០៦-០៧ រោច ខែស្រាពណ៍ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃ១០-១១ ខែសីហា ឆ្នាំ២០២០ នាយកដ្ឋានអភិវឌ្ឍន៍សេដ្ឋកិច្ចនៃក្រសួងកិច្ចការនារី បានរៀបចំវគ្គបណ្តុះបណ្តាលស្តីពី “ចំណេះដឹងផ្នែកហិរញ្ញវត្ថុសម្រាប់អភិវឌ្ឍន៍សហគ្រិនស្ត្រី” សហការជាមួយធនគារជាតិនៃកម្ពុជា និងគាំទ្រថវិកាដោយ ក្រុមហ៊ុនវីសា ដោយប្រកាសបើកវគ្គក្រោមអធិបតីភាព លោកជំទាវ ច័ន្ទ សូរីយ៍ រដ្ឋលេខាធិការនៃក្រសួងកិច្ចការនារី និងមានការចូលរួមពីសំណាក់ លោកជំទាវ ខាំ សុភាព អភិបាលរងនៃគណៈអភិបាលខេត្តក្រចេះ និងលោក អែម កំណាន់ ប្រធាននាយកដ្ឋាននីតិកម្មតំណាងពីធនាគារជាតិនៃកម្ពុជា ។ វគ្គបណ្តុះបណ្តាលនេះមានរយៈពេលពីរថ្ងៃ ជូនដល់មន្ត្រីក្រសួងកិច្ចការនារី មជ្ឈមណ្ឌលអភិវឌ្ឍន៍ស្ត្រី និងមន្ទីរពាក់ព័ន្ធក្នុងខេត្តចំនួន៨ ក្នុងគោលបំណងបង្កើនចំណេះដឹង អំពីការគ្រប់គ្រងហិរញ្ញវត្ថុ ការប្រើប្រាស់សេវាហិរញ្ញវត្ថុផ្លូវការ និងការប្រើប្រាស់ប្រព័ន្ធឌីជីថលសម្រាប់សេវាកម្មហិរញ្ញវត្ថុ ជាពិសេសជម្រុញឱ្យមានការផ្សព្វផ្សាយបន្តដល់ ស្ត្រីសហគមន៍ ។ វគ្គបណ្តុះបណ្តាលនេះមានអ្នកចូលរួមចំនួន ៤៥នាក់ ស្ត្រីចំនួន ៣៥នាក់ នៅសណ្ឋាគារ លី ជឺ ខេត្តក្រចេះ។
-ប្រច័ណ្ឌគ្មានហេតុផល ពុំមែនជាការបង្ហាញសេចក្តីស្រឡាញ់ ប៉ុន្តែ វាជាការបំពានផ្លូវចិត្ត។ -អំពើហិង្សាក្នុងគ្រួសារមានបួនប្រភេទ៖ អំពើហិង្សាផ្លូវកាយ អំពើហិង្សាផ្លូវចិត្ត អំពើហិង្សាផ្លូវភេទ និង អំពើហិង្សាសេដ្ឋកិច្ច។ -អ្នកប្រព្រឹត្តអំពើហិង្សានឹងទទួលទោសចំពោះមុខច្បាប់ ។ -ដើម្បីមានសុភមង្គលក្នុងគ្រួសារ យើងត្រូវចេះជួយទុក្ខធុរៈគ្នា យល់ចិត្តគ្នា និងស្តាប់ពីតម្រូវការគ្នាទៅវិញទៅមក ។ សូមតាមដានស្តាប់ល្ខោនវិទ្យុរឿង “ផ្កាក្រវ៉ាន់” ។ ដោយមេត្រី! #លោខវិទ្យអប់រំ#អំពើហិង្សាក្នុងគ្រួសារ
លោកជំទាវរដ្ឋមន្រ្តី ជួបពិភាក្សាជាមួយលោកស្រី Barbara Bylenga ប្រធានអង្គការ SHE-CAN ដើម្បីពិភាក្សារកវិធីសាស្រ្តដើម្បីបង្កើនចំនួនក្មេងស្រីប្រលងយកអាហារូបករណ៍ថ្នាក់បរិញ្ញាបត្រទៅសិក្សានៅសហរដ្ឋអាមេរិក។ សូមចុចតំណភ្ជាប់ www.shecan.global ដើម្បីទទួលបានព័ត៌មានពីនីតិវិធី និងដំណើរការនៃការជ្រើសរើសបេក្ខជនសម្រាប់ការប្រលង។
ថ្ងៃទី ២២ ខែកក្កដា ឆ្នាំ ២០២១ នាយកដ្ឋានសមភាពយេនឌ័របានរៀបចំកិច្ចប្រជុំជាមួយថ្នាក់ដឹកនាំទទួលបន្ទុកតាមប្រព័ន្ធវីដេអូអនឡាញ (Zoom) ដើម្បីពិនិត្យលើវឌ្ឍនភាពការងាររបស់នាយកដ្ឋាន ប្រចាំខែមិថុនា និងកក្កដា បញ្ហាប្រឈម និងលើកទិសដៅបន្ត។ កិច្ចប្រជុំនេះដឹកនាំដោយ លោកជំទាវ គឹម ស៊ីផាត់ រដ្ឋលេខាធិការក្រសួងកិច្ចការនារី និងមានអ្នកចូលរួមសរុប ១៣នាក់ (ស្រ្តី១០នាក់ បុរស៣នាក់)។ កិច្ចប្រជុំបានពិភាក្សាដោយផ្តោតលើរបៀបវារៈមួយចំនួន ហើយជាលទ្ធផលដែលទទួលបាន៖ ១) ក្រុមការងារ បានរួមគ្នាពិនិត្យលើសកម្មភាពការងារនិងលទ្ធផលសម្រេចបានក្នុងរយៈពេលកន្លងមក, បញ្ហាប្រឈម, និងទិសដៅទៅមុខតាមរយៈឧបករណ៍តាមដានសកម្មភាពរបស់នាយកដ្ឋាន (TRACKING TOOL) ព្រមទាំងទទួលបាននូវអនុសាសន៍ណែនាំគន្លឹះៗដើម្បីអនុវត្តសកម្មភាពបន្តឱ្យកាន់តែមានប្រសិទ្ធភាព ២)ទទួលបាននូវការចែករំលែកព័ត៌មានបច្ចុប្បន្នភាពសំខាន់ៗស្តីពីផែនទីបង្ហាញផ្លូវ និងវិធីសាស្រ្តក្នុងការរៀបចំផែនការសកម្មភាពថវិកាឆ្លើយតបនឹងយេនឌ័រ (Gender Responsive Budgeting) និង៣)ទទួលបាននូវការចែករំលែកព័ត៌មានសង្ខេបពីលទ្ធផលដែលបានមកពីការចូលរួមក្នុងកិច្ចប្រជុំនានារបស់មន្រ្តីនាយកដ្ឋាន ដើម្បីទុកជាចំណេះដឹងបន្ថែម។
© 2025 រក្សាសិទ្ធគ្រប់បែបយ៉ាងដោយ ក្រសួងកិច្ចការនារី