សូមចូលរួមបរិច្ចាគឈាមជាមួយយើងខ្ញុំ នៅថ្ងៃអង្គារ ទី៨ ខែវិច្ឆិកា ចាប់ពីម៉ោង៩ព្រឹក នៅទីស្តីការក្រសួងកិច្ចការនារី។

ខេត្ត កំពង់ស្ពឺ៖ នាថ្ងៃទី ៧ ខែ ធ្នូ ឆ្នាំ២០១៦ លោកជំទាវវេជ្ជ. អឹុងកន្ថាផាវី រដ្ឋមន្ត្រីក្រសួងកិច្ចការនារី និង ឯកឧត្តម Naveen Srivastava ឯកអគ្គរដ្ឋទូតនៃសាធារណៈឥណ្ឌា បានអញ្ជើញជាគណៈអធិបតី ក្នុងពិធីបើកសិក្ខាសាលាពិគ្រោះយោបល់ស្តីពី សេវាកម្ម បច្ចេកវិទ្យាព័ត៌មានដើម្បីបង្កើនភាពអង់អាចដល់ស្ត្រី ដោយមានការចូលរួមពី ថ្នាក់ដឹកនាំ និងមន្ត្រីក្រសួងកិច្ចការនារី តំណាងស្ថានទូត តំណាងអភិបាលខេត្ត និងអ្នកពាក់ព័ន្ធក្នុង ដៃគូអភិវឌ្ឍន៍ មន្ត្រីមជ្ឈមណ្ឌលអភិវឌ្ឍន៍ស្ត្រីទាំង១៤ អង្គការសង្គមស៊ីវិល ផ្នែកឯកជន ក្រុមផលិតក្នុងខេត្តកំពង់ស្ពឺ សរុបប្រមាណ ៨០រូប។ សិក្ខាសាលានេះត្រូវបានរៀបចំឡើងក្នុងគោលបំណង ទទួលបានការគាំទ្រនិងអនុសាសន៍ សំខាន់ៗសម្រាប់តំរង់ទិសសម្រាប់មជ្ឈមណ្ឌលព័ត៌មានឱ្យមានដំណើរការប្រកបដោយវឌ្ឍនភាពពីអ្នកពាក់ព័ន្ធនានា។ ក្នុងឱកាសនេះ លោកជំទាវរដ្ឋមន្ត្រី និងឯកឧត្តម ឯកអគ្គរដ្ឋទូត ក៏បានចូលរួមទស្សនាការតាំងបង្ហាញផលិតផលរបស់ក្រុមផលិតជាស្ត្រីរបស់មជ្ឈមណ្ឌលអភិវឌ្ឍន៍ស្ត្រីផងដែរ។ គួរបញ្ជាក់ផងដែរថា ក្រសួងកិច្ចការនារី តាមរយៈ គម្រោង ការពង្រឹងភាពអង់អាចផ្នែក សេដ្ឋកិច្ចដល់ស្ត្រីតាមរយៈបច្ចេកវិទ្យាព័ត៌មាននិងការទំនាក់ទំនង ក្រោមជំនួយ របស់ រដ្ឋាភិបាលនៃសាធារណៈរដ្ឋឥណ្ឌា បានបង្កើតជាមជ្ឈមណ្ឌលផ្តល់ព័ត៌មាន និងសេវា ប្រើប្រាស់កុំព្យូទ៍រ នៅ មជ្ឈមណ្ឌលអភិវឌ្ឍន៍ស្ត្រី សម្តេចម៉ែ…

ថៃ្ងទី១១/១២ ខែតុលាឆ្នាំ២០១៧ កម្មវិធីអំពើទប់ស្កាត់ការជួញដូរមនុស្ស និងការកេងប្រវ័ញ្ចនានាបានរៀបចំធើ្វសិក្ខាសាលាបូកសរុបលទ្ធផលការងារប្រចាំឆ្នាំ២០១៧ និងលើកទិសដៅបន្ត ក្រោមអធិបតីភាពលោកជំទាវ​ ប៊ុន ពុទ្ធី អនុរដ្ឋលេខាធិការក្រសួងកិច្ចការនារី ធ្វើនៅផ្ទះសំណាក់ បុណ្យនី រាជធានីភ្នំពេញ។ សមាសភា្ពចូលរួម៖ ប្រធាន អនុប្រធានមន្ទីរ ប្រធានការិយាល័យ កិច្ចការនារីរាជធានី ខេត្ត និងនាយកដ្ឋានពាក់ពន្ធ័ក្រសួងកិច្ចការនារី ដែលមានចំនួនសរុប៦០នាក់ (ស្រី៥៦នាក់) ក្នុងគោលបំណង ដើម្បីបានដឹងពីចំណុចខ្លាំង ចំណុចខ្សោយ និងផ្លាស់ផ្តូរបទពិសោធន៏ពីគ្នាទៅវិញទៅមក។

កាលពីថ្ងៃទី១៦ ដល់១៨ ខែសីហា ឆ្នាំ២០១៧ ក្រុមប្រឹក្សាជាតិដើម្បីស្ត្រី(ក.ជ.ក.ស) បានរៀបចំ វគ្គបណ្តុះបណ្តាលស្តីពីការអនុវត្តអនុសញ្ញាស៊ី-ដ “ការលុបបំបាត់រាល់ទម្រង់នៃការរើសរើងប្រឆាំងនឹងនារីភេទ” និង អនុសាសន៍ដ៏ខ្ពង់ខ្ពស់របស់សមេ្តចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ក្នុងគោលបំណងជំរុញលើការអនុវត្តអនុសញ្ញា ស៊ី-ដ (CEDAW) អោយមានសង្គតិភាពទៅនឹង ច្បាប់ជាតិនិងគោលនយោបាយនានា របស់រាជរដ្ឋាភិបាល និងដើម្បីពិនិត្យមើលឡើងពិនិត្យមើលឡើងវិញលើភាពខ្វះចន្លោះតាមរយៈរបាយការណ៍ជាតិលើកទី៤ និងទី៥នៃការអនុវត្តអនុសញ្ញា ស៊ី-ដ (CEDAW) នៅប្រទេសកម្ពុជា។ វគ្គបណ្តុះបណ្តាលនេះ ប្រារព្ធឡើងក្រោមអធិបតីភាព លោកជំទាវ តាន់ វួចឆេង រដ្ឋលេខាធិការក្រសួងសុខាភិបាល និងជាសមាជិកា ក.ជ.ក.ស លោកជំទាវ ប៊ុន ឈិតវាសនា អគ្គលេខាធិការ នៃអគ្គលេខាធិការដ្ឋានអចិន្ត្រែយ៍ ក.ជ.ក.ស និងលោកជំទាវ កែវ សាវឿន អភិបាលរងនៃគណៈអភិបាលខេត្តរតនៈគិរី និងមានសមាសភាពចូលរួមសរុប ៦០នាក់ (ប្រុស១៨នាក់) មកពីមន្ទីរពាក់ព័ន្ធចំនួន៥ខេត្តគឺ់ ខេត្តស្ទឹងត្រែង មណ្ឌលគិរី ក្រចេះ ត្បូងឃ្មុំ និងខេត្តរតនៈគិរី ដែលជាខេត្តគោលដៅ។ វគ្គបណ្តុះបណ្តាលនេះ ធ្វើនៅសាលប្រជុំសាលាខេត្តរតនៈគិរី។

កាលពីរសៀលថ្ងៃទី១៥ ខែកញ្ញា ឆ្នាំ២០២១ វេលាម៉ោង ២:៣០រសៀល ក្រសួងកិច្ចការនារី បានរៀបចំកិច្ចប្រជុំក្រុមការងារបច្ចេកទេសយេនឌ័រ (TWG-G) តាមប្រព័ន្ធវីដេអូអនឡាញ (Zoom Meeting) ក្រោមអធិបតីភាពដ៏ខ្ពង់ខ្ពស់ របស់លោកជំទាវកិត្តិបណ្ឌិត អុឹង កន្ថាផាវី រដ្ឋមន្រ្តី ក្រសួងកិច្ចការនារី និងជាប្រធានក្រុមការងារបច្ចេកទេសយេនឌ័រ (TWG-G) និងដោយមានការចូលរួមពីសហសម្របសម្រួលដោយលោកស្រី Sonali Dayaratne, UNDP Deputy Resident Representative និងលោកស្រី Ms. Kamei Haruko, ប្រធាន JICA ប្រចាំនៅកម្ពុជា ព្រមទាំងសមាជិក សមាជិកាពីតំណាងក្រសួង ស្ថាប័ន, ដៃគូអភិវឌ្ឍន៍,អង្គការសង្គមស៊ីវិល និងវិស័យឯកជន សរុបអ្នកចូលរួម១០៥នាក់ (ស្រ្តី៩០ បុរស១៥)។ កិច្ចប្រជុំផ្តោតលើ៖ របៀបវារៈទី១៖ បង្ហាញវឌ្ឍនភាពគន្លឹះៗ និងទិសដៅបន្ត • វឌ្ឍនភាពនៃសូចនាករតាមដានរួមគ្នា (JMI – Joint Monitoring Indicators) ស្តីពីយេនឌ័រ • ផែនទីបង្ហាញផ្លូវ…

នាថ្ងៃអង្គារ ៨កើត ខែស្រាពណ៍ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី២៨ ខែកក្កដា ឆ្នាំ២០២០ នៅស្ថានីយ៍ទូរទស្សន៍ជាតិកម្ពុជា លេខាធិការដ្ឋាននៃគណៈកម្មាធិការជាតិលើកកម្ពស់សីលធម៌សង្គមតម្លៃស្រ្តី និងគ្រួសារខ្មែរ បានរៀបចំ “វេទិកាពិភាក្សាដើម្បីរួមចំណែកធ្វើអោយប្រសើរឡើងនូវសីលធម៌សង្គម តម្លៃស្រ្តី និងគ្រួសារខ្មែរ” ដែលមានវាគ្មិនកិត្តិយស លោកជំទាវ ឃឹម ចំរើន រដ្ឋលេខាធិការក្រសួងកិច្ចការនារី លោកជំទាវ ជូ ប៊ុនអេង រដ្ឋលេខាធិការក្រសួងមហាផ្ទៃ លោកជំទាវ ម៉ិញ កុសនី រដ្ឋលេខាធិការក្រសួងវប្បធម៌ និងវិចិត្រសិល្បៈ ព្រះភិក្ខុវជិរប្បញ្ញោ គូ សុភាព ព្រះគ្រូសូត្រស្តាំវត្តនិគ្រោធវ័ន(វត្តគល់ទទឹង)។ វេទិកានេះរៀបចំឡើងក្នុងគោលបំណង បង្កើននូវវិសាលភាពនៃការចូលរួមអន្តរាគមន៍ផ្សព្វផ្សាយ និងផ្តល់ឱកាសដល់យុវជន បានស្វែងយល់នូវគំនិតថ្មីៗពីវាគ្មិនកិតិ្តយស និងចូលរួមលើកកម្ពស់សីលធម៌សង្គមតម្លៃស្រ្តី និងគ្រួសារខ្មែរ និងមានសមាសភាពចូលរួម ជាមន្រ្តីរាជការ យុវជន និងថ្នាក់ដឹកនាំក្រសួងកិច្ចការនារី និងក្រសួងពាក់ព័ន្ធដែលជាសមាជិកនៃគណៈកម្មាធិការជាតិលើកកម្ពស់សីលធម៌សង្គម តម្លៃស្ត្រីនិងគ្រួសារខ្មែរ។

ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្រ្តី, រដ្ឋមន្រ្តីក្រសួងសេដ្ឋកិច្ច និង ហិរញ្ញវត្ថុតំណាងដ៏ខ្ពង់ខ្ពស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានអញ្ជើញចូលរួមពិធីបើកកិច្ចប្រជុំកំពូលថ្នាក់ដឹកនាំស្រ្តីអាស៊ាន តាមប្រព័ន្ធវីដេអូ នាល្ងាចថ្ងៃទី១២ ខែវិច្ឆិកា ឆ្នាំ២០២០ ។