សកម្មភាពមន្ទីរ

មន្ទីរកិច្ចការនារីខេត្តកំពត៖   លោកស្រី សឿន សារី ប្រធានមន្ទីរកិច្ចការនារីខេត្ត និងមន្រ្តីរាជការ នៃមន្ទីរកិច្ចការនារីខេត្តកំពត បានរៀបចំ ពិធីចែកអំណោយដល់គ្រួសារស្ត្រីងាយរងគ្រោះ និងផ្សព្វផ្សាយពីវិធីកាត់បន្ថយហានិភ័យពីការឆ្លងជំងឺកូវីដ ១៩ នៅឃុំទូកមាសខាងលិច និងឃុំទូកមាសខាងកើត ស្រុកបន្ទាយមាស ខេត្តកំពត ។ ឯកឧត្តម ជឹង ផល្លា ប្រធានក្រុមប្រឹក្សាខេត្ត ជាប្រធានគណៈអធិបតី និងមានអ្នកចូលរួមពីសំណាក់ ឯកឧត្តមលោកជំទាវ សមាជិកក្រុមប្រឹក្សាខេត្ត ឯកឧត្តមប្រធានក្រុមការងារយុវជនខេត្ត ឯកឧត្តមប្រធាន ស.ស.យ.ក ក្រុមការងារចុះមូលដ្ឋានស្រុកបន្ទាយមាស លោក លោកស្រី អភិបាលរងស្រុក មន្ត្រីរដ្ឋបាលស្រុកបន្ទាយមាស និងអាជ្ញាធរក្នុងមូលដ្ឋាន។   អំណោយដ៏ថ្លៃថ្លារបស់រាជរដ្ឋាភិបាលកម្ពុជាតាមរយ:មន្ទីរកិច្ចការនារីខេត្ត ដែលចែកជូនប្រជាពលរដ្ឋដែលកំពុងខ្វះខាត។ ក្នុងមួយគ្រួសារ ទទួលបានអង្ករ២៥គីឡូក្រាម មី១កេះ ត្រីខ១យួរ ប៊ីចេង១កញ្ចប់ ទឹកត្រី១ដប(២លីត្រ) សាប៊ូម្សៅ១កញ្ចប់ ស្ករស១គីឡូក្រាម សាប៊ូលាងដៃ១ដុំ និងថវិកា ២០,០០០៛ ក្នុងនោះដែរឧបត្ថម្ភកងកំលាំង ១០នាក់ ក្នុងម្នាក់ទទួលបានថវិកា ២០,០០០៛។   ឆ្លៀតក្នុងពេលនោះដែរ ឯកឧត្តម…

មន្ទីរកិច្ចការនារីខេត្តប៉ៃលិន៖   មន្ទីរកិច្ចការនារីបានចូលរួមរៀបចំ ពិធីចែកអំណោយដល់គ្រួសារស្ត្រីងាយរងគ្រោះ និងផ្សព្វផ្សាយពីវិធីកាត់បន្ថយហានិភ័យពីការឆ្លងជំងឺកូវីដ ១៩ នៅឃុំទូ ឃុំស្ទឹងត្រង់ ស្រុកសាលាក្រៅ ខេត្តប៉ៃលិន។ ពិធីចែកអំណោយនេះមានការចូលរួមពី ឯកឧត្តម អភិបាលនៃគណៈអភិបាលខេត្ត សមាជិកក្រុមប្រឹក្សាស្រុក ក្រុមការងារចុះមូលដ្ឋាន អភិបាលរងស្រុក មន្ត្រីរដ្ឋបាលស្រុកនិងអាជ្ញាធរក្នុងមូលដ្ឋាន។   អំណោយដ៏ថ្លៃថ្លារបស់រាជរដ្ឋាភិបាលកម្ពុជាតាមរយៈរដ្ឋបាលខេត្ត ដែលចែកជូនប្រជាពលរដ្ឋដែលកំពុងខ្វះខាតចំនួន ៤៨គ្រួសារ ។ ក្នុងមួយគ្រួសារទទួលបាន អង្ករ២៥គីឡូក្រាម  ត្រីខ១យួ និងទឹកត្រី១យួ ។ ថ្ងៃអង្គារ ០៨កើត ខែ ឆ្នាំជូត ទោស័ក ពុទ្ធសករាជ ២៥៦៤ ត្រូវនឹងថ្ងៃទី២៨ ខែកក្កដា ឆ្នាំ២០២០ ។

មន្ទីរកិច្ចការនារីខេត្តកណ្ដាល៖   លោកស្រី ជុំ ស៊ីណាត ប្រធានមន្ទីរកិច្ចការនារីខេត្តកណ្តាល និង សមាជិកបានសហការជាមួយអង្គការចិត្តសង្គមអន្តរវប្បធម៌(TPO) និងរដ្ឋបាលសាលាស្រុកខ្សាច់កណ្តាល មានការដឹកនាំដោយ លោកស្រី ឡុង ណាវី អភិបាលរងស្រុក នារីឃុំ នាយប៉ុស្តិ៍ មេភូមិ ចុះសួរសុខទុក្ខ និង ព្យាបាលដល់អ្នកជំងឺបញ្ហាផ្លូវចិត្ត ចំនួន២នាក់។   ថ្ងៃអង្គារ ៨កើត ខែស្រាពណ៍ ឆ្នាំជូត ទោស័ក ព .ស.២៥៦៤ ត្រូវនឹងថ្ងៃទី២៨​ ខែកក្កដា ឆ្នាំ២០២០ ។

មន្ទីរកិច្ចការនារីខេត្តឧត្ដរមានជ័យ៖   មន្ទីរកិច្ចការនារីខេត្តឧត្ដរមានជ័យបានរៀបចំ ការអប់រំផ្សព្វផ្សាយស្ដីពីការទប់ស្កាត់អំពើហិង្សាក្នុងគ្រួសារនិងកិច្ចការពារជនរងគ្រោះ ដល់ប្រជាពលរដ្ឋសរុបចំនួន ១,៩១៧ នាក់ (ស្រី ១,១៣៦នាក់) មកពី ៨ភូមិ ។ ការផ្សព្វផ្សាយនេះមានគោលបំណងឱ្យប្រជាពលរដ្ឋមានការយល់ដឹងអំពីការទប់ស្កាត់អំពើហិង្សាក្នុងគ្រួសារ និងកិច្ចការពារជនរងគ្រោះ និងការផ្តល់សេវាជួយជនរងគ្រោះដែលកើតមាននៅតាមសហគមន៍របស់ពួកគាត់ ។   លើសពីនេះមន្ទីរកិច្ចការនារីខេត្តបានបន្តផ្សព្វផ្សាយបន្ថែម ពីវិធានការបង្ការការចម្លងជំងឺកូវីដ១៩ តាមការណែនាំរបស់ក្រសួងសុខាភិបាល។ ក្រោយពីបញ្ចប់ការផ្សព្វផ្សាយប្រជាពលរដ្ឋបានយល់ដឹងកាន់តែច្បាស់ពីនិយមន័យនៃអំពើហិង្សាក្នុងគ្រួសារ ប្រភេទនៃអំពើហិង្សា និងកត្តាដែលបង្កឱ្យកើតមានអំពើហិង្សាក្នុងគ្រួសារ ក្នុងនោះមន្ទីរកិច្ចការនារីក៏បានធ្វើការបញ្ជ្រាបយេនឌ័រ និងការបង្កើនភាពអង់អាចផ្នែកសេដ្ឋកិច្ចដល់ស្ត្រីនៅតាមសហគមន៍ ។   ថ្ងៃច័ន្ទ ៧កើត  ដល់ថ្ងៃសុក្រ ១២ កើត ខែស្រាពណ៍ ឆ្នាំកុរ ទោស័ក ព.ស ២៥៦៤ ត្រូវនឹងថ្ងៃទី ២៧-៣១ ខែកក្កដា ឆ្នាំ២០២០​ ។

មន្ទីរកិច្ចការនារីខេត្តស្ទឹងត្រែង៖   កាលពី ថ្ងៃច័ន្ទ ១៥រោច ខែអាសាឍ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី ២០ ខែកក្តដា ឆ្នាំ២០២០ មន្ទីរកិច្ចនារីខេត្តស្ទឹងត្រែងបានសហការនិងអជ្ញារធរឃុំ រៀបចំកិច្ចប្រជុំផ្សព្វផ្សាយ ស្តីពីយុវជនក្នុងភាពជាសហគ្រិន នៅក្នុងភូមិស្រឡៅ ឃុំអន្លង់ជ្រៃ ស្រុកថាឡាបរិវ៉ាត់ក្រោមអធិបតីភាពលោកស្រី ប្រធានមន្ទីរ លោកស្រីអភិបាលរងស្រុកថាឡា ប្រធានក្រុមប្រឹក្សាឃុំ អ្នកចូលរួមសរុប ២១៤ នាក់( ស្រី្ត ១០៣ នាក់)។   គោលបំណងរបស់កិច្ចប្រជុំមានដូចខាងក្រោម៖ ១. ផ្សព្វផ្សាយពីសេវាកម្មរបស់មជ្ឈមណ្ឌលអភិវឌ្ឍស្រ្តីខេត្ត ២.ជម្រុញអោយយុវជនបង្កើតក្តីស្រម៉ៃក្នុងការជ្រើសរើសជំនាញ ឬមុខរបរការងារនាថ្ងៃអនាគត ៣.បញ្រ្ជាបពីសហគ្រិនភាពទៅកាន់យុវជន យុវនារី ក្នុងសហគមន៍   ប្រជាពលរដ្ឋនឹងអាចចាប់ផ្តើមគិតគូរពី ការរៀបចំផែនការគ្រួសារ ការជ្រើសរើសមុខរបរ អាជីពសម្រាប់ថ្ងៃអនាគត ព្រមទាំងបានដឹងពីសេវាកម្មរបស់មជ្ឈមណ្ឌលអភិវឌ្ឍស្រ្តីខេត្ត។

មន្ទីរកិច្ចការនារីបាត់ដំបង៖ មន្ទីរកិច្ចការនារីបានសហការណ៍ជាមួយលោកមេភូមិតាមាឃ លោកមេឃុំគោកឃ្មុំ និងសប្បុរសជន ព្រះតេជគុណចៅអធិការវត្តពែសាលី (វត្តកៀនកេស) បានជួបសំណេះសំណាលនិងសួរសុខទុក្ខ ចាស់ជរាក្រីក្រ គ្មានទីពឹង និងមានជំងឺចំនួន ១៥ នាក់។ ប្រជាពលរដ្ឋម្នាក់ទទួលបាន  អង្ករ២០គក្រ មី១កេស ទឹកត្រី១យួរ ទឹកសៀអុីវ១យួរ អំបិល២ថង់ និងថវិកា៣៥,០០០រៀល នៅភូមិតាមាឃ ឃុំគោកឃ្មុំ ស្រុកថ្មគោល ។

មន្ទីរកិច្ចការនារីខេត្តរតនគិរី៖   ថ្ងៃព្រហស្បត្តិ៍  ៤រោច  ខែអាសាឍ  ឆ្នាំជូត  ទោស័ក  ព.ស២៥៦៤  ត្រូវនឹងថ្ងៃទី០៩ ខែកក្កដា គ.ស២០២០  មន្ទីរកិច្ចការនារីខេត្តរតនគិរី  ក្រុមការងាររបស់មន្ទីរកិច្ចការនារី បានសហការជាមួយ  គណៈកម្មាធិការពិគ្រោះយោបល់កិច្ចការនារីនិងកុមាររបស់សង្កាត់យក្សឡោម និងមេភូមិ បានចុះផ្សព្វផ្សាយស្ដីពី  ការបង្ការទប់ស្កាត់ការរីករាលដាលនៃជម្ងឺកូវីដ-១៩  និងការបង្ការទប់ស្កាត់ការរៀបអាពាហ៍ពិពាហ៍វ័យកុមារ  និងការមានផ្ទៃពោះវ័យជំទង់   ដល់ប្រជាពលរដ្ឋដែលរស់នៅក្នុងភូមិភ្នំ  និងភូមិសីល ក្រុងបានលុង ៕

មន្ទីរកិច្ចការនារីខេត្តស្ទឹងត្រែង៖ ថ្ងៃទី ៧-៨ ខែកក្កដា ឆ្នាំ២០២០ ប្រជាពលរដ្ឋមកពី ១៧គ្រួសារ បានទទូលអំណោយ របស់រាជរដ្ឋាភិបាល និងសម្ភារៈឧបត្ថម្ភដោយ UNFPA ដើម្បីឆ្លើយតបទៅនឹងកូវីដ-១៩ ដល់គ្រួសារក្រីក្រ និងអប់រំទប់ស្កាត់ការប្រើអំពើហិង្សា​ មកពី៨ភូមិ ក្នុង៦ឃុំ របស់ស្រុកថាឡាបរិវ៉ាត់ និងស្រុកសៀមបូក ស្រុកបុរីអូរស្វាយសែនជ័យ។ ពិធីសួរសុខទុក្ខនេះមានការចូលរួមពីសំណាក់ លោកជំទាវ អភិបាលរងខេត្ត លោកស្រីប្រធានមន្ទីរកិច្ចការនារីខេត្ត ការិយាល័យការពារផ្លូវច្បាប់  លោកស្រីអភិបាលរងស្រុក ការិយាល័យសុខមាលភាពសង្គម ថ្នាក់ដឹកនាំភូមិ ។ អំណោយសប្បុរសធម៌ទាំងនោះរួមមាន :  អង្ករ២០គីឡូ សារុង២ ក្រម៉ា២ សាប៊ូ បោកខោអាវ២ថង់ ថ្នាំដុសធ្មេញនិងច្រាស២សម្រាប់  ចែលលាងដៃ និងសាប៊ូឡុច២ដុំ ។

មន្ទីរកិច្ចការនារីខេត្តកណ្ដាល   នៅល្ងាចថ្ងៃទី១៦ ខែកក្កដា ឆ្នាំ២០២០  លោកស្រី ជុំ ស៊ីណាត ប្រធានមន្ទីរកិច្ចការនារីខេត្តកណ្ដាល  លោកស្រី ងិន សុខា អនុប្រធានមន្ទីរ និងលោកស្រី ឡុង ណាវី  អភិបាលរងស្រុកខ្សាច់កណ្ដាល បានចុះសួរសុខទុក្ខប្រជាពលរដ្ឋក្រីក្រ ចំនួន០៥គ្រួសារ នៅស្រុកខ្សាច់កណ្ដាល ខេត្តកណ្តាល ដែលជាអំណោយ របស់អង្គការ UNFPA  ដែលបានជួយជាសម្ភារៈប្រើប្រាស់ចាំបាច់សម្រាប់ស្រ្តីងាយរងគ្រោះ ដោយអំពើ ហិង្សា ពីក្រសួងកិច្ចការនារី  ព្រមទាំងឆ្លើយតបនឹងស្ថានភាពវីរុសកូវីត-១៩ ។   គ្រួសារនីមួយៗទទួលបានអំណោយ ១កញ្ចប់ រួមមាន ៖ ក្រម៉ា២  ច្រាស់ដុសធ្មេញ១ ថ្នាំដុសធ្មេញ២  ជែលលាងដៃ១ដប សារ៉ុង២ សាប៊ូបោកខោអាវ ២កញ្ចប់ សាប៊ូដុះខ្លួនProtex និងសាប៊ូ Lux២ដុំ។ ក្នុងនោះក្រុមការងារបានជួយថវិកាបន្ថែមពីលើចំនួន ១០០,០០០រៀល (ដប់ ម៉ឺន រៀល ) ដោយក្នុង១គ្រួសារ។

មន្ទីរកិច្ចការនារីខេត្តកណ្ដាល   នាព្រឹកថ្ងៃព្រហស្បត្តិ៍ ១១រោច ខែអាសាឍ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី១៦ ខែកក្កដា ឆ្នាំ២០២០   មន្ទីរកិច្ចការនារី បានសហការជាមួយរដ្ឋបាលស្រុកខ្សាច់កណ្ដាល បានរៀបចំវេទិកាបំណិនជីវិត ដើម្បីបង្កើនសេដ្ឋកិច្ចគ្រួសារដល់ប្រជាពលរដ្ឋ និងផ្សព្វផ្សាយស្ដីពីការទប់ស្កាត់អំពើហិង្សាក្នុងគ្រួសារ កិច្ចការពារជនរងគ្រោះ និងច្បាប់ទប់ស្កាត់ការរំលោភបំពានផ្លូវភេទលើស្ត្រី និងក្មេងស្រី ដល់ប្រជាពលរដ្ឋក្នុងឃុំព្រែកតាកូវ ស្រុកខ្សាច់កណ្តាល ។ វេទិកានេះ ប្រព្រឹត្តទៅក្រោមអធិបតីភាពលោកស្រី   ជុំ ស៊ីណាត ប្រធានមន្ទីរកិច្ចការនារីខេត្ត លោកស្រី ងិន សុខា អនុប្រធានមន្ទីរកិច្ចការនារីខេត្ត និងលោកស្រី ឡុង ណាវី អភិបាលរង ស្រុក សរុបវត្តមានចូលរួមចំនួន ៩០ នាក់( ស្រី្ត ៥៩នាក់ ) ធ្វើនៅសាលាឃុំព្រែកតាកូវ ស្រុកខ្សាច់កណ្ដាល។