ក្របខណ្ឌយុទ្ធសាស្ត្រ ផែនការយុទ្ធសាស្ត្រ

លោកជំទាវវេជ្ជ. អុឹង កន្ថាផាវី រដ្ឋមន្រ្តីក្រសួងកិច្ចការនារី បានអញ្ជើញចូលរួមជាប្រធានគណៈធិបតីក្នុង សិក្ខាសាលាបញ្ចប់គម្រោង “ការបញ្ជ្រាបភាពធន់នឹងការប្រែប្រួលអាកាសធាតុទៅក្នុងផែនការអភិវឌ្ឍន៍ (TA 8179) កញ្ចប់ C” និងការប្រកាសផ្សព្វផ្សាយដាក់ឲ្យប្រើប្រាស់ជាផ្លូវការនូវផែនការមេស្តីពី យេនឌ័រ និងការប្រែប្រួលអាកាសធាតុ កាលពីថ្ងៃព្រហសត្បិ៍ ៨រោច ខែភទ្របទ ទោស័ក ព.ស ២៥៦៤ ត្រូវនឹងថ្ងៃទី ១០ ខែកញ្ញា ឆ្នាំ ២០២០ នៅសណ្ឋាគារភ្នំពេញ រាជធានីភ្នំពេញ ។ សិក្ខាសាលានេះមានគោលបំណង៖ ១) ដើម្បីផ្សព្វផ្សាយដាក់ឱ្យប្រើប្រាស់ជាផ្លូវការនូវផែនការមេស្តីពីយេនឌ័រ និងការប្រែប្រួលអាកាសធាតុឆ្នាំ២០១៨-២០៣០ ។ ២) ដើម្បីផ្សព្វផ្សាយលទ្ធផល និងផលិតផលចំណេះដឹងដែលផលិតដោយក្រសួងកិច្ចការនារី ។ លោកជំទាវរដ្ឋមន្រ្តីបានថ្លែងអំណរគុណចំពោះ ក្រសួងបរិស្ថានដែលជាស្ថាប័នប្រតិបត្តិក្នុងការជួយសម្របសម្រួលការងារបម្រែបម្រួលអាកាសធាតុជាមួយក្រសួងកិច្ចការនារី និងដៃគូអភិវឌ្ឍសំខាន់ៗ រួមមាន មូលនិធិអភិវឌ្ឍន៍ (NORDIC) ធនាគារអភិវឌ្ឍន៍អាស៊ី (ADB) ដែលបានគាំទ្រជាធនធានថវិកានិងបច្ចេកទេស ក្នុងការអនុវត្តផែនការសកម្មភាពក្នុងរយៈពេល០៣ឆ្នាំកន្លងមកនេះ។ លោកជំទាវរដ្ឋ មន្រ្តីក៏បានកោតសរសើរ ដល់គណៈកម្មាធិការដឹកនាំ និងសម្របសម្រួលការងារយេនឌ័រនិងការប្រែប្រួលអាកាសធាតុរបស់ក្រសួងកិច្ចការនារីដែលមាន លោកជំទាវ ស៊ីវណ្ណ បុទុម ជាប្រធាន…

ថ្ងៃទី២៧ ខែសីហា ឆ្នាំ២០២០ វគ្គបណ្តុះបណ្តាលគ្រូបង្គោលថ្នាក់តំបន់ អំពីគោលការណ៍ណែនាំ ស្តីពីការបញ្ជូនស្រ្តី និងក្មេងស្រីដែលរងគ្រោះដោយអំពើហិង្សាទាក់ទងនឹងយេនឌ័រ ដល់សិក្ខាកាមដែលជាមន្រ្តី/ភ្នាក់ងារនគរបាលយុត្តិធម៌របស់ក្រសួងកិច្ចការនារី និងថ្នាក់ក្រោមជាតិទាំង០៨ខេត្ត ដែលមានអ្នកចូលរួមសរុប៣៤នាក់ ស្រី២៨នាក់  រយៈពេលពីរថ្ងៃបានបញ្ចប់ទៅតាមការគ្រោងទុកក្រោមអធិបតីភាពលោកជំទាវ ញាណ សុចិត្រា អគ្គនាយកនៃអគ្គនាយកដ្ឋានអភិវឌ្ឍន៍សង្គមក្រសួងកិច្ចកានារី និងលោកស្រី Elizabeth Adler លេខាទី២ ស្ថានទូតអូស្រ្តាលីប្រចាំនៅប្រទេសកម្ពុជា ។ លោកជំទាវ  និងលោកស្រីលេខាទូតបានកោតសសើរសិក្ខាកាមទាំងអស់ដែលខិតខំយកចិត្តទុកដាក់ក្នុងការសិក្សាស្វែងយល់អំពីគោលការណ៍ណែនាំនេះ  និងមានក្តីរំភើបចំពោះការប្តេជ្ញាចិត្តរបស់សិក្ខាកាមក្នុងការយកចំនេះដឹងដែលទទួលបានពីការសិក្សារៀនសូត្រនេះ ទៅបណ្តុះបណ្តាលបន្តដល់អ្នកពាក់ព័ន្ធដែលកំពុងបំពេញការងារក្នុងការជួយជនរងគ្រោះដោយអំពើហិង្សាទាក់ទងនឹងយេនឌ័រនៅថ្នាក់ខេត្តនិងថ្នាក់ស្រុកអោយកាន់តែមានប្រសិទ្ធភាព និងប្រសិទ្ធផល។ សកម្មភាពបណ្តុះបណ្តាលនេះ គឺជាការកសាងធនធានមនុស្ស និងអភិវឌ្ឍន៍សម្ថភាព ដែលឆ្លុះបញ្ចាំងពីការអនុវត្តគោលនយោបាយរបស់រាជរដ្ឋាភិបាល និងជាចក្ខុវិស័យមួយដែលធ្វើឱ្យសម្រេចបានថែមទៀតក្នុងការធានាការធ្វើឱ្យប្រសើរឡើង នូវការផ្តល់សេវាសាធារណៈក្នុងការជួយស្រ្តី និងក្មេងស្រីដែលរងគ្រោះដោយអំពើហិង្សា។

កាលពីថ្ងៃទី២៥ ខែឧសភា ឆ្នាំ២០២០ លោកជំទាវ អុឹង កន្ថាផាវី រដ្ឋមន្រ្តី ក្រសួងកិច្ចការនារី បានអនុញ្ញាតឱ្យលោក ដេវីដ វឹងហ្គល់វើត នាយកប្រតិបត្តិ ក្រុមហ៊ុន បេវេរេដ កម្ពុជា (Cambodia Beverage) ហៅថា កូកា កូឡា កម្ពុជា ដឹកនាំក្រុមការងារចូលជួបសម្តែងការគួរសម នៅទីស្តីការក្រសួងកិច្ចការនារី ។ លោកនាយកប្រតិបត្តិក្រុមហ៊ុនកូកា កូឡា កម្ពុជា រាយការណ៍យ៉ាងសង្ខេបអំពីលទ្ធផលសំខាន់ៗរបស់ក្រុមហ៊ុន ក្នុងការគាំទ្រដល់បុគ្គលិក និងថ្នាក់ដឹកនាំជាស្រ្តី នៅក្នុងក្រុមហ៊ុន រួមទាំងការគាំទ្រលើការបង្កើតបរិយាកាស នៅកន្លែងការងារ ការអភិវឌ្ឍន៍សមត្ថភាព និងការដាក់កូតា ក្នុងការជ្រើសរើសបុគ្គលិកជាស្រ្តី ។ នៅក្នុងនោះ ក្រុមហ៊ុនក៏បានដាក់គោលដៅ ឱ្យសម្រេចចំនួន ៥០% ជាស្រ្តី ជាថ្នាក់ដឹកនាំ និងបុគ្គលិកក្រុមហ៊ុន នៅឆ្នាំ២០២៥ខាងមុនេះ ហើយក៏បានស្នើសុំកិច្ចសហការ និងគាំទ្រពីក្រសួងកិច្ចការនារី ក្នុងភាពជាដៃគូ ដើម្បីសម្រេចគោលដៅនេះ ។ លោកជំទាវរដ្ឋមន្រ្តី ក៏បានកោតសរសើរចំពោះស្នារដៃកន្លងមករបស់ក្រុមហ៊ុន និងការដាក់ចេញនូវគោលដៅ នៅឆ្នាំ២០២៥នេះ លោកជំទាវគាំទ្រចំពោះការស្នើឡើងរបស់តំណាងក្រុមហ៊ុនកូកា…

កាលពីថ្ងៃព្រហស្បតិ៍ ៥រោច ខែទុតិយាសាឍ ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី២៩ ខែកក្កដា ឆ្នាំ២០២១ ក្រុមការងារគម្រោងបញ្ជ្រាបយេនឌ័រ ដើម្បីបង្កើនភាពអង់អាចផ្នែកសេដ្ឋកិច្ចដល់ស្ត្រី (PGM-WEE) បានរៀបចំកិច្ចប្រជុំគណៈកម្មាធិការសម្របសម្រួលរួមលើកទី៤ (JCC) តាមរយៈប្រព័ន្ធអនឡាញ (ZOOM) ក្រោមអធិបតីភាពដ៏ខ្ពង់ខ្ពស់របស់លោកជំទាវកិត្តិបណ្ឌិត អុឹង កន្ថាផាវី រដ្ឋមន្រ្តីក្រសួងកិច្ចការនារី ដោយមានការអញ្ជើញចូលរួមពីសំណាក់ថ្នាក់ដឹកនាំក្រសួងកិច្ចនារី លោកជំទាវអភិបាលរងខេត្ត លោកជំទាវប្រធានគ.ក.ស.ក លោកជំទាវសមាជិកក្រុមប្រឹក្សាខេត្តសៀមរាប កំពង់ធំ កំពង់ចាម កំពង់ឆ្នាំង និងខេត្តត្បូងឃ្មុំ តំណាងក្រសួង-ស្ថាប័ន/មន្ទីរពាក់ព័ន្ធ តំណាង JICA ប្រចាំប្រទេសជប៉ុន និងប្រទេសកម្ពុជា រួមទាំងអ្នកជំនាញការជប៉ុន ដែលមានសមាសភាពអ្នកចូលរួមសរុបចំនួន ៨៨នាក់។ គោលបំណងសំខាន់ៗពីរនៃកិច្ចប្រជុំ គឺ៖ ១) ដើម្បីឱ្យសមាជិក JCC ទាំងអស់ ស្វែងយល់បន្ថែម អំពីវឌ្ឍនភាពនៃសកម្មភាព និងសមិទ្ធផលនានារបស់គម្រោង បន្ទាប់ពីខែធ្នូ ឆ្នាំ ២០១៩ រួមទាំងផលប៉ះពាល់នៃការរាតត្បាតនៃជំងឺកូវីដ-១៩ ទៅលើការអនុវត្តសកម្មភាពរបស់គម្រោង។ ២) ដើម្បីទទួលបានការអនុម័ត យល់ព្រមពីសមាជិក JCC…

កាលពីថ្ងៃពុធ ១កើត ខែពិសាខ ឆ្នាំកុរ ទោស័ក ព.ស ២៥៦៣ ត្រូវនឹងថ្ងៃទី ២២ ខែ មេសា ឆ្នាំ២០២០ លោកជំទាវ​ ខេង សំវ៉ាដា​ រដ្ឋលេខាធិការ​ក្រសួងកិច្ចការនារី និងជាតំណាងកម្ពុជាប្រចាំគណៈកម្មាធិការស្រ្តី អាស៊ាន (ASEAN Committee on Women) បានចូលរួមក្នុងសន្និសីទអន្តរជាតិតាមរយៈ video conference នៅទីស្តីការក្រសួងកិច្ចការនារី ដើម្បីស្វែងយល់ពីលទ្ធផលអង្កេតស្តីពី “ផលប៉ះពាល់ដល់ស្រ្តីដែលបណ្តាលមកពីការរីករាលដាលនៃជំងឺកូវីដ១៩ ក្នុងរយៈពេល១០០ថ្ងៃដំបូងនៅក្នុងតំបន់អាស៊ី-ប៉ាស៊ីហ្វិក” ដែលរៀបចំដោយអង្គការ UNWomen នៅក្នុងប្រទេសចំនួន១៣។ ការអង្កេតនេះធ្វើឡើងក្នុងគោលបំណងស្វែងយល់លក្ខណៈរហ័សនូវផលប៉ះពាល់បន្ទាន់នៃជំងឺកូវីដ១៩ ទៅលើស្រ្តី និងក្មេងស្រី ដែលអាចយក មកប្រើប្រាស់ក្នុងការរៀបចំជាផែនការកាត់បន្ថយនូវផលប៉ះពាល់ទាំងនេះឲ្យបានទាន់ពេលវេលា។ លទ្ធផលគន្លឹះៗ នៃការរកឃើញជាបឋមនេះ បានបង្ហាញដូចខាងក្រោម៖ ១.  ស្រ្តី សន្តិភាព និងសន្តិសុខ (Women, Peace and Security): វិធានការនៃការឆ្លើយតបទៅនឹងជំងឺកូវីដ១៩ ដោយប្រើច្បាប់ដាក់ប្រទេសក្នុងគ្រាមានអាសន្ន ការបិទប្រទេស ការដាក់ប៉ុស្តិយោធាសម្រាប់ការត្រួតពិនិត្យ ការបិទព្រំដែន ការបិទការធ្វើដំណើរ ប្រៀបបាននឹងដាក់ស្រ្តី…