បញ្ជីឈ្មោះបេក្ខជនប្រឡងចូលក្របខ័ណ្ឌក្រសួងកិច្ចការនារី នាសម័យប្រឡង ថ្ងៃសៅរ៍ ទី ២៩ ខែ កក្កដា ឆ្នាំ២០១៧

(ភ្នំពេញ)៖ នាព្រឹកថ្ងៃទី១៥ ខែតុលា ឆ្នាំ២០២២ លោកជំទាវកិត្តិបណ្ឌិត អុឹង កន្ថាផាវី បានដឹកនាំគណៈប្រតិភូក្រសួងកិច្ចការនារីអញ្ជើញចូលរួមពិធីគោរពព្រះវិញ្ញាណក្ខន្ធ ព្រះករុណា ព្រះបាទសម្តេច ព្រះនរោត្តម សីហនុ ព្រះបរមរតនកោដ្ឋ គម្រប់ខួប ១០ឆ្នាំ នៅវិមានព្រះបរមរូប ស្ថិតនៅមណ្ឌលសួនច្បារខាងកើតវិមានឯករាជ្យ ដែលនេះជាការបង្ហាញនូវភក្តីភាព ការគោរពស្រឡាញ់ និងតបស្នងនូវគុណូបការៈដ៏ធំធេងរបស់អង្គព្រះមហាវីរក្សត្រ ព្រះវររាជ បិតាឯករាជ្យ បូរណភាពទឹកដី និងឯកភាពជាតិខ្មែរ។ នៅក្នុងឱកាសដ៏ក្រៀមក្រំនេះ លោកជំទាវ និងគណប្រតិភូទាំងអស់ បានសម្តែងនូវអារម្មណ៍វិបយោគដ៏ជ្រាលជ្រៅ និងសោកស្តាយអាឡោះអាល័យជាទីបំផុត ចំពោះការយាងចូលទិវង្គតរបស់ សម្តេចតា សម្តេចតាទួត ព្រះបាទសម្តេចព្រះនរោត្តម សីហនុ ព្រះមហាវីរក្សត្រ ព្រះវររាជបិតាឯករាជ្យ និងបង្រួបបង្រួមជាតិខ្មែរ ដែលព្រះអង្គទ្រង់បានសាងស្នា ព្រះហស្តឧត្តុង្គឧត្តមជាច្រើន ក្នុងការដឹកនាំជាតិ ទទួលបានការរីកចម្រើនស្ទើរគ្រប់វិស័យ។ លោកជំទាវ និងគណប្រតិភូ បានបួងសួង និងឧទ្ទិសសូមឱ្យព្រះវិញ្ញាណក្ខន្ធ ព្រះបរមរតនកោដ្ឋ ព្រះករុណាព្រះបាទ សម្ដេចព្រះនរោត្តម សីហនុ ស្តេចយាងទៅសោយសុខក្នុងព្រះបរមសុគតិភពកុំបីឃ្លៀងឃ្លាតឡើយ។ តាងនាមថ្នាក់ដឹកនាំ និងមន្រ្តីរាជការទាំងអស់នៃក្រសួងកិច្ចការនារី លោកជំទាវរដ្ឋមន្ត្រី នឹងចងចាំជានិច្ចនូវរាល់ស្នាព្រះហស្ថ ព្រះរាជបូជនីយកិច្ច…

ថ្ងៃទី០៦ ដល់ថ្ងៃទី០៨ ខែកញ្ញា ឆ្នាំ២០១៧ នាយកដ្ឋានស្រ្តីនិងការអប់រំ នៃក្រសួងកិច្ចការនារី បានរៀបចំ នៅខេត្តរតនគីរី ក្រោមអធិបតីភាពលោកជំទាវ អ៊ឹម ស៊ីថែ រដ្ឋលេខាធិការ ក្រសួងកិច្ចការនារី  ក្នុងគោលបំណងដើម្បីជួយឲ្យស្រ្តីនិងក្មេងស្រី បានយល់ដឹងពីសិទ្ធិទទួលបានការ​គ្រប់គ្រង​អចលនទ្រព្យ ការចុះបញ្ជីអត្រានុកូលដ្ឋាន និងសិល្ប:ក្នុងការរស់នៅប្រកបដោយសមធម៌​យេនឌ័រ។   មេរៀនវគ្គបណ្តុះបណ្តាលមាន៖ ១.ភេទនិងយេនឌ័រ ២.តម្រូវការយេនឌ័រ ៣.សមធម៌និងសមភាពយេនឌ័រ ៤.ស្រ្តីនិងកម្មសិទ្ធិដីធ្លី ៥.សិល្ប:ក្នុងការនិយាយនិងចរចា ៦.ដំណើរជីវិត ៧.សិល្ប:ក្នុងការរស់នៅ ៨.ការប្រាស្រ័យទាក់ទង ៩.តួនាទីស្វាមីនិងភរិយា ១០.តួនាទីមាតាបិតា និងបុត្រធីតា ១១.អត្រានុកូលដ្ឋាន ១២.សំបុត្រកំណើត ១៣.សំបុត្រអាពាហ៏ពិពាហ៏ ១៣. សំបុត្របរណៈភាព   សិក្ខាកាមចូលរួមសរុបចំនួន៤១នាក់ (ប្រុស៧នាក់)។

ថ្ងៃ ពុធ១៣កើត ខែជេស្ឋ ឆ្នាំជូត ទោស័ក ព.ស២៥៦៤ ត្រូវនឹងថ្ងៃទី ០៣ ខែឧសភា ឆ្នាំ២០២០ ក្រសួងកិច្ចការនារីដោយមានការគាំទ្រ ពីកម្មវិធីកិច្ចសហប្រតិបត្តិការ អូស្រ្តាលី-កម្ពុជា ដើម្បីការផ្តល់សេវាប្រកបដោយនិរន្តរភាព និងសមធម៌ហៅកាត់ថាកម្មវិធី ACCESS បានបើកវគ្គបណ្តុះបណ្តាលគ្រូបង្គោលថ្នាក់តំបន់ ស្តីពីបទដ្ឋានអប្បបរមាសម្រាប់ការ ផ្តល់ប្រឹក្សាជាមូលដ្ឋានដល់ស្រ្តី និងក្មេងស្រីជាជនរងគ្រោះដោយអំពើហិង្សាដល់មន្រ្តី/ ភ្នាក់ងារ នគរបាលយុត្តិធម៌ ។ វគ្គបណ្តុះបណ្តាលនឹងប្រព្រឹត្តទៅរយៈពេល០៣ថ្ងៃ ក្នុងគោលបំណងដើម្បីពង្រឹងសមត្ថភាព បន្ថែមអំពីរបៀបនៃការឆ្លើយតបជួយជនរងគ្រោះដោយអំពើហិង្សាទាក់ទងនឹងយេឌ័រឱ្យកាន់តែមានប្រសិទ្ធភាព និងធ្វើការបណ្តុះបណ្តាលបន្តដល់អ្នកផ្តល់សេវានៅថ្នាក់ខេត្ត និងស្រុក។ លោកជំទាវ ញាណ សុចិត្រា អគ្គនាយក នៃអគ្គនាយកដ្ឋានអភិវវឌ្ឍសង្គម ជាគណ:អធិបតីនៃអង្គពិធី ដោយមានការចូលរួមពីមន្រ្តីនិងភា្នក់ងារនគរបាលយុត្តិធម៌ នៃមន្ទីរកិច្ចការនារីចំនួន០៨ ខេត្ត មានខេត្តកំពង់ស្ពឺ ព្រះស៊ីហនុ កំពង់ចាម ត្បូងឃ្មុំ សៀមរាប ព្រះវិហារ រតនគិរី និងខេត្តស្ទឹងត្រែង សរុប ២៥នាក់ ប្រុស៦នាក់។

គណៈប្រតិភូក្រសួងកិច្ចការនារីដឹកនាំដោយ លោកជំទាវ ឃឹម ចំរើន រដ្ឋលេខាធិការ និងលោកជំទាវ អ៊ឹម ស៊ីថែ រដ្ឋលេខាធិកាក្រសួងកិច្ចការនារី ដែលជាតំណាងដ៏ខ្ពង់ខ្ពស់របស់ លោកជំទាវ វេជ្ជ.អុឹង កន្ថាផាវី រដ្ឋមន្រ្តីក្រសួងកិច្ចការនារី និងគណៈប្រតិភូអមដំណើរបានចុះសួរសុខទុក្ខកងទ័ពនៅ តំបន់ប្រតិបត្តិការសិករងខេត្តមណ្ឌលគីរីយោធភូមិភាគទី១ និងអង្គភាពវរៈសេនាតូលេខ២ តំបន់ប្រតិបត្តិការសិករងខេត្តមណ្ឌលគីរី ដែលស្ថិតនៅក្នុងភូមិពូលូង សង្កាត់រមនា ក្រុងសែនមនោរម្យ ខេត្តមណ្ឌលគីរី។ ពិធីសួរសុខទុក្ខនេះមានការចូលរួមពី លោកស្រី ម៉ាសី សុខនី ប្រធានមន្ទីរកិច្ចការនារីខេត្តមណ្ឌលគីរី ឧត្តមសេនីយ៍ទោ សាន គឹមអឿន មេបញ្ជាការតំបន់ប្រតិបត្តិការសឹករងខេត្ត មន្រ្តីមន្ទីរកិច្ចការនារីខេត្ត និងពលទាហាន។ នៅក្នុងពិធីសួរសុខទុក្ខនេះ ក្រសួងកិច្ចការនារីបានឧបត្ថម្ភថវិកាជូនដល់បញ្ជាការដ្ឋានកងពលលេខ២ ចំនួន៥លានរៀល ព្រមទាំងបានចែកជូនដល់នាយទាហាន នាយទាហានរង ពលទាហាន យោធិនចូលនិវត្តន៍ និងគ្រួសារយោធិន សរុប ១១១ នាក់ ដោយម្នាក់ៗទទួលបាននូវ៖ ភូយ១ មុង១ កន្សែង១ សាប៊ូ ទឹកស៊ីអ៑ីវ ទឹកត្រី មី ១កេះ ត្រីខកំប៉ុង១យួរ និងថវិកា…

នៅព្រឹកថ្ងៃចន្ទ ៩រោច ខែមាឃ ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី១៧ ខែកុម្ភៈ ឆ្នាំ២០២០នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានអញ្ជើញជាអធិបតីភាពក្នុងកិច្ចប្រជុំបូកសរុបលទ្ធផលការងារឆ្នាំ២០១៩ និងលើកទិសដៅការងារសម្រាប់ឆ្នាំ២០២០ របស់ «ក្រុមប្រឹក្សាជាតិកម្ពុជា ដើម្បីស្ត្រី» ដែលធ្វើឡើងនៅវិមានសន្តិភាព។

លោកជំទាវវេជ្ជ. អុឹង កន្ថាផាវី រដ្ឋមន្ត្រីក្រសួងកិច្ចការនារី ថ្វាយព្រះពរ សម្ដេចព្រះមហាក្សតី នរោត្តម មុនិនាថ សីហនុ ព្រះវររាជមាតាជាតិខ្មែរ ក្នុងសេរីភាព សេចក្ដីថ្លៃថ្នូរ និងសុភមង្គល ក្នុងឱកាសដ៏ឧត្តុង្គឧត្តមនៃព្រះរាជពិធីចំរើនព្រះជន្មគម្រប់៨៤ព្រះវស្សា យាងចូល ៨៥ព្រះវស្សា របស់សម្ដេចព្រះមហាក្សត្រីជាទីគោរពសក្ការៈដ៏ខ្ពង់ខ្ពស់បំផុត ។