ព័ត៌មាន

គណៈប្រតិភូក្រសួងកិច្ចការនារីដឹកនាំដោយ លោកជំទាវ ឃឹម ចំរើន រដ្ឋលេខាធិការ និងលោកជំទាវ អ៊ឹម ស៊ីថែ រដ្ឋលេខាធិកាក្រសួងកិច្ចការនារី ដែលជាតំណាងដ៏ខ្ពង់ខ្ពស់របស់ លោកជំទាវ វេជ្ជ.អុឹង កន្ថាផាវី រដ្ឋមន្រ្តីក្រសួងកិច្ចការនារី និងគណៈប្រតិភូអមដំណើរបានចុះសួរសុខទុក្ខកងទ័ពនៅ តំបន់ប្រតិបត្តិការសិករងខេត្តមណ្ឌលគីរីយោធភូមិភាគទី១ និងអង្គភាពវរៈសេនាតូលេខ២ តំបន់ប្រតិបត្តិការសិករងខេត្តមណ្ឌលគីរី ដែលស្ថិតនៅក្នុងភូមិពូលូង សង្កាត់រមនា ក្រុងសែនមនោរម្យ ខេត្តមណ្ឌលគីរី។ ពិធីសួរសុខទុក្ខនេះមានការចូលរួមពី លោកស្រី ម៉ាសី សុខនី ប្រធានមន្ទីរកិច្ចការនារីខេត្តមណ្ឌលគីរី ឧត្តមសេនីយ៍ទោ សាន គឹមអឿន មេបញ្ជាការតំបន់ប្រតិបត្តិការសឹករងខេត្ត មន្រ្តីមន្ទីរកិច្ចការនារីខេត្ត និងពលទាហាន។ នៅក្នុងពិធីសួរសុខទុក្ខនេះ ក្រសួងកិច្ចការនារីបានឧបត្ថម្ភថវិកាជូនដល់បញ្ជាការដ្ឋានកងពលលេខ២ ចំនួន៥លានរៀល ព្រមទាំងបានចែកជូនដល់នាយទាហាន នាយទាហានរង ពលទាហាន យោធិនចូលនិវត្តន៍ និងគ្រួសារយោធិន សរុប ១១១ នាក់ ដោយម្នាក់ៗទទួលបាននូវ៖ ភូយ១ មុង១ កន្សែង១ សាប៊ូ ទឹកស៊ីអ៑ីវ ទឹកត្រី មី ១កេះ ត្រីខកំប៉ុង១យួរ និងថវិកា…

លោកជំទាវ អុឹង កន្ថាផាវី រដ្ឋមន្រ្តីក្រសួងកិច្ចការនារី បានអនុញ្ញាតជូនក្រុមការងាររបស់ក្រុមហ៊ុន វើលដ៍ ឡាយហ្វ៍ ហ្វាម៉ា (world life pharma) ដើម្បីជួបសម្តែងការគួរសម និងប្រគល់ ជែលលាងសំអាតដៃ ព្រមទាំងជែលបិតបញ្ចុះកំដៅ សម្រាប់ចែកជូនដល់ប្រជាពលរដ្ឋនៅតាមមូលដ្ឋាន ដើម្បីការពារ ពីការឆ្លងរីករាលដាល របស់វីរុសកូវីដ ១៩ នាពេលបច្ចុប្បន្ន។ ដោយផ្អែកលើគោលការណ៍ ការរួមចំណែកទទួលខុសត្រូវចំពោះសង្គម ក្រុមហ៊ុន វើលដ៍ ឡាយហ្វ៍ ហ្វាម៉ា បានផ្តល់ ជាជែលលាងសំអាតដៃចំនួន៣កេះ (១០៨ដប) និងជែលបិតបញ្ចុះកំដៅចំនួន៥កេះ (១,០០០ ប្រអប់) ដល់លោកជំទាវរដ្ឋមន្រ្តី ដើម្បីចែកជូនប្រជាពលរដ្ឋសម្រាប់បង្កើនអនាម័យនៅតាមភូមិឃុំ។ ក្រុមហ៊ុន វើលដ៍ ឡាយហ្វ៍ ហ្វាម៉ា ក៏មានសកម្មភាពសប្បុរសធម៌ជាច្រើន ដើម្បីចូលរួមលើកកម្ពស់សុខភាពរបស់ប្រជាពលរដ្ឋ តាមរយៈផ្សព្វផ្សាយសារដែលមានខ្លឹមសារអប់រំអំពីសុខភាពតាមរយៈបណ្តាញសង្គម ។ លោកជំទាវរដ្ឋមន្រ្តី បានស្វាគមន៍ និងកោតសរសើរដល់ក្រុមការងារដែលជាសហគ្រិនកម្ពុជាវ័យក្មេង បានយកចិត្តទុកដាក់ចូលរួមចំណែកជួយសង្គមជាតិ ដើម្បីប្រយុទ្ធប្រឆាំងនឹងវីរុស កូវីដ ១៩នេះ។ លោកជំទាវរដ្ឋមន្រ្តី បានថ្លែងអំណរគុណដ៏ជ្រាលជ្រៅ ព្រមទាំងលើកទឹកចិត្តក្រុមការងារ សូមឱ្យបន្តសកម្មភាពជួយដល់សង្គម ព្រមទាំងអាចសម្រេចកិច្ចការងាររបស់ពួកគេឱ្យបានជោគជ័យ។…

កាលពីថ្ងៃពុធ ១កើត ខែពិសាខ ឆ្នាំកុរ ទោស័ក ព.ស ២៥៦៣ ត្រូវនឹងថ្ងៃទី ២២ ខែ មេសា ឆ្នាំ២០២០ លោកជំទាវ​ ខេង សំវ៉ាដា​ រដ្ឋលេខាធិការ​ក្រសួងកិច្ចការនារី និងជាតំណាងកម្ពុជាប្រចាំគណៈកម្មាធិការស្រ្តី អាស៊ាន (ASEAN Committee on Women) បានចូលរួមក្នុងសន្និសីទអន្តរជាតិតាមរយៈ video conference នៅទីស្តីការក្រសួងកិច្ចការនារី ដើម្បីស្វែងយល់ពីលទ្ធផលអង្កេតស្តីពី “ផលប៉ះពាល់ដល់ស្រ្តីដែលបណ្តាលមកពីការរីករាលដាលនៃជំងឺកូវីដ១៩ ក្នុងរយៈពេល១០០ថ្ងៃដំបូងនៅក្នុងតំបន់អាស៊ី-ប៉ាស៊ីហ្វិក” ដែលរៀបចំដោយអង្គការ UNWomen នៅក្នុងប្រទេសចំនួន១៣។ ការអង្កេតនេះធ្វើឡើងក្នុងគោលបំណងស្វែងយល់លក្ខណៈរហ័សនូវផលប៉ះពាល់បន្ទាន់នៃជំងឺកូវីដ១៩ ទៅលើស្រ្តី និងក្មេងស្រី ដែលអាចយក មកប្រើប្រាស់ក្នុងការរៀបចំជាផែនការកាត់បន្ថយនូវផលប៉ះពាល់ទាំងនេះឲ្យបានទាន់ពេលវេលា។ លទ្ធផលគន្លឹះៗ នៃការរកឃើញជាបឋមនេះ បានបង្ហាញដូចខាងក្រោម៖ ១.  ស្រ្តី សន្តិភាព និងសន្តិសុខ (Women, Peace and Security): វិធានការនៃការឆ្លើយតបទៅនឹងជំងឺកូវីដ១៩ ដោយប្រើច្បាប់ដាក់ប្រទេសក្នុងគ្រាមានអាសន្ន ការបិទប្រទេស ការដាក់ប៉ុស្តិយោធាសម្រាប់ការត្រួតពិនិត្យ ការបិទព្រំដែន ការបិទការធ្វើដំណើរ ប្រៀបបាននឹងដាក់ស្រ្តី…

លោកជំទាវ អុឹង កន្ថាផាវី រដ្ឋមន្រ្តីក្រសួងកិច្ចការនារីបានទទួលជំនួបសម្តែងការគូរសម របស់លោកជំទាវ Camen Moreno ឯកអគ្គរាជទូតនៃសហភាពអឺរ៉ុបប្រចាំប្រទេសកម្ពុជា កាលពីថ្ងៃពុធ ១០រោច ខែផល្គុន ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី ១៨ ខែមីនា ឆ្នាំ២០២០ នៅទីស្តីការក្រសួងកិច្ចការនារី ។ លោកជំទាវរដ្ឋមន្រ្តីបានលើកឡើងពី កិច្ចប្រជុំអាស៊ី-អឺរ៉ុប (ASEM) ដែលនឹងធ្វើឡើងនៅថ្ងៃទី ១៦-១៧ ខែវិច្ឆិកា ឆ្នាំ២០២០។ ក្នុងនោះ ក្រសួងកិច្ចការនារី គ្រោងនឹងរៀបចំព្រឹត្តិការណ៍មួយក្រោមប្រធានបទ ស្រ្តី សន្តិភាព និងសន្តិសុខ ក្នុងកិច្ចប្រជុំអាស៊ី-អឺរ៉ុប ។ លោកជំទាវឯកអគ្គរដ្ឋទូត ក៏ផ្តល់អនុសាសន៍មួយចំនួន ដើម្បីស្វែងរកការគាំទ្រផ្នែកបច្ចេកទេស និងថវិកា សម្រាប់រៀបចំព្រឹត្តិការណ៍នេះ។

អបអរសាទរ ជ័យលាភី និសិ្សត សាកលវិទ្យាល័យភូមិន្ទភ្នំពេញ ក្នុងវេទិកាយុវជនជជែកពិភាក្សា ស្តីពីសមភាពយេនឌ័រ ដើម្បីចូលរួម អបអរសាទរ ខួបលើកទី១០៩ ទិវាអន្តរជាតិនារី ៨មីនា ឆ្នាំ ២០២០ ក្រោមប្រធានបទ “ មានសន្តិភាព មានការលើកកម្ពស់សមភាពយេនឌ័រ ” កាលពីថ្ងៃពុធ ៤កើត ខែផល្គុន ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី២៦ខែកុម្ភៈ ឆ្នាំ២០២០ នៅស្ថានីយ៍ទូរទស្សន៍ជាតិកម្ពុជា (ទទក )។

វេទិកាអបអរសាទរខួប អនុស្សាវរីយ៏លើកទី១០៩ ទិវាអន្តរជាតិនារី ៨មីនា ឆ្នាំ២០២០ ក្រោមប្រធានបទ “មានសន្តិភាព មានការលើកកំពស់សមភាពយេនឌ័រ” នៅក្រុមហ៊ុន Tripos Co. Ltd ស្រុកកំពង់ត្រឡាចខេត្ត កំពង់ឆ្នាំង នៅថ្ងៃចន្ទ ១រោច ខែផល្គុន ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី០៩ ខែមីនា ឆាំ្ន២០២០។ ក្រោមអធិបតីភាពលោកជំទាវស៊ីវណ្ណ បុទុម រដ្ឋលេខាធិការ ក្រសួងកិច្ចការនារី គោលបំណង៖ ដើម្បីរំលឹកពីការតស៊ូរបស់នារីទូទាំងសកលលោកក្នុងការទាមទារសិទ្ធិសេរីភាពប្រជាធិបតេយ្យ និងការអនុវត្តសិទ្ធិស្មើភាពរវាងបុរសនិងស្រ្តី ។ សមាសភាពថ្នាក់ដឹកនាំក្រុមការងាររបស់ក្រសួងកិច្ចការនារី អភិបាលស្រុក, ខេត្តមន្ទីរ កិច្ចការនារី,មន្ទីរការងារបណ្តុះបណា្តលវិជា្ជជីវ: តំណាងក្រុមហ៊ុនកម្មការិនីកម្មកររោងចក្រចំនួន(300នាក់) ។

សម្ដេចវិបុលសេនាភក្ដី សាយ ឈុំ ប្រធានព្រឹទ្ធសភា នៃព្រះរាជាណាចក្រកម្ពុជា  អញ្ជើញជាអធិបតី ពិធីអបអរសាទរខួបអនុស្សាវរីយ៍លើកទី១០៩ ទិវាអន្តរជាតិនារី ០៨មីនា ឆ្នាំ២០២០ នាព្រឹកថ្ងៃព្រហស្បតិ៍ ១២កើត ខែផល្គុន ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី ៥ ខែមីនា ឆ្នាំ២០២០  ដោយមានការអញ្ជើញចូលរួមពីសំណាក់នារីមកពីបណ្តាក្រសួង-ស្ថាប័ននានា ដឹកនាំដោយលោកជំទាវវេជ្ជ. អុឹង កន្ថាផាវី រដ្ឋមន្រ្តីក្រសួងកិច្ចការនារី នៅវិមានព្រឹទ្ធសភា។

រាជធានីភ្នំពេញ៖ អបអរសាទរ ខួបលើកទី១០៩ ទិវាអន្តរជាតិនារី ៨មីនា ឆ្នាំ២០២០ ក្រោមប្រធានបទ ” មានសន្តិភាព មានការលើកកម្ពស់សមភាពយេនឌ័រ ” ។ ……………….. លោកជំទាវ អុឹម សុីថែ រដ្ឋលេខាធិការ ក្រសួងកិច្ចការនារី អញ្ជើញជាអធិបតី វេទិកាអបអរសាទរ ខួបលើកទី១០៩ ទិវាអន្តរជាតិនារី ៨មីនា ឆ្នាំ២០២០ ដែលប្រព្រឹត្តទៅនៅថ្ងៃព្រហស្បតិ៍ ១២កើត ខែផល្គុន ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី០៥ ខែមីនា ឆ្នាំ២០២០ នៅវិទ្យាល័យទួលអំពិល និងវិទ្យាល័យប្ញស្សីកែវ ។ គោលបំណងវេទិកានេះ៖ រំលឹកពីការតស៊ូរបស់ស្ត្រីទូទាំងសកលលោកក្នុងការទាមទារសិទ្ធិ សេរីភាពប្រជាធិបតេយ្យ ការអនុវត្តសិទ្ធិស្មើភាពរវាងបុរស និងស្រី្ត និងពិនិត្យលើការចូលរួមរបស់ស្ត្រីក្នុងការអភិវឌ្ឍសង្គមលើគ្រប់វិស័យ។ សមាសភាពចូលរួមប្រមាណ ៤៥០នាក់មកពី៖ ថ្នាក់ដឹកនាំក្រសួងកិច្ចការនារី លោកអនុប្រធានមន្ទីរអប់រំ យុវជន និងកីឡា លោកនាយកវិទ្យាល័យ អ្នកគ្រូ លោកគ្រូ និងសិស្សានុសិស្ស។ ឧបត្ថម្ភដោយ៖ រាជរដ្ឋាភិបាល…

សន្និសីទសារព័ត៌មានស្តីពី «វឌ្ឍនភាព និងទិសដៅការងារបន្តរបស់ក្រសួងកិច្ចការនារី» ដែលមានលោកជំទាវ គឹម ស៊ីផាត់ រដ្ឋលេខាធិការក្រសួងកិច្ចការនារី ជាវាគ្មិន ក្រោមការរៀបចំរបស់អង្គភាពអ្នកនាំពាក្យរាជរដ្ឋាភិបាល នៅទីស្តីការគណៈរដ្ឋមន្រ្តី នាព្រឹកថ្ងៃទី២៨ ខែកុម្ភៈ ឆ្នាំ២០២០។ សន្និសីទនេះមានគោលបំណងបង្ហាញជូនសាធារណជន ឱ្យបានយល់ច្បាស់ អំពីសកម្មភាព សមិទ្ធផល និងទិសដៅការងារបន្តរបស់ក្រសួងកិច្ចការនារី ដើម្បីជំរុញគោលនយោបាយអភិបាលកិច្ចល្អឱ្យកាន់តែមានប្រសិទ្ធភាព ឆ្លើយតបទៅនឹងយុទ្ធសាស្រ្តចតុកោណ ដំណាក់កាលទី៤ របស់រាជរដ្ឋាភិបាលកម្ពុជា។

រាជធានីភ្នំពេញ៖ អបអរសាទរ ខួបលើកទី១០៩ ទិវាអន្តរជាតិនារី ៨មីនា ឆ្នាំ២០២០ ក្រោមប្រធានបទ ” មានសន្តិភាព មានការលើកកម្ពស់សមភាពយេនឌ័រ ” ។ ……………….. លោកជំទាវ ប៊ុន ពុទ្ធី អនុរដ្ឋលេខាធិការ ក្រសួងកិច្ចការនារី ចូលរួមជាអធិបតីភាព វេទិការអបអរសាទរ ខួបលើកទី១០៩ ទិវាអន្តរជាតិនារី ៨មីនា ឆ្នាំ២០២០ ដែលប្រព្រឹត្តទៅនៅ រសៀលថ្ងៃអង្គារ ១០កើត ខែផល្គុន ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី០៣ ខែមីនា ឆ្នាំ២០២០ នៅវិទ្យាល័យកំបូល ។ គោលបំណងវេទិកានេះ៖ រំលឹកពីការតស៊ូរបស់ស្ត្រីទូទាំងសកលលោកក្នុងការទាមទារសិទ្ធិ សេរីភាពប្រជាធិបតេយ្យ ការអនុវត្តសិទ្ធិស្មើភាពរវាងបុរស និងស្រី្ត និងពិនិត្យលើការចូលរួមរបស់ស្ត្រីក្នុងការអភិវឌ្ឍសង្គមលើគ្រប់វិស័យ។ សមាសភាពចូលរួមប្រមាណ ២៥០នាក់មកពី៖ ថ្នាក់ដឹកនាំក្រសួងកិច្ចការនារី លោកប្រធានមន្ទីរអប់រំ យុវជន និងកីឡា នាយកវិទ្យាល័យ អ្នកគ្រូលោកគ្រូ និងសិស្សានុសិស្ស។ ឧបត្ថម្ភដោយ៖ រាជរដ្ឋាភិបាល (PB)…