គណៈប្រតិភូកម្ពុជាដែលដឹកនាំដោយក្រសួងកិច្ចការនារី

នាថ្ងៃព្រហស្បតិ៍ ៨រោច ខែជេស្ឋ ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី៣ ខែមិថុនា ឆ្នាំ២០២១ លោកជំទាវ ហ៊ូ សាមិត្ត រដ្ឋលេខាធិការនៃក្រសួងកិច្ចការនារី តំណាងដ៏ខ្ពង់ខ្ពស់លោកជំទាវកិត្តិបណ្ឌិត អុឹង កន្ថាផាវី រដ្ឋមន្ត្រីក្រសួងកិច្ចការនារី បានចូលរួមក្នុងពិធីប្រគល់ និងទទួលសម្ភារៈទប់ស្កាត់ជំងឺកូវីដ-១៩ និងឆ្លើយតបអំពើហិង្សាទាក់ទងនឹងយេនឌ័រ តាមរយៈប្រព័ន្ធអនឡាញ ដែលគាំទ្រដោយកម្មវិធី ACCESS ជាមួយឯកឧត្តម លូគ អាណុល អគ្គរាជទូតរង អូស្ត្រាលីប្រចាំនៅកម្ពុជា ហើយដែលមានសមាសភាពចូលរួម មានលោកជំទាវ ទទួលបន្ទុក និងលោកជំទាវ អភិបាលរងខេត្ត លោកជំទាវ ប្រធានគ.ក.ស.ក និងលោកស្រីប្រធានមន្ទីរនៃខេត្តទាំង៦ រួមមានខេត្តសៀមរាប កំពង់ចាម កំពង់ស្ពី រតនគិរី ត្បូងឃ្មុំ និងព្រះសីហនុ។ ឆ្លៀតក្នុងឱកាសនេះផងដែរ លោកជំទាវក៏សូមថ្លែងអំណរគុណយ៉ាងជ្រាលជ្រៅ ដល់ឯកឧត្តម អគ្គរាជទូតរង ក្នុងរយៈពេលបំពេញបេសកកម្មនៅប្រទេសកម្ពុជា ហើយបានរួមចំណែកសហការល្អជាមួយក្រសួងកិច្ចការនារី ក្នុងការអនុវត្តកម្មវិធី ACCESS។ ក្នុងគោលបំណងចូលរួមទប់ស្កាត់ការរីករាលដាលនៃជំងឺកូវីដ-១៩ និងចូលរួមចំណែក និងផ្តល់កិច្ចការពារដល់អ្នកផ្តល់សេវាក្រុមងាយរងគ្រោះពីជំងឺកូវីដ-១៩។

នាព្រឹកថ្ងៃទី០៧ ខែវិច្ឆិកា ឆ្នាំ២០១៩ លោកជំទាវវេជ្ជបណ្ឌិត អុឹង កន្ថាផាវី រដ្ឋមន្រ្តី​ក្រសួង​កិច្ចការនារី ​ដឹក​នាំកិច្ចប្រជុំពិគ្រោះយោបល់លើសេចក្តីព្រាង​គោល​នយោបាយ​ជាតិ ស្តីពីសមភាពយេនឌ័រ និងផែនការយុទ្ធសាស្ត្រ​នារីរតនៈទី៥ ឆ្នាំ២០១៩-២០២៣ ជាមួយ​នឹងប្រធាន អនុប្រធាន និងមន្រ្តីបច្ចេកទេសនៃ​ក្រុមការងារ​យេនឌ័រក្រសួង ស្ថាប័ន​រាជរដ្ឋាភិបាល ក្នុងគោលបំណងប្រមួលធាតុចូលសំខាន់ៗពីគ្រប់ក្រសួង ស្ថាប័ន​ធ ដើម្បីឱ្យឯកសារសេចក្កីព្រាងគោលនយោបាយជាតិ និងផែនការយុទ្ធសាស្រ្ត​នារីរតនៈទី៥ មានលក្ខណៈគ្រប់ជ្រុងជ្រោយ និងអាចអនុវត្តប្រកបដោយ​ប្រសិទ្ធភាព ជាពិសេសបានឆ្លើយតប និងគិតគូរដាក់បញ្ចូលតម្រូវការ និងវិធានការនានា​ពីគ្រប់អ្នក​ពាក់​ព័ន្ធទាំងអស់។

កាលពីថ្ងៃទី ២៩ ខែកក្កដា ឆ្នាំ២០២១ លោកជំទាវ ខេង សំវ៉ាដា រដ្ឋលេខាប្រចាំការនៃក្រសួងកិច្ចការនារី និងជាប្រធាននៃគណៈកម្មាធិការអាស៊ានដើម្បីស្រ្តី បានចូលរួមកិច្ចប្រជុំជាស៊េរី ក្រោមគម្រោង “Russia and ASEAN Women Entrepreneurs Network” តាមរយៈវីដេអូអនឡាញ និងបានថ្លែងសន្ទរកថាបើកកិច្ចប្រជុំដ៏មានអត្ថន័យផងដែរ។ កិច្ចប្រជុំនេះគឺជាកិច្ចប្រជុំដំបូងនៃស៊េរី កិច្ចប្រជុំ Russia and ASEAN Women Entrepreneurs Network ក្នុងគោលបំណង ដើម្បីបង្កើតនូវវេទិកាពហុភាសាតែមួយក្នុងការកំណត់ពីឧបសគ្គនានា សម្រាប់ស្ត្រីដែលជាម្ចាស់សហគ្រាសខ្នាតតូចនិងមធ្យម (MSMEs) នៅក្នុងបណ្តាប្រទេសក្នុងតំបន់អាស៊ាន និងនៅក្នុងប្រទេសរុស្ស៊ី បង្កើនគម្រូអាជីវកម្មល្អៗ ពង្រឹងទំនាក់ទំនងរវាងបណ្តាប្រទេសដែលចូលរួមក្នុងគម្រោង និងអភិវឌ្ឍសក្តានុពលរបស់ស្រ្តីជាម្ចាស់សហគ្រាសខ្នាតតូច និងមធ្យម (MSMEs)។

លោកជំទាវវេជ្ជ. អុឹង កន្ថាផាវី រដ្ឋមន្ត្រីក្រសួងកិច្ចការនារី ថ្វាយព្រះពរ សម្ដេចព្រះមហាក្សតី នរោត្តម មុនិនាថ សីហនុ ព្រះវររាជមាតាជាតិខ្មែរ ក្នុងសេរីភាព សេចក្ដីថ្លៃថ្នូរ និងសុភមង្គល ក្នុងឱកាសដ៏ឧត្តុង្គឧត្តមនៃព្រះរាជពិធីចំរើនព្រះជន្មគម្រប់៨៤ព្រះវស្សា យាងចូល ៨៥ព្រះវស្សា របស់សម្ដេចព្រះមហាក្សត្រីជាទីគោរពសក្ការៈដ៏ខ្ពង់ខ្ពស់បំផុត ។

លោកជំទាវ វេជ្ជ. អឹុង កន្ថាផាវី រដ្ឋមន្រ្តី ក្រសួងកិច្ចការនារី បានចូលរួមជាប្រធានគណៈអធិបតី ដើម្បីផ្តល់ពានរង្វាន់ចំនួនពីរ ដល់បេក្ខជនដែលបានទទួលជ័យលាភី គឺ លោកស្រី ចេន សុភាព ដែលជាស្ថាបនិកកីតម្បាញខ្មែរ ដែលបានប្រព្រឹត្តិទៅនៅថ្ងៃទី ១២ ខែ តុលា ឆ្នាំ២០១៧ នៅមជ្ឈមណ្ឌលសហប្រតិបត្តិការកម្ពុជា-ជប៉ុន (CJCC) ។ លោកស្រី ចេន សុភាព បានទទួលពាន់រង្វាន់ចំនួន ០២ ព្រមគ្នា៖ -ពានង្វាន់ទី១ ទទួលជ័យលាភីក្នុង “វេទិកាកម្ពុជាជជែកដេញដោលពីភាពជាអ្នកដឹកនាំ ក្រោមប្រធានបទ “បុគ្គលិកគ្រប់គ្នានឹងអាចក្លាយជាអ្នកដឹកនាំ ប្រសិនបើស្ថាប័ននីមួយៗមានផ្នែកអភិវឌ្ឍភាពជាអ្នកដឹកនាំដ៏ល្អ” និងពានរង្វាន់ទី២ ទទួលជ័យលាភីក្នុង វេទិកាជជែកដេញដោលពីភាពជាអ្នកដឹកនាំ ក្រោមប្រធានបទ “អ្នកដឹកនាំអស្ចារ្យ គឺជាមនុស្សដែលមានភាពដាក់ខ្លួនអស្ចារ្យ”។ នាឱកាសនោះមានអ្នកចូលរួមក្នុងវេទិកានេះដូចជា លោកជំទាវរដ្ឋលេខាធិការ អនុរដ្ឋលេខាធិការ ក្រសួងកិច្ចការនារី ក្រសួងអប់រំ យុវជន និងកីឡា ឯកឧត្តម លោកឧកញ៉ា អ្នកឧកញ៉ា សហគ្រិនជាស្ត្រីនិងបុរស មកពីបណ្តាស្ថាប័នឯកជន និងសិស្សនិស្សិត សរុបប្រមាណ ២៤០នាក់។

ក្រសួងកិច្ចការនារី រៀបចំពិធីប្រគល់បណ្ណសរសើរ និងឧបត្ថម្ភថវិកាធ្វើដំណើរចូលរួមដល់សិស្សស្រីនិទ្ទេស A ចំនួន ៩៥នាក់ ដែលមកពីវិទ្យាល័យនៅរាជធានីភ្នំពេញ។